Ko Iehova ko e Atua maopoopo. (1 Korinito 14:33) Ti amanaki a tautolu ke he tau tagata haana ke fakatokatoka fakamitaki foki. Fakatokatoka fēfē e fakapotopotoaga Kerisiano? Lagomatai fēfē e tautolu ke kautū ai?

1. Ko hai e ulu he fakapotopotoaga?

“[Ko] Keriso, ko e ulu he ekalesia haia.” (Efeso 5:23) Mai he lagi, ne takitaki e ia e gahua he tau tagata ha Iehova he lalolagi katoa. Kotofa e Iesu e “fekafekau fakamoli mo e loto matala,” ko e matakau tote he tau motua malolō fakaagaaga ne iloa foki ko e Kau Fakatufono. (Totou Mataio 24:45-47.) Tuga e tau aposetolo mo e tau patu he senetenari fakamua i Ierusalema, kua leveki he Kau Fakatufono e fakapotopotoaga he lalolagi katoa. (Gahua 15:2) Ka e nakai takitaki he tau tagata taane nei e fakatokatokaaga ha tautolu. Onoono a lautolu ki a Iehova mo e haana Kupu ma e takitakiaga ti omaoma a lautolu ke he pule ha Iesu.

2. Ko e heigoa e matagahua he tau motua?

Ko e tau motua ko e tau tagata taane Kerisiano momoui fakaagaaga ne fakaako mai he Tohi Tapu mo e leveki e tau tagata ha Iehova he lagomatai mo e atihake a lautolu. Nakai totogi e gahua ha lautolu. Ka e fekafekau a lautolu ki mua he Atua “nakai he ole fakamakamaka ai; aua foki neke eke mo e fia eke koloa, ka ko e loto fiafia.” (1 Peteru 5:1, 2) Ko e tau motua kua lalago he tau fekafekau lagomatai ti maeke ke hokotia ke eke mo tau motua.

Kotofa he Kau Fakatufono e falu motua ke eke mo tau leveki takaiaga. Ahiahi a lautolu ke he tau fakapotopotoaga kehekehe ke foaki e lagomatai mo e atihake. Kotofa e lautolu e tau motua mo e tau fekafekau lagomatai ne kua lata mo e tuaga he Tohi Tapu.​—1 Timoteo 3:1-10, 12; Tito 1:5-9.

3. Ko e heigoa e matagahua he Tau Fakamoli takitaha?

Ko lautolu oti he fakapotopotoaga kua “fakaheke a lautolu ke he higoa a Iehova” he fai vala he tau feleveiaaga mo e gahua he fonua ka fakaatā he tau tuaga ha lautolu.​—Totou Salamo 148:12, 13.

 KUMIKUMI FAKAHOKULO

4. Ko Iesu ko e takitaki totonu

Foaki mai e Iesu e uiina mitaki lahi. Totou Mataio 11:28-30, ti tutala ke he hūhū nei:

• Manako a Iesu ke fēfē e logonaaga ha tautolu ke he takitakiaga haana?

5. Fakaako e tau motua puhala he fakafifitakiaga

1. A. Tau motua kua tumau ke leveki a lautolu mo e magafaoa ke malolō fakaagaaga

2. E. Tau motua kua manamanatu ki a lautolu oti he fakapotopotoaga

3.  I. Tau motua kua fakamatala tumau

4. O. Tau motua ko e tau faiaoga. Lagomatai foki ke fakameā mo e falu gahua

6. Maeke a tautolu ke kaufakalataha mo e tau motua

Talahau he Tohi Tapu e kakano aoga ke kaufakalataha mo e tau motua. Totou Heperu 13:17, ti tutala ke he tau hūhū nei:

• Felauaki nakai e talahauaga he Tohi Tapu kua lata a tautolu ke makai ke omaoma mo e lalago a lautolu ne takitaki? Ko e ha ne manatu pihia a koe, po ke ko e ha ne nakai manatu pihia a koe?

Totou Luka 16:10, ti tutala ke he hūhū nei:

• Ko e ha kua aoga ke omaoma ke he tau motua pete ne tuga ko e tau mena ikiiki?

 MANATU KATOA

Ko Iesu e ulu he fakapotopotoaga. Ti kaufakalataha a tautolu mo e tau motua ne gahua i lalo hifo ha Iesu ha kua atihake mo e fakaako e lautolu a tautolu puhala he fakafifitakiaga.

Liu Fakamanatu

• Ko hai e ulu he fakapotopotoaga?

• Lagomatai fēfē he tau motua e fakapotopotoaga?

• Ko e heigoa e matagahua he tau tagata takitaha ne tapuaki ki a Iehova?