VALA 1
Fanogonogo Fēfē a Tautolu ke he Atua?
Kua vagahau e Atua ki a tautolu puhala he Tohi Tapu. 2 Timoteo 3:16
Takitaki he Atua mooli e tau tagata taane ke tohi hifo e tau manatu haana he taha e tohi kua tapu. Ko e tohi ia ko e Tohi Tapu. Ko e tau vala tala aoga ha i loto kua manako e Atua ke iloa e koe.
Iloa he Atua e mena kua mua atu e aoga ma tautolu, ti ko ia e Punaaga he iloilo oti kana. He fanogonogo ki a ia, to iloilo mooli a koe.—Tau Fakatai 1:5.
Manako e Atua ke he tau tagata oti he lalolagi ke totou e Tohi Tapu. Ha i ai mogonei ke he loga e tau vagahau.
Ka manako a koe ke fanogonogo ke he Atua, kua latatonu a koe ke totou mo e maama e Tohi Tapu.
Fanogonogo e tau tagata he tau matakavi oti. Mataio 28:19
Maeke he Tau Fakamoli a Iehova ke lagomatai a koe ke maama e Tohi Tapu.
He lalolagi katoa, kua fakaako e lautolu e kupu mooli hagaao ke he Atua.
Nakai totogi e koe ha mena ma e fakaakoaga nei. Maeke foki a koe ke fakaako hagaao ke he Atua he Fale he Kautu he Tau Fakamoli a Iehova he matakavi.