“Ka ko e toto ko e moui he tino haia.”​—Levitika 17:11

Fēfē e onoonoaga ha Iehova ke he toto?

• Levitika 17:10; Tau Fakatai 13:16; Gahua 15:20; Roma 12:2

  Ka tupu taha tuaga ke lauia e tau fifiliaga lalahi ke he tau tuluiaga fakaekekafo ne fakaaoga e toto, ke talia po ke nakai talia e tautolu e tau vala ikiiki he toto. Ko e tau fifiliaga ni haau nakai he falu. Ato tupu e tuaga pihia, kua lata a tautolu ke liogi ma e takitakiaga mo e taute e kumikumiaga.

• Kenese 9:4, 5, 9; Teutaronome 12:16; Gahua 15:28, 29

  I loto he Tohi Tapu, ko e moui e toto. Nakai hiki e fakatufono he Atua ke he toto. Mau agaia tali mai he vahā ha Noa ke he magaaho ne age he Atua e Fakatufono faka-Mose ki a Isaraela ato hoko mai ke he vahā Kerisiano.

“Kua mua he tokoluga pihia haku a mahani ke he mahani ha mutolu, mo e haku tau manatu kua mua ke he tau manatu ha mutolu.”​—Isaia 55:9

Ko e heigoa e falu puhala ka fakakite e tautolu e uho he moui?

• Esoto 21:22, 23

  Uho e moui he tau tagata oti ki a Iehova. Nakai talia he Atua e fakatōtama, ha ko e tama nakai la fanau ia ko e tagata moui.

• Salamo 103:8-14; Gahua 3:19; Efeso 1:7

  Ko e fifine ne fitā e fakatōtama ka kua tokihala he mogonei, to fakamagalo e Iehova a ia.

• Salamo 11:5; Fakamatalaaga 11:9, 10

  Maeke a tautolu ke fakakite e lilifu ke he moui ka kalo kehe mai he tau sipote hagahagakelea po ke mahani vale. Mo e fakaeneene ke haohao mitaki e kaina mo e peleōafi.

“Ne kitia foki e au e fifine kua konahia ke he toto he tau tagata tapu.”​—Fakakiteaga 17:6

Ko e ha ne fakamaligi toto e lalolagi ha Satani?

• Fakakiteaga 18:2, 4, 9, 24

  Totou miliona ne kua kelipopo ha ko e tau lotu, fakapolitika mo e lotokai.

• Mataio 24:14; Ioane 17:16; Gahua 20:26, 27

  Tumau e tu uho he tau Kerisiano mo e nakai lalago e tau fakatokaaga ne putoia ke he felakutaki po ke kelipopo tagata. Lagomatai e tautolu e tau tagata ke moua e moui he fakamatala e ogo he Kautu ki a lautolu.