FAKAAKOAGA 55
Lagomatai e Fakapotopotoaga Haau
Totou miliona e tau tagata he lalolagi katoa kua tapuaki fiafia ki a Iehova he tau fakapotopotoaga loga. Loto fakaaue a lautolu ke he tau fakaakoaga mo e tau takitakiaga kua moua, ti lagomatai fakamakai ke he fakapotopotoaga he tau puhala loga. Pihia nakai haau a logonaaga ke he fakapotopotoaga haau?
1. Ko e heigoa falu puhala ka fakaaoga e koe e magaaho mo e malolō ke lagomatai e fakapotopotoaga?
Maeke a tautolu oti ke foaki e lima ke lagomatai e fakapotopotoaga. Ma e fakatai, fai nakai he fakapotopotoaga kua momotua po ke nakai tino malolō? Maeke nakai a koe ke lagomatai a lautolu ke hohoko ke he tau feleveiaaga? Po ke maeke nakai ke lagomatai ki a lautolu ke he falu tuaga, tuga ke he tau fakatau po ke tau gahua kaina? (Totou Iakopo 1:27.) Maeke foki a tautolu ke lagomatai ke fakameā mo e leveki e Fale he Kautu. Nakai fai tagata kua fakaohooho a tautolu ke taute e tau mena nei. Ko e fakaalofa ke he Atua mo e tau matakainaga kua omoomoi a tautolu ke ‘eke poa mo e loto fakamakai.’—Salamo 110:3.
Ko e tau matakainaga kua papatiso ka lagomatai foki e fakapotopotoaga ke he falu puhala. Ko e tau matakainaga taane kua momotua fakaagaaga ka eke mo tau fekafekau lagomatai, ti eke mogoia mo tau motua. Ko e tau matakainaga taane mo e tau matakainaga fifine kua maeke ke lagomatai fakamakutu e gahua fakamatala he eke mo tau paionia. Falu matakainaga kua maeke ke lagomatai ke tā e tau matakavi ke tapuaki po ke hiki ke he fakapotopotoaga ne manako lagomatai he falu puhala.
2. Fakaaoga fēfē e tautolu e tau tupe mo e tau koloa fakatagata ke lagomatai e fakapotopotoaga?
Maeke a tautolu ke ‘fakalilifu atu ki a Iehova he foaki e tau koloa.’ (Tau Fakatai 3:9) Ko e lilifu ma tautolu ke foaki e tau tupe mo e falu koloa ke lagomatai e fakapotopotoaga ha tautolu mo e gahua fakamatala he lalolagi katoa. (Totou 2 Korinito 9:7.) Ko e tau tupe foaki ha tautolu kua fakaaoga ke lagomatai e tau matematekelea pauaki. Tokologa ne fifili ke “tuku” kehe tumau e tupe ke foaki. (Totou 1 Korinito 16:2.) Maeke a tautolu ke tuku e tau tupe he tau puha mena fakaalofa he tau fale tapuaki ha tautolu po ke he initanete he donate.pr418.com. Tuku mai e Iehova ki a tautolu e magaaho ke fakakite e fakaalofa ki a ia he puhala kua fifili e tautolu ke fakaaoga e tau koloa he tino.
KUMIKUMI FAKAHOKULO
Manamanatu ke he falu puhala ka lagomatai e koe e fakapotopotoaga.
3. Maeke a tautolu ke fakaaoga e tau koloa fakatino
Fiafia a Iehova mo Iesu ki a lautolu kua foaki mo e fakamakai. Ma e fakatai, mailoga e Iesu e fifine takape nofogati ne tuku e mena fakaalofa. Totou Luka 21:1-4, ti tutala ke he tau hūhū nei:
-
Lata kia a tautolu ke tuku e tau tupe loga ke fakafiafia a Iehova?
-
Fēfē e logonaaga ha Iehova mo Iesu ke he tau tupe ne foaki e tautolu mai he tau loto?
Ke iloa e puhala kua fakaaoga e tau tupe ha tautolu ne foaki, tā e VITIŌ. Ti tutala ke he hūhū nā.
-
Fakaaoga fēfē e tau tupe ne foaki ke aoga ke he tau fakapotopotoaga he lalolagi katoa?
4. Maeke a tautolu ke foaki noa e lagomatai
He tau vahā Tohi Tapu, gahua fakamakutu e tau tagata tapuaki ha Iehova ke leveki e tau fale tapuaki ha lautolu. Ka e nakai ko e foaki hokoia he tau tupe. Totou 2 Nofoaga he Tau Patuiki 34:9-11, ti tutala ke he hūhū nei:
-
Lagomatai fēfē he tau Isaraela takitaha ke leveki e fale ha Iehova?
Ke kitia e puhala kua muitua he Tau Fakamoli a Iehova e fakafifitakiaga ia he Tohi Tapu, tā e VITIŌ. Ti tutala ke he tau hūhū nā.
-
Ko e ha kua aoga ke meā mo e tumau e levekiaga he Fale he Kautu?
-
Ko e heigoa falu puhala ka lagomatai e koe?
5. Maeke e tau matakainaga taane ke foli atu ke he falu matagahua
Fakamafana he Tohi Tapu e tau tagata taane Kerisiano ke foli atu ke taute e tau mena oti kua maeke a lautolu ke lagomatai e fakapotopotoaga. Ke kitia e fakafifitakiaga, tā e VITIŌ. Ti tali e hūhū nā.
-
He vitiō, foli atu fēfē a Ryan ke lalago katoatoa e fakapotopotoaga?
Fakamaama he Tohi Tapu e tau foliaga ma e tau matakainaga taane kua eke mo tau fekafekau lagomatai mo e tau motua. Totou 1 Timoteo 3:1-13, ti tutala ke he tau hūhū nei:
-
Ko e heigoa kua amanaki ke he tau matakainaga taane kua foli atu ke eke mo tau fekafekau lagomatai mo e tau motua?
-
Ko e heigoa kua amanaki ke he tau magafaoa ha lautolu?—Kikite e kupu 4 mo e 11.
-
Ka eketaha e tau matakainaga taane ke hokotia ke he tau foliaga nei, to aoga fēfē e tau tagata oti he fakapotopotoaga?
KA HŪHŪ TAHA TAGATA: “Moua mai i fe he Tau Fakamoli a Iehova e tau tupe ke leveki aki e tau gahua ha lautolu?”
-
To fēfē e tali haau?
MANATU KATOA
Fakaaue lahi a Iehova ke he tau laliaga ha tautolu ke lagomatai e fakapotopotoaga he foaki e tau magaaho, tau malolō, mo e tau koloa fakatino.
Liu Fakamanatu
-
Fakaaoga fēfē e tautolu e tau magaaho mo e tau malolō ke lagomatai e fakapotopotoaga?
-
Fakaaoga fēfē e tautolu e tau koloa fakatagata ke lagomatai e fakapotopotoaga?
-
He tau puhala fe kua manako a koe ke lagomatai e fakapotopotoaga?
KUMI FOKI
Fakatutala ke he kakano ne nakai liu e Atua ke fakaatā e tau tagata tapuaki haana ke tuku e tau mena ke hogofulu aki.
Kotofa he Tohi Tapu e falu matagahua ke he tau tagata taane kua papatiso. Ka e kua ka taute he matakainaga fifine kua papatiso e tau matagahua nei?
“Maama e Ulu he Fakapotopotoaga” (Ko e Kolo Toko, Fepuari 2021)
Kitekite ke he falu matakainaga loto malolō ne eketaha fakalahi ke uta e tau tohi ke he tau matakainaga ha lautolu.
Iloa e puhala kua kehe e fakatupe he gahua ha tautolu mai he falu fakatokatokaaga fakalotu.
“Fakatupe Fēfē e Gahua he Tau Fakamoli a Iehova?” (Vala tala he kupega hila)
Liga Manako Foki a Koe
TAU HŪHŪ MAHANI MAU
Ko e Heigoa e Fakaakoaga Tohi Tapu ne Foaki he Tau Fakamoli a Iehova?
He fakaholoaga fetutalaaki ne foaki he Tau Fakamoli a Iehova kua nakai totogi, maeke a koe ke fakaaoga ha Tohi Tapu. Atāina ke uiina e magafaoa katoa po ke tau kapitiga ke fakalataha mo koe.
