VALA 2
Ko Hai e Atua Mooli?
Taha ni e Atua mooli, ti ko e higoa haana ko Iehova. (Salamo 83:18) Ko ia ko e Agaga; nakai kitia e tautolu a ia. Fakaalofa a ia ki a tautolu ti manako ki a tautolu ke fakaalofa age ki a ia. Manako foki a ia ki a tautolu ke fakaalofa ke he falu tagata. (Mataio 22:35-40) Ko ia e Mua Ue Atu, ko e Tufuga he tau mena oti kana.
Ko e tufugatia fakamua he Atua ko e mena moui fakaagaaga malolō lahi ne iloa ai fakamui ko Iesu Keriso. Ne tufugatia foki e Iehova e tau agelu.
Ne eke e Iehova e tau mena oti kana he lagi . . . mo e lalolagi. Fakakiteaga 4:11
Ne eke e Iehova ko e Atua e tau fetū ti pihia mo e lalolagi mo e tau mena oti kana i ai.—Kenese 1:1.
Ne eke e ia a Atamu, ko e tagata taane fakamua, mai he efuefu he kelekele.—Kenese 2:7.
Liga Manako Foki a Koe
TAU FAKAAKOAGA AOGA HE TOHI TAPU
Fai Higoa Nakai e Atua?
Ko e Atua ne loga e tau matahigoa, tuga ko e Atua Mana, Tufuga, mo e Iki. Ka ko e higoa he Atua ne fakaaoga he molea e 7,000 i loto he Tohi Tapu.
