Ke fakatumau e kapitiga, kua lata ia koe ke tutala mo ia. Fanogonogo a koe ki a ia, ti fanogonogo a ia ki a koe. Talahau foki e koe e tau mena mitaki hagaao ke he kapitiga hau ke he falu. Ti tatai ni mo e kapitiga he Atua. Manamanatu ke he mena kua talahau he Tohi Tapu hagaao ke he mena nei:

Tutala tumau ki a Iehova he liogi. “Kia fakamakamaka ke he liogi.”—Roma 12:12.

Totou e Kupu he Atua, ko e Tohi Tapu. “Ko e tau Tohi Tapu oti kana mai he Agaga he Atua ia, kua aoga ni ke fakaako ai, ke fakatonu ai, ke akonaki ai.”—2 Timoteo 3:16.

Fakaako falu hagaao ke he Atua. “Hanei, kia o atu a a mutolu ke eke e tau motu oti kana mo tutaki, . . . ti fakaako atu a mutolu kia lautolu kia omaoma ke he tau mena oti ne tala atu e au kia mutolu.”—Mataio 28:19, 20.

 Fakatata atu ke he tau kapitiga he Atua. “Ko ia kua feoaki mo e tau tagata iloilo, kua iloilo ni a ia.”—Tau Fakatai 13:20.

Fakalataha ke he tau feleveiaaga he Fale he Kautu. “Kia manatu foki a tautolu ko e taha ke he taha, ke fakalagalaga ai e fakaalofa mo e tau gahua mitaki; . . . kia fefakamafanaaki.”—Heperu 10:24, 25.

Lagomatai he lagaki e gahua he Kautu. “Kia takitokotaha mo e foaki tuga e fifili ke he hana loto; aua neke foaki mo e momoko, po ke foaki he ole fakafi; ha kua fakaalofa e Atua kia ia kua foaki mo e fakamakai.”—2 Korinito 9:7.