Manako e Atua ki a tautolu ke nonofo mafola mo e fiafia tukulagi ke he parataiso he lalolagi!

Ka e liga manamanatu a koe, ‘Maeke fēfē e mena ia?’ Pehē e Tohi Tapu to maeke he Kautu he Atua, ti ko e finagalo he Atua ma e tau tagata oti ke fakaako hagaao ke he Kautu mo e haana finagalo ma tautolu.—Salamo 37:11, 29; Isaia 9:7.

Manako e Atua ki a tautolu ke aoga a tautolu.

Tuga ni e matua taane mitaki ne manako ke moua he fanau haana e mitaki lahi mahaki, kua manako ha tautolu a Matua he lagi ke moua e tautolu e fiafia tukulagi. (Isaia 48:17, 18) Ne mavehe e Ia “ko e tagata kua eke e finagalo he Atua to tumau a ia tukulagi.”—1 Ioane 2:17.

Manako e Atua ke ō a tautolu he tau puhala haana.

Pehē e Tohi Tapu ko e ha tautolu a Tufuga kua manako ke “fakaako . . . a tautolu ke he hana tau puhala” ke maeke a tautolu ke ‘o ke he hana tau puhala.’ (Isaia 2:2, 3) Ne fakatokatoka e ia e “tau tagata māna” ke fakailoa e finagalo haana ke he lalolagi katoa.—Gahua 15:14.

Manako e Atua ke fakalataha a tautolu he tapuaki ki a ia.

He nakai mavehevehe e tau tagata, kua fakalataha he tapuakiaga meā ha Iehova a lautolu ke he fakaalofa mooli. (Ioane 13:35) Ko hai mogonei kua fakaako e tau tagata taane mo e tau fifine he tau matakavi oti ke he puhala ke fekafekau fakalataha ke he Atua? Kua uiina e mautolu a koe ke kumikumi ai ke he porosua nei.