FAKAAKOAGA 33
Ko e Mena ka Taute he Kautu
Ko e Kautu he Atua kua fitā he pule. Nakai leva ti taute ai e tau hikiaga lalahi ke he lalolagi. To fakatutala a tautolu ke he falu mena mitaki ka amanaki a tautolu ki ai he pule he Kautu.
1. To liuaki mai fēfē he Kautu he Atua e mafola mo e fakafili tonu ke he lalolagi?
Ko Iesu ko e Patuiki he Kautu he Atua ka fakaotioti e tau tagata mahani kelea mo e tau fakatufono he tauaga i Amaketo. (Fakakiteaga 16:14, 16) He magaaho ia, to fakamooli katoatoa e maveheaga nei he Tohi Tapu: “Toe tote, ti nakai ha i ai e tagata mahani kelea.” (Salamo 37:10) Puhala he Kautu, to tamai mooli e Iesu e mafola mo e fakafili tonu ke he lalolagi katoa.—Totou Isaia 11:4.
2. To fēfē e moui ka hoko mai e finagalo he Atua ke he lalolagi?
I lalo hifo he pule he Kautu he Atua, “to eke ni e motu ma e tau tagata tututonu, to nonofo muatua ai a lautolu.” (Salamo 37:29) Manamanatu la kua nonofo he lalolagi kua tututonu e tau tagata oti ti fakaalofa ki a Iehova mo e taha ke he taha! To nakai fai tagata ka gagao, mo e to momoui tukulagi e tau tagata oti.
3. Ko e heigoa ka taute he Kautu he Atua ka mole e fakaotioti e tau tagata mahani kelea?
Ka mole e fakaotioti e tau tagata mahani kelea, to pule a Iesu ko e Patuiki ke he 1,000 tau. He magaaho ia, ko Iesu mo e 144,000 kua pule fakalataha mo ia ka lagomatai e tau tagata he lalolagi ke mitaki katoatoa. Ka mole e 1,000 tau, to eke e lalolagi mo parataiso fulufuluola, ti puke ai he tau tagata fiafia kua aoga mai he omaoma ke he tau matafakatufono ha Iehova. To liuaki age mogoia e Iesu e Kautu ke he haana Matua ko Iehova. Nakaila pihia ia, to “tapu [e] higoa” ha Iehova. (Mataio 6:9, 10) To fakamooli ai ko Iehova ko e Pule mitaki ne leveki e tau tagata haana. Ti fakaotioti e Iehova a Satani, tau temoni, mo e falu ne fifili ke totoko ke he pule Haana. (Fakakiteaga 20:7-10) Ko e tau tuaga mitaki katoatoa ka tamai he Kautu he Atua to tumau tukulagi.
KUMIKUMI FAKAHOKULO
Manamanatu ke he kakano kua falanaki a tautolu to fakaaoga he Atua e Kautu ke fakamooli e tau maveheaga oti he Tohi Tapu ma e vahā i mua ha tautolu.
4. To fakaoti he Kautu he Atua e tau fakatufono he tagata
“Kua pule ai e taha tagata ke he taha, ke kelea ai e ia ni.” (Fakamatalaaga 8:9) To fakaaoga e Iehova e Kautu haana ke utakehe katoatoa e nakai fakafili tonu nei.
Totou Tanielu 2:44 mo e 2 Tesalonia 1:6-8, ti tutala ke he tau hūhū nei:
-
Ko e heigoa ha Iehova mo e Tama ko Iesu ka taute ke he tau fakatufono he tagata mo lautolu ne lalago ai?
-
Mauokafua fēfē a koe ke he tau mena ne fakaako ki a Iehova mo Iesu to tonu mo e hako e tau gahua ha laua?
5. Latatonu a Iesu ke Patuiki
Ko Iesu e Patuiki he Kautu he Atua, to lagomatai e ia e tau tagata he lalolagi ke he tau puhala loga. Tā e VITIŌ ke kitia e puhala kua fitā a Iesu he fakakite e manako mo e malolō ne foaki age he Atua ke lagomatai e tau tagata.
He nofo a Iesu he lalolagi, fakakite e ia e tau mena ka taute he Kautu. Ko e heigoa e tau monuina ne tohi he vala nei kua amaamanaki lahi a koe ki ai? Totou e tau kupu Tohi Tapu ne tutū i ai kua hagaao ke he tau monuina ia.
|
HE NOFO A IESU HE LALOLAGI . . . |
HE HAIA A IESU HE LAGI . . . |
|---|---|
|
|
|
|
|
|
|
|
6. To tamai he Kautu he Atua e vahā mitaki ue atu i mua
To fakamooli katoatoa he Kautu e finagalo ha Iehova he kamataaga ma e tau tagata. To momoui tukulagi a lautolu he parataiso he lalolagi. Tā e VITIŌ ke kitia e puhala kua fakaaoga e Iehova e haana Tama ko Iesu ke fakamooli e finagalo Haana.
Totou Salamo 145:16, ti tutala ke he hūhū nei:
-
Fēfē e logonaaga haau ke iloa ko Iehova ka “fakamakona e manako he tau mena momoui oti”?
PEHĒ FALU TAGATA: “Ka gahua auloa a tautolu, to fakamafola e tautolu e tau lekua he lalolagi.”
-
Ko e heigoa e tau lekua ka fakamafola he Kautu he Atua ne nakai maeke e tau fakatufono he tagata?
MANATU KATOA
To fakamooli he Kautu he Atua e finagalo he Atua. To fakafoou e lalolagi katoa ke eke mo parataiso ne puke he tau tagata mitaki ka tapuaki tukulagi ki a Iehova.
Liu Fakamanatu
-
Fakatapu fēfē he Kautu he Atua e higoa ha Iehova?
-
Ko e ha kua talitonu a tautolu to fakamooli he Kautu he Atua e tau maveheaga he Tohi Tapu?
-
Ko e heigoa e tau mena ka taute he Kautu kua amaamanaki lahi a koe ke kitia?
KUMI FOKI
Kumikumi ke iloa e fakamaamaaga ki Amaketo.
“Ko e Heigoa e Tauaga i Amaketo?” (Vala tala he kupega hila)
Totou ke he tau mena ka tutupu he magahala mo e ka oti e pule 1,000 tau ha Iesu.
“Ko e Heigoa Ka Tupu he Aho Fakafili?” (Ko e Kolo Toko, Oketopa-Tesemo 2012)
Kitekite ke he puhala kua maeke e tau magafaoa ke manamanatu auloa ke he tau monuina he Kautu he vahā i mua.
He tala “Tupetupe Au he Loga e Hūhū,” iloa e puhala he tagata totoko he politika ne moua e tau tali ne kumi.
Liga Manako Foki a Koe
TAU HŪHŪ MAHANI MAU
Ko e Heigoa e Fakaakoaga Tohi Tapu ne Foaki he Tau Fakamoli a Iehova?
He fakaholoaga fetutalaaki ne foaki he Tau Fakamoli a Iehova kua nakai totogi, maeke a koe ke fakaaoga ha Tohi Tapu. Atāina ke uiina e magafaoa katoa po ke tau kapitiga ke fakalataha mo koe.
