15. Fiafia ke he Gahua Haau
1 TUFUGATIA E IEHOVA E TAU TAGATA MO E MANAKO KE GAHUA
“Kia takitaha e tagata mo e kai, mo e inu, mo e fiafia ai ke he tau mena mitaki he hana tau gahua oti; ko e mena kua foaki mai he Atua haia.”—Fakamatalaaga 3:13
Ko e ha e gahua ko e mena fakaalofa mai he Atua?
-
Kenese 1:1, 31; Fakamatalaaga 2:24; Ioane 5:17
Gahua malolō a Iehova. Fiafia a ia ke he haana gahua mo e manako a ia ke fiafia a tautolu ke he gahua ha tautolu.
-
Tau Fakatai 8:22-31; Kolose 1:15-17
Gahua malolō tumau foki a Iesu i luga he lagi mo e lalolagi.
-
Mareko 6:3; Luka 21:37, 38; Ioane 4:31-38; 17:4
Gahua fakamakutu a Iesu mo e fakakatoatoa e tau kotofaaga haana pete he nakai mukamuka.
2 MAEKE A TAUTOLU KE FEAKI E AGA MITAKI KE HE GAHUA HA TAUTOLU
“Kua kitia kia e koe e tagata mafiti ke he hana tau gahua? To tu a ia ki mua he tau patuiki.”—Tau Fakatai 22:29
Ko e heigoa ka lagomatai a tautolu ke fiafia ke he gahua ha tautolu?
-
Tau Fakatai 12:24; Kolose 3:22-24; Heperu 13:18
Pete he nakai maeke a tautolu ke hiki e gahua, ka e maeke ke hiki e aga ha tautolu. Manako foki a tautolu ke fakamooli mo e gahua malolō.
-
Tau Fakatai 27:11; 1 Timoteo 5:8; 1 Peteru 2:12
Ka leveki e koe e magafaoa haau ke he tau koloa he tino, kua fanogonogo a koe ke he Atua. Ti ko e mahani mitaki haau he gahuaaga ka fakalilifu a Iehova.
-
Esoto 20:13-15; Tau Fakatai 2:6; Roma 14:19-22; Efeso 5:28–6:4; 1 Ioane 5:3; Fakakiteaga 18:4
Ko e Tohi Tapu ka lagomatai a tautolu ke maama ko e gahua ne talia e tautolu ka lauia a koe mo e magafaoa ha tautolu, falu matakainaga, mo e mua atu ko Iehova.
3 TUKU FAKAMUA E TAU MENA NE AOGA KA LAGOMATAI A TAUTOLU KE FIAFIA KE HE GAHUA HA TAUTOLU
“Kumikumi . . . e tau mena kua fiafia e Iki ki ai.”—Efeso 5:10.
Ko e heigoa ka tuku fakamua?
-
Salamo 37:25; Tau Fakatai 3:5, 6; 1 Peteru 5:7
Falanaki ki a Iehova na iloa e ia e tau manako haau he tau aho takitaha.
-
Mataio 6:25-32; 1 Timoteo 6:8-10; Heperu 13:5
Fakaako ke fiafia ke he tau mena ne kua fitā he moua e koe.
-
Tau Fakatai 10:22; Mataio 6:33; 28:19, 20; Heperu 10:24, 25
Hagaaki tumau ke fekafekau ki a Iehova mo e fakamatala e tala mitaki. Ko e gahua ne mua atu a ia ki a tautolu.
