“Nakai ko e tau tagata he lalolagi a lautolu, ke tuga foki au, nakai ko e tagata he lalolagi au.”​—Ioane 17:16

Ko e ha ne lata a tautolu ke vevehe kehe mai he lalolagi ha Satani?

• 1 Ioane 5:19

  Ko e “lalolagi” kua hagaao ke he tau tagata ne nakai iloa e Atua mo e kua fakahehē he pule he lalolagi ko Satani.

• Iakopo 4:4

  Manako a tautolu ke onoono mai a Iehova ko e tau kapitiga haana a tautolu. Fifitaki e tautolu a Iehova mo Iesu ke he mahani, vagahau mo e tau gahua ha tautolu.

“Kia mua he leveki e koe e loto hāu ke he tau mena oti kua leveki ai.”​—Tau Fakatai 4:23

Ko e heigoa e kakano ke totoko e tau mahani he lalolagi ha Satani?

• Efeso 2:2; 1 Ioane 2:16

  Ko Satani ne lotokai, fakatokoluga, mo e totoko. Manako a ia ke he tau tagata ke talitonu kua nakai lata a lautolu ke omaoma ke he Atua.

• 1 Korinito 10:31

  Fakakite e tautolu ne nakai fai vala he lalolagi a tautolu ke he puhala vagahau mo e gahua. Fakakite foki e tautolu ke he tau mena fakatagata.

• 1 Korinito 2:12; 1 Ioane 4:4

  Ke totoko e tau mahani he lalolagi ha Satani, kua lata a tautolu ke fakatata ki a Iehova mo e fakapuke e tau loto ke he tau manatu haana.

“Ha ko e mena nakai moui taha he loga hana tau mena ha i ai.”​—Luka 12:15

Ko e heigoa ka lagomatai a tautolu ke moua e tau manatu ha Iehova ke he tau koloa he tino?

• Gahua 20:35; 1 Timoteo 6:9, 10

  Manako a Satani ke talitonu a tautolu ko e tau mena fakafiafia mo e tau koloa ke moua e tautolu e fiafia. Ka e fakaako e Iesu a tautolu, moua e fiafia he fakafetuiaga mitaki mo e Atua mo e foaki age ke he falu.

• Mataio 6:31, 32; Mareko 12:30, 31; Luka 21:34-36

  Ka hagaaki e fekafekauaga ha tautolu ki a Iehova, to monuina e tau momoui ha tautolu. Ti maeke ke fiafia mo e mafola e loto.