9. ‘Kia Fehola Kehe he Feuaki!’
1 KO E MATAHELE E MAHANI FEUAKI
“Kia fehola kehe a mutolu he feuaki!”—1 Korinito 6:18
Ko e ha ne hagahagakelea e mahani feuaki?
-
Numera 25:1-9; 2 Korinito 2:11
Ko e lalolagi ha Satani kua hufia ke he mahani fakataane mo e fifine ti ko e mahani nei ka lauia e tau tagata a Iehova. Ko e mahani feuaki ko e taha matahele ne mua ki a Satani ti kua lata a tautolu ke puipui mai he mena ia.
-
Tau Fakatai 22:3; Kalatia 6:7, 8
Manamanatu ke he mamahi mo e matematekelea ka moua he mahani feuaki.
-
Ka mahani feuaki taha matakainaga, nakai maeke a ia ke fakalataha mo e fakapotopotoaga.
2 MAEKE A TAUTOLU KE TOTOKO E MAHANI FEUAKI
“Ka e takitokotaha mo e kamatamata a ia ka toho mo e hele a ia he hana tau manako lahi; Ka . . . manako lahi ti fanau mai ai e ia, ko e hala.”—Iakopo 1:14, 15
Maeke fēfē a tautolu ke totoko e mahani feuaki?
-
Iopu 31:1; Ieremia 17:9; Mataio 5:27, 28; Kolose 3:5
Tiaki fakamafiti e tau manatu feuaki neke hoko ke he tau manako hepe. Kalo kehe mai he tau ata telefua.
-
Kenese 39:7-12; 2 Korinito 4:7; Iakopo 1:5
Taute e taha mena kua lata. Ole ki a Iehova ke lagomatai a koe.
-
Manamanatu fakahokulo ke he uho he omaoma e tau fakatufono he Atua.
-
Tau Fakatai 13:20; 1 Korinito 15:33
Fifili e tau kapitiga ne fakaalofa ki a Iehova mo e tatai e tau tuaga mo koe.
3 AUA NEKE MAHALA, TO LAGOMATAI E IEHOVA A KOE
“Ko koe, ko e Iki [Iehova] na e, kua mitaki ni a koe, ti fakamagalo e tau hala.”—Salamo 86:5
Lagomatai fēfē e Iehova a tautolu ka taute e agahala lahi?
-
Salamo 103:14; Tau Fakatai 28:13; Roma 7:21-25
Ka tokihala e tagata to fakamagalo e Iehova a ia.
-
Kalatia 6:1, 2; Iakopo 5:14-16
Ko e tau motua he fakapotopotoaga ka lagomatai a tautolu ke liu matutaki e fakafetuiaga mo e Atua.
-
Tau Fakatai 3:5, 6; Filipi 4:8, 9
Fakaako ke manamanatu he puhala ke fakafiafia a Iehova. Ti taute e koe e tau fifiliaga pulotu.
