“Nakai fano au mo e tau tagata pikopiko.”​—Salamo 26:4

Ko e aoga fēfē e mahani fakamooli ma e magafaoa?

• Tau Fakatai 6:16-19

  Ko e mahani fakamooli i loto he magafaoa ka ati hake e falanakiaga. Ko lautolu oti i loto he magafaoa kua lata ke mahani fakamooli e taha ke he taha pete ni he uka.

• Tau Fakatai 22:6; Efeso 6:4

  Ka kitia he tau fanau e tau matua ne mahani fakamooli, ti mukamuka ki a lautolu ke mahani fakamooli.

“Vihiatia e Iehova e tagata mahani keukeu; ka kua feofanaki a ia mo lautolu ne mahani hakohako.”​—Tau Fakatai 3:32

Ko e ha ne kua aoga ke mahani fakamooli mo e tau matakainaga he fakapotopotoaga?

• Tau Fakatai 10:19; Kolose 4:6

  Manako tumau a tautolu ke vagahau mooli, ti kua lata e tau kupu ha tautolu ke fakaalofa mo e totonu.

• Levitika 5:1; Heperu 13:17; Iakopo 5:14, 15

  Ka mahani fakamooli a tautolu mo e tau motua he fakapotopotoaga, ti maeke a lautolu ke lagomatai a tautolu.

• Ieremia 32:9-12; Efeso 6:5-8

  Ka taute pisinisi mo e tau matakainaga ha tautolu, lata ke mahani fakamooli tumau, taute fakamitaki, mo e fakamooli e tau maveheaga.

“Kia mua e manako ke talahaua mitaki ke he manako ke he tau koloa loga.”​—Tau Fakatai 22:1

Ko e heigoa e falu faahi he moui ka mahani fakamooli a tautolu ki ai?

• Salamo 37:21; Mataio 22:17-21; Roma 13:1-7; Efeso 4:25, 28

  Mahani fakamooli a tautolu ke he takitaki gahua, tau tuaga fakapisinisi, tau tohi kamatamata he aoga, fakapuke e tau laupepa tuga e tau tohi tukuhau po ke tau tohi he fakatufono.

Ko e ha ne mua e mahani fakamooli ke he tau koloa he tino?

• Salamo 15:1, 2; Tau Fakatai 11:1; 1 Timoteo 6:9, 10

  Uho lahi e tagata ne mahani fakamooli mo e falanaki ki ai. Ko e mahani fakamooli ne lagomatai a tautolu ke loto manamanatu mitaki. Fiafia a Iehova ke he tau laliaga ha tautolu ke mahani fakamooli.