Tala 1

1. Tupu mai i fe e tau mena mitaki oti kana, ti maeke nakai a koe ke talahau taha e fakatai?

2. Ko e heigoa e mena fakamua ne tufuga he Atua?

3. Ko e ha e agelu fakamua ne uho pauaki ai?

4. Fakamaama na fēfē e tuaga he lalolagi he kamataaga. (Kitekite ke he fakatino.)

5. Kamata fēfē e Atua ke tauteute e lalolagi ke lata mo e tau manu mo e tau tagata?

Falu hūhū foki:

1. Totou Ieremia 10:12.

   Ko e heigoa e tau aga he Atua kua fakakite he tau tufugatia haana? (Isaia 40:26; Roma 11:33)

2. Totou Kolose 1:15-17.

   Ko e heigoa e matagahua ha Iesu he tufugatiaaga, ti lata ke lauia fēfē ai e onoonoaga ha tautolu ki a ia? (Kolo. 1:15-17)

3. Totou Kenese 1:1-10.

   1. (a) Ko e heigoa e kamataaga he lalolagi? (Kene. 1:1)

   2. (e) Ko e heigoa ne tupu he aho fakamua he tufugatiaaga? (Kene. 1:3-5)

   3. (i) Fakamaama e mena ne tupu he aho ke uaaki he tufugatiaaga. (Kene. 1:7, 8)

Tala 2

1. Tauteute fēfē he Atua e lalolagi ke eke mo kaina ha tautolu?

2. Talahau e tau vahega manu kehekehe ne taute he Atua. (Kitekite ke he fakatino.)

3. Ko e ha ne uho pauaki ai e katene ko Etena?

4. Ko e heigoa e finagalo he Atua ma e lalolagi katoa?

Falu hūhū foki:

1. Totou Kenese 1:11-25.

   1. (a) Ko e heigoa ne tufuga he Atua he aho ke toluaki he tufugatiaaga? (Kene. 1:12)

   2. (e) Ko e heigoa ne tupu he aho ke fāaki he tufugatiaaga? (Kene. 1:16)

   3. (i) Ko e tau vahega manu fēfē ne eke he Atua he aho ke limaaki mo e onoaki? (Kene. 1:20, 21, 25)

2. Totou Kenese 2:8, 9.

   Ko e heigoa e ua e akau pauaki ne tuku he Atua i loto he katene, ti ko e heigoa ne fakatino ai?

Tala 3

1. Kehe fēfē e fakatino he Tala 3 ke he fakatino he Tala 2?

2. Ko hai ne tufuga e tagata fakamua, ti ko hai e higoa he tagata taane?

3. Ko e heigoa e gahua ne age he Atua ki a Atamu ke taute?

4. Ko e ha ne fakapulumohea he Atua a Atamu?

5. Fiha e leva ha Atamu mo Eva ka momoui ai, ti ko e heigoa e gahua ne manako a Iehova ke taute e laua?

Falu hūhū foki:

1. Totou Salamo 83:18.

   Ko hai e higoa he Atua, mo e ko e heigoa e tuaga pauaki haana ke he lalolagi? (Iere. 16:21; Tani. 4:17)

2. Totou Kenese 1:26-31.

   1. (a) Ko e heigoa e tufugatiaaga ne mua atu he Atua he aho ke onoaki, ti kehe fēfē e tufugatiaaga nei mai he tau manu? (Kene. 1:26)

   2. (e) Ko e heigoa e tau mena ne foaki e Iehova ke he tagata mo e tau manu? (Kene. 1:30)

3. Totou Kenese 2:7-25.

   1. (a) Ko e heigoa ne putoia ke he kotofaaga ha Atamu ke fakahigoa e tau manu? (Kene. 2:19)

   2. (e) Lagomatai fēfē he Kenese 2:24 a tautolu ke maama e onoonoaga ha Iehova ke he fakamauaga, nonofo kehekehe, mo e tau vevehe? (Mata. 19:4-6, 9)

Tala 4

1. I loto he fakatino, ko e heigoa kua tupu ki a Atamu mo Eva?

2. Ko e ha kua fakahala e Iehova a laua?

3. Ko e heigoa he gata ne tala age ki a Eva?

4. Ko hai ne fakaohooho e gata ke vagahau ki a Eva?

5. Ko e ha ne galo ai e Atamu mo Eva e kaina Parataiso ha laua?

Falu hūhū foki:

1. Totou Kenese 2:16, 17 mo e 3:1-13, 24.

   1. (a) Puhala fe he hūhū he gata ki a Eva ne ekefakakelea a Iehova? (Kene. 3:1-5; 1 Ioa. 5:3)

   2. (e) Puhala fe ne eke a Eva mo fakafifitakiaga hataki ki a tautolu? (Filipi 4:8; Iako. 1:14, 15; 1 Ioa. 2:16)

   3. (i) Puhala fe ne kaumahala a Atamu mo Eva ke talia e matagahua ne taute e laua? (Kene. 3:12, 13)

   4. (o) Lalago fēfē he tau kerupi ne tuku he faahi uta he kaina ko Etena e pule katoatoa ha Iehova? (Kene. 3:24, NW)

2. Totou Fakakiteaga 12:9.

   Kautū fēfē a Satani he fuluhi e tau tagata ke totoko ke he pule he Atua? (1 Ioa. 5:19)

Tala 5

1. Fēfē e moui ma Atamu mo Eva i fafo he katene ko Etena?

2. Ko e heigoa ne kamata ke tupu ki a Atamu mo Eva, ti ko e ha?

3. Ko e fuakau ti mamate he ha e tau fanau ha Atamu mo Eva?

4. Ane mai omaoma a Atamu mo Eva ki a Iehova, to liga fēfē e moui ha laua mo e tau fanau ha laua?

5. Fakatupu fēfē he nakai omaoma ha Eva e mamahi ki a ia ni?

6. Ko hai e tau higoa he tau tama taane tokoua fakamua ha Atamu mo Eva?

7. Ko hai foki falu fanau he fakatino?

Falu hūhū foki:

1. Totou Kenese 3:16-23 mo e 4:1, 2.

   1. (a) Lauia fēfē e moui ha Atamu ha kua fakamalaia e kelekele? (Kene. 3:17-19; Roma 8:20, 22)

   2. (e) Ko e vagahau Heperu, ko e higoa Eva kua kakano “Ko ia ne Moui.” Ko e ha ne latatonu ai? (Kene. 3:20)

   3. (i) Fakakite fēfē e Iehova e levekiaga ki a Atamu mo Eva pete he mole e agahala a laua? (Kene. 3:7, 21)

2. Totou Fakakiteaga 21:3, 4.

   Ko e heigoa e “tau mena fakamua” kua amanaki a koe ke kitia ka utakehe?

Tala 6

1. Ko e heigoa e tau gahua ne taute e Kaino mo Apelu?

2. Ko e heigoa e tau mena fakaalofa ha Kaino mo Apelu ne tamai ki a Iehova?

3. Ko e ha ne fiafia a Iehova ke he mena fakaalofa ha Apelu ka e nakai fiafia ke he ha Kaino?

4. Ko e tagata fēfē a Kaino, ti lali fēfē a Iehova ke fakahako a ia?

5. Ko e heigoa ha Kaino ne taute he magaaho ne ko ia ni hokoia mo e tehina haana he fonua?

6. Fakamaama e mena ne tupu ki a Kaino he mole e kelipopo e ia e tehina haana.

Falu hūhū foki:

1. Totou Kenese 4:2-26.

   1. (a) Fakamaama fēfē e Iehova e tuaga hagahaga kelea ne ha ha i ai a Kaino? (Kene. 4:7)

   2. (e) Fakakite fēfē e Kaino e tuaga he loto haana? (Kene. 4:9)

   3. (i) Ko e heigoa e onoonoaga ha Iehova ke he fakamaligi e toto he tagata mitaki? (Kene. 4:10; Isaia 26:21)

2. Totou 1 Ioane 3:11, 12.

   1. (a) Ko e ha ne ita lahi a Kaino, ti puhala fe kua eke e mena nei mo hatakiaga ma tautolu he vahā nei? (Kene. 4:4, 5; Fakatai 14:30; 28:22)

   2. (e) Fakakite fēfē he Tohi Tapu kua maeke agaia ke fakatumau e mahani fakamooli ha tautolu pete ne totoko oti e tau tagata he magafaoa ha tautolu ki a Iehova? (Sala. 27:10; Mata. 10:21, 22)

3. Totou Ioane 11:25.

   Ko e heigoa e fakamafanaaga ne foaki e Iehova hagaao ki a lautolu oti ne mamate ha ko e mahani tututonu? (Ioane 5:24)

Tala 7

1. Puhala fe ne kehe ai a Enoka?

2. Ko e ha e tau tagata he vahā ha Enoka ne loga lahi e tau mena kelea ne taute?

3. Ko e heigoa e tau mena kelea he tau tagata kua taute? (Onoono ke he fakatino.)

4. Ko e ha ne lata a Enoka ke loto malolō?

5. Fiha e leva ne momoui e tau tagata taane he vahā i tuai, ka e fiha e leva ne moui a Enoka?

6. Ko e heigoa ne tupu he mole e mate ha Enoka?

Falu hūhū foki:

1. Totou Kenese 5:21-24, 27.

   1. (a) Ko e vahega fakafetuiaga fēfē ne moua e Enoka mo Iehova? (Kene. 5:24)

   2. (e) Hagaao ke he Tohi Tapu, ko hai e tagata ne mua atu e leva e moui, ti fiha e tau haana he magaaho ne mate ai? (Kene. 5:27)

2. Totou Kenese 6:5.

   Kelea fēfē e tau tuaga he lalolagi he mole e mate ha Enoka, ti fakatatai fēfē e mena nei mo e vahā ha tautolu? (2 Timo. 3:13)

3. Totou Heperu 11:5.

   Ko e heigoa e aga ha Enoka ne “fakafiafia atu ke he Atua,” ti ko e heigoa e fua? (Kene. 5:22)

4. Totou Iuta 14, 15.

   Maeke fēfē e tau Kerisiano he vahā nei ke fifitaki e loto malolō ha Enoka he hataki e tau tagata hagaao ke he tauaga hane hau ia Amaketo? (2 Timo. 4:2; Hepe. 13:6)

Tala 8

1. Ko e heigoa ne tupu he magaaho ne fanogonogo e falu agelu he Atua ki a Satani?

2. Ko e ha e falu agelu ne fakaoti e gahua ha lautolu he lagi ti o hifo mai ke he lalolagi?

3. Ko e ha ne hepe ai ma e tau agelu ke o hifo mai ke he lalolagi mo e fakafaliu tino tagata a lautolu?

4. Kehe fēfē e tau fanau he tau agelu?

5. He kitia e koe he fakatino, ko e heigoa he tau fanau he tau agelu ne taute he eke a lautolu mo tau tupua?

6. He mole atu a Enoka, ko hai e tagata mitaki ne moui he lalolagi, ti ko e ha ne fiafia e Atua ki a ia?

Falu hūhū foki:

1. Totou Kenese 6:1-8.

   Ko e heigoa ne fakakite he Kenese 6:6 ke he puhala ka lauia e tau logonaaga ha Iehova he tau mahani ha tautolu? (Sala. 78:40, 41; Fakatai 27:11)

2. Totou Iuta 6.

   Puhala fe he tau agelu ne “nakai taofi ha lautolu a lilifu” he vahā ha Noa kua eke mo fakamanatu ki a tautolu he vahā nei? (1 Kori. 3:5-9; 2 Pete. 2:4, 9, 10)

Tala 9

1. Tokofiha e magafaoa ha Noa, mo e ko hai e higoa he tau tama taane tokotolu haana?

2. Ko e heigoa e mena kehe lahi ne fekau he Atua a Noa ke taute, mo e ko e ha?

3. Fēfē e tali he tau katofia ha Noa he magaaho ne tala age e ia hagaao ke he vaka?

4. Ko e heigoa he Atua ne tala age ki a Noa ke taute aki e tau manu?

5. He mole e pā he Atua e gutuhala he vaka, ko e heigoa ha Noa mo e magafaoa ne lata ke taute?

Falu hūhū foki:

1. Totou Kenese 6:9-22.

   1. (a) Ko e heigoa ne eke a Noa mo tagata talahaua lahi he tapuaki ke he Atua mooli? (Kene. 6:9, 22)

   2. (e) Fēfē e logonaaga ha Iehova ke he favale, mo e lata ke lauia fēfē ai e fifiliaga ha tautolu ke he tau mena fakafiafia? (Kene. 6:11, 12; Sala. 11:5)

   3. (i) Maeke fēfē ia tautolu ke fifitaki a Noa ka moua e tautolu e takitakiaga mai he fakatokatokaaga ha Iehova? (Kene. 6:22; 1 Ioa. 5:3)

2. Totou Kenese 7:1-9.

   Maeke fēfē he onoonoaga ha Iehova na tututonu e tagata nakai mitaki katoatoa ko Noa, ke fakamalolō a tautolu he vahā nei? (Kene. 7:1; Fakatai 10:16; Isaia 26:7)

Tala 10

1. Ko e ha ne nakai maeke ai ha tagata ke hu ki loto he vaka he magaaho ne kamata e uha ke tō?

2. Fiha e aho mo e pō ne fakatō e Iehova e uha, ti hokulo fēfē e vai?

3. Ko e heigoa ne tupu ke he vaka he magaaho ne kamata e vai ke ufia e lalolagi?

4. Hao nakai e tau tupua mai he Fakapuke, ti ko e heigoa ne tupu ke he tau mamatua taane he tau tupua?

5. Ko e heigoa ne tupu ke he vaka he mole e lima e mahina?

6. Ko e ha ne fakafano atu e Noa e oreva mai he vaka?

7. Iloa fēfē e Noa kua matukutuku hifo e vai he lalolagi?

8. Ko e heigoa ne tala age he Atua ki a Noa he molea e taha e tau he nonofo a ia mo e magafaoa haana i loto he vaka?

Falu hūhū foki:

1. Totou Kenese 7:10-24.

   1. (a) Katoatoa fēfē e moumouaga he tau mena momoui he lalolagi? (Kene. 7:23)

   2. (e) Fiha e leva to matukutuku hifo e tau vai he Fakapuke? (Kene. 7:24)

2. Totou Kenese 8:1-17.

   Fakakite fēfē he Kenese 8:17 kua nakaila hiki ia e finagalo he Atua ma e lalolagi he kamataaga? (Kene. 1:22)

3. Totou 1 Peteru 3:19, 20.

   1. (a) Ko e magaaho ne liliu hake e tau agelu totoko ke he lagi, ko e heigoa e fakafiliaga ne moua e lautolu? (Iuta 6)

   2. (e) Fakamalolō fēfē he tala ki a Noa mo e magafaoa e mauokafua ha tautolu ke he malolō ha Iehova ke fakahao e tau tagata haana? (2 Pete. 2:9)

Tala 11

1. Tuga ne fakakite he fakatino, ko e heigoa ne taute e Noa he magaaho ne hau fakamua a ia ki fafo he vaka?

2. Ko e heigoa e poakiaga ne age he Atua ki a Noa mo e magafaoa haana he mole e Fakapuke?

3. Ko e heigoa e maveheaga ne taute he Atua?

4. Ka kitia e tautolu e tagaloa, ko e heigoa kua lata ai ke fakamanatu mai ki a tautolu?

Falu hūhū foki:

1. Totou Kenese 8:18-22.

   1. (a) Maeke fēfē ia tautolu he vahā nei ke foaki “e namu manogi” ki a Iehova? (Kene. 8:21; Hepe. 13:15, 16)

   2. (e) Ko e heigoa ne mailoga e Iehova hagaao ke he tuaga he loto he tagata, ti ko e heigoa kua lata ia tautolu ke fakagahuahua? (Kene. 8:21; Mata. 15:18, 19)

2. Totou Kenese 9:9-17.

   1. (a) Ko e heigoa e maveheaga ne taute e Iehova mo e tau mena momoui oti kana he lalolagi? (Kene. 9:10, 11)

   2. (e) Fiha e leva ka fakagahuahua ai e maveheaga he tagaloa? (Kene. 9:16)

Tala 12

1. Ko hai a Nimarota, ti fēfē e logonaaga he Atua ki a ia?

2. I loto he fakatino, ko e ha ne tā piliki ai e tau tagata?

3. Ko e ha ne nakai fiafia ai a Iehova ke he gahua nei?

4. Taofi fēfē he Atua e tālagaaga he kolo?

5. Ko hai e higoa he maaga, mo e ko e heigoa e kakano he higoa ia?

6. Ko e heigoa ne tupu ke he tau tagata he mole e fakakehekehe he Atua e tau vagahau ha lautolu?

Falu hūhū foki:

1. Totou Kenese 10:1, 8-10.

   Ko e heigoa e tau aga ne fakatātā e Nimarota, ti ko e heigoa e hatakiaga ne foaki mai he mena nei ma tautolu? (Fakatai 3:31)

2. Totou Kenese 11:1-9.

   Ko e heigoa ne fakaohooho ai ke tālaga e kolo, ti ko e ha ne kua amaamanaki pauaki ke kaumahala e matagahua? (Kene. 11:4; Fakatai 16:18; Ioane 5:44)

Tala 13

1. Ko e tau vahega tagata fēfē ne nonofo he maaga ko Uro?

2. Ko hai e tagata i loto he fakatino, fanau a ia he mogo fe, ti nofo a ia i fe?

3. Ko e heigoa ne tala age he Atua ki a Aperahamo ke taute?

4. Ko e ha ne fakahigoa ai a Aperahamo ko e kapitiga he Atua?

5. Ko hai ne fakatauō mo Aperahamo he magaaho ne toka e ia a Uro?

6. Ko e heigoa ne tala age he Atua ki a Aperahamo he magaaho ne hoko a ia ke he motu ko Kanana?

7. Ko e heigoa ne mavehe he Atua ki a Aperahamo he magaaho ne 99 e tau moui haana?

Falu hūhū foki:

1. Totou Kenese 11:27-32.

   1. (a) Magafaoa fēfē a Aperahamo mo Lota? (Kene. 11:27)

   2. (e) Pete he talahaua ko Taraha ne uta haana magafaoa ki Kanana, iloa fēfē e tautolu ko Aperahamo ne tamata e hikiaga nei, ti ko e ha ne taute pihia ai e ia? (Kene. 11:31; Gahua 7:2-4)

2. Totou Kenese 12:1-7.

   Ko e heigoa e fakalaulahiaga ke he maveheaga faka-Aperahamo ne taute e Iehova he mole e hoko atu ha Aperahamo ke he motu ko Kanana? (Kene. 12:7)

3. Totou Kenese 17:1-8, 15-17.

   1. (a) Ko e heigoa e hikiaga ke he higoa ha Aperamo he magaaho ne 99 e tau moui haana, ti ko e ha? (Kene. 17:5)

   2. (e) Ko e heigoa e tau monuina he vahā i mua ne mavehe e Iehova ki a Sara? (Kene. 17:15, 16)

4. Totou Kenese 18:9-19.

   1. (a) Ia Kenese 18:19, ko e heigoa e tau matagahua ne fakatoka ma e tau matua taane? (Teu. 6:6, 7; Efeso 6:4)

   2. (e) Ko e heigoa e mena ne tupu ki a Sara ne kua fakakite kua nakai maeke ia tautolu ke fufū ha mena taha mai ia Iehova? (Kene. 18:12, 15; Sala. 44:21)

Tala 14

1. Ko e heigoa e maveheaga ne taute he Atua ki a Aperahamo, ti fakamooli fēfē he Atua e maveheaga haana?

2. Tuga ne fakakite he fakatino, kamatamata fēfē he Atua e tua ha Aperahamo?

3. Ko e heigoa ne taute e Aperahamo, pete ni kua nakai maama ia ia e kakano he poakiaga he Atua?

4. Ko e heigoa e mena ne tupu he magaaho ne totō mai e Aperahamo e titipi ke tamate aki e tama haana?

5. Malolō fēfē e tua ha Aperahamo ke he Atua?

6. Ko e heigoa ne foaki he Atua ki a Aperahamo ke taute mo poa, ti moua fēfē?

Falu hūhū foki:

1. Totou Kenese 21:1-7.

   Ko e ha ne peritome ai e Aperahamo e tama taane haana he aho ke valu aki? (Kene. 17:10-12; 21:4)

2. Totou Kenese 22:1-18.

   Fakakite fēfē e Isaako e omaoma ke he matua taane haana ko Aperahamo, ti fakatino fēfē he mena nei e mena aoga lahi mahaki ka tupu he vahā i mua? (Kene. 22:7-9; 1 Kori. 5:7; Filipi 2:8, 9)

Tala 15

1. Ko e ha ne mavehevehe ai a Aperahamo mo Lota?

2. Ko e ha ne fifili ai a Lota ke nofo i Sotoma?

3. Ko e tau tagata fēfē i Sotoma?

4. Ko e heigoa e hatakiaga ne tala age he tau agelu tokoua ki a Lota?

5. Ko e ha ne faliu pou masima ai e hoana ha Lota?

6. Ko e heigoa e fakaakoaga ka ako e tautolu mai he mena ne tupu ke he hoana ha Lota?

Falu hūhū foki:

1. Totou Kenese 13:5-13.

   Hagaao ke he fakamafola he tau lekua he vahaloto he tau tagata takitokotaha, ko e heigoa e fakaakoaga ka ako mai e tautolu ia Aperahamo? (Kene. 13:8, 9; Roma 12:10; Filipi 2:3, 4)

2. Totou Kenese 18:20-33.

   Maeke fēfē he fakafehagaiaga a Iehova mo Aperahamo ke foaki mai ki a tautolu e mauokafua to tututonu e puhala fakafili ha Iehova mo Iesu? (Kene. 18:25, 26; Mata. 25:31-33)

3. Totou Kenese 19:1-29.

   1. (a) Ko e heigoa ne fakakite mai he tala Tohi Tapu nei hagaao ke he onoonoaga he Atua ke he mahani fakasotoma? (Kene. 19:5, 13; Levi. 20:13)

   2. (e) Kehekehe fēfē he iloa e tautolu e tau puhala ne tali atu a Lota mo Aperahamo ke he takitakiaga he Atua, ti ko e heigoa kua ako e tautolu mai he mena nei? (Kene. 19:15, 16, 19, 20; 22:3)

4. Totou Luka 17:28-32.

   Ko e heigoa e tuaga he loto he hoana ha Lota ke he tau koloa he tino, ti eke fēfē e mena nei mo hatakiaga ki a tautolu? (Luka 12:15; 17:31, 32; Mata. 6:19-21, 25)

5. Totou 2 Peteru 2:6-8.

   He fifitaki ki a Lota, kua lata ke fēfē ha tautolu a aga ke he lalolagi nakai mahani Atua ne viko takai ia tautolu? (Eseki. 9:4; 1 Ioa. 2:15-17)

Tala 16

1. Ko hai e tagata taane mo e tagata fifine i loto he fakatino?

2. Ko e heigoa ne taute e Aperahamo ke moua e hoana ma e tama taane haana, ti ko e ha?

3. Puhala fe ne tali ai e liogi he fekafekau ha Aperahamo?

4. Tali atu fēfē a Repeka he magaaho ne hūhū ki a ia kua manako nakai a ia ke mau mo Isaako?

5. Ko e heigoa ati liu ai a Isaako fiafia?

Falu hūhū foki:

1. Totou Kenese 24:1-67.

   1. (a) Ko e heigoa e tau mahani mitaki ne fakatātā e Repeka he magaaho ne feleveia ai a ia mo e fekafekau ha Aperahamo he vaikeli? (Kene. 24:17-20; Fakatai 31:17, 31)

   2. (e) He puhala ne fakatoka e Aperahamo ma Isaako, ko e heigoa e fakafifitakiaga mitaki kua lata mo e tau Kerisiano he vahā nei? (Kene. 24:37, 38; 1 Kori. 7:39; 2 Kori. 6:14)

   3. (i) Ko e ha kua lata ia tautolu ke kumi magaaho ke manamanatu fakahokulo, tuga ne taute e Isaako? (Kene. 24:63; Sala. 77:12; Filipi 4:8)

Tala 17

1. Ko hai a Esau mo Iakopo, ti kehekehe fēfē a laua?

2. Taki fiha e tau tau moui ha Esau mo Iakopo he magaaho ne mate ai e matua tupuna ha laua ko Aperahamo?

3. Ko e heigoa ne taute e Esau ati momoko lahi ai e matua taane mo e matua fifine haana?

4. Ko e ha ne ita lahi ai a Esau ke he tehina haana ko Iakopo?

5. Ko e heigoa e tau fakatonuaga ne tala age e Isaako ke he tama taane haana ko Iakopo?

Falu hūhū foki:

1. Totou Kenese 25:5-11, 20-34.

   1. (a) Ko e heigoa e perofetaaga ha Iehova hagaao ke he tau tama taane tokoua ha Repeka? (Kene. 25:23)

   2. (e) Kehekehe fēfē e tau aga ha Esau mo Iakopo ke he tufaaga he uluaki? (Kene. 25:31-34)

2. Totou Kenese 26:34, 35; 27:1-46; mo e 28:1-5.

   1. (a) Kitia fēfē e tote he loto fakaaue ha Esau ke he tau mena fakaagaaga? (Kene. 26:34, 35; 27:46)

   2. (e) Ke maeke ia Iakopo ke moua e fakamonuina he Atua, ko e heigoa ne tala age e Isaako ke taute e ia? (Kene. 28:1-4)

3. Totou Heperu 12:16, 17.

   Ko e heigoa ne fakakite he fakafifitakiaga ha Esau ke he fakahikuaga ha lautolu ne fakavihia e tau mena tapu?

Tala 18

1. Ko hai e fifine fuata i loto he fakatino, ti ko e heigoa ha Iakopo ne taute ma haana?

2. Ko e heigoa ha Iakopo kua makai ke taute ke mau mo Rahela?

3. Ko e heigoa ne taute e Lapana he mogo ne hoko ke he magaaho ke mau ai a Iakopo mo Rahela?

4. Ko e heigoa ne talia e Iakopo ke taute ke eke a Rahela mo hoana haana?

Falu hūhū foki:

1. Totou Kenese 29:1-30.

   1. (a) Pete he fakavaivai e Lapana a ia, fakakite fēfē e Iakopo a ia ko e tagata lilifu, ti ko e heigoa ha tautolu ka fakaako mai he mena nei? (Kene. 25:27; 29:26-28; Mata. 5:37)

   2. (e) Fakakite fēfē he fakafifitakiaga ha Iakopo e kehekehe he fakaalofa fakavihi mo e pāiki? (Kene. 29:18, 20, 30; Lo. a Solo. 8:6)

   3. (i) Ko hai e tau fifine tokofā ne eke mo vala he magafaoa ha Iakopo mo e fanafanau e tau tama taane ma haana? (Kene. 29:23, 24, 28, 29)

Tala 19

1. Ko hai e tau higoa he tau tama taane tokoono ha Iakopo mo e hoana fakamua ko Lea?

2. Ko hai e tau tama taane tokoua he fekafekau fifine ha Lea ko Silepa ne fanau mo Iakopo?

3. Ko hai e tau higoa he tau tama taane tokoua he fekafekau fifine ha Rahela ko Pila ne fanau mo Iakopo?

4. Ko hai e tau tama taane tokoua ha Rahela ne fanau, ka ko e heigoa ne tupu he magaaho ne fanau e tama ke uaaki?

5. Hagaao ke he fakatino, toko fiha e tama taane ha Iakopo, mo e ko e heigoa ne tupu mai ia lautolu?

Falu hūhū foki:

1. Totou Kenese 29:32-35; 30:1-26; mo e 35:16-19.

   Tuga ne fakakite hagaao ke he tau tama taane toko 12 ha Iakopo, ne fa fakahigoa fēfē e tau tama taane Heperu he vahā i tuai?

2. Totou Kenese 37:35.

   Pete ni ko Tina ne talahau e higoa i loto he Tohi Tapu, iloa fēfē e tautolu na fai tama fifine foki a Iakopo? (Kene. 37:34, 35)

Tala 20

1. Ko e ha ne nakai manako a Aperahamo mo Isaako ke mau e tau fanau ha laua ke he tau tagata mai he motu ko Kanana?

2. Talia nakai e Iakopo e tama fifine haana he fakatu kapitiga mo e tau tama fifine Kanana?

3. Ko hai e tagata taane hane onoono ki a Tina i loto he fakatino, ti ko e heigoa e mena kelea ne taute e ia?

4. Ko e heigoa he lafu tugaane ha Tina ko Simeona mo Levi ne taute he mogo ne logona e laua hagaao ke he mena ne tupu?

5. Talia nakai e Iakopo e mena ha Simeona mo Levi ne taute?

6. Kamata fēfē e tau lekua oti he magafaoa?

Falu hūhū foki:

1. Totou Kenese 34:1-31.

   1. (a) Ko e lafiaga ha Tina mo e tau tama fifine he motu ko Kanana ko e mena tupu lagataha ni kia? Fakamaama. (Kene. 34:1, NW)

   2. (e) Ko e ha ne fai fakalagoaga ai ki a Tina ke he galo he tuaga taopou haana? (Kala. 6:7)

   3. (i) Maeke fēfē e tau fuata he vahā nei ke fakakite kua tokaloto e lautolu e hatakiaga he fakafifitakiaga ha Tina? (Fakatai 13:20; 1 Kori. 15:33; 1 Ioa. 5:19)

Tala 21

1. Ko e ha ne mahekeheke ai e lafu ha Iosefa ki a ia, ti ko e heigoa ne taute e lautolu?

2. Ko e heigoa he lafu ha Iosefa ne manako ke taute ki a ia, ka ko e heigoa ne talahau e Reupena?

3. Ko e heigoa ne tupu he magaaho ne hohoko mai ai e tau tagata fakafua koloa ha Isamaeli?

4. Ko e heigoa ne taute he lafu ha Iosefa ke manamanatu e matua taane ha lautolu kua mate tuai a Iosefa?

Falu hūhū foki:

1. Totou Kenese 37:1-35.

   1. (a) Muitua fēfē e tau Kerisiano ke he fakafifitakiaga ha Iosefa ke hokotaki e tau mena hehē i loto he fakapotopotoaga? (Kene. 37:2; Levi. 5:1; 1 Kori. 1:11)

   2. (e) Ko e heigoa ne takitaki atu e lafu ha Iosefa ke ekefakakelea pihia ki a ia? (Kene. 37:11, 18; Fakatai 27:4; Iako. 3:14-16)

   3. (i) Ko e heigoa ne taute e Iakopo ko e vala fa mahani he maanu? (Kene. 37:35)

Tala 22

1. Fiha e tau ha Iosefa he mogo ne uta a ia ki Aikupito, ti ko e heigoa ne tupu he mogo ne hoko atu a ia ki ai?

2. Ko e tuku he ha a Iosefa he fale puipui?

3. Ko e heigoa e matagahua ne tuku age ki a Iosefa he fale puipui?

4. I loto he fale puipui, ko e heigoa ne taute e Iosefa ke lata mo e tagata taute uaina mo e tagata taute mena kai ha Farao?

5. Ko e heigoa ne tupu he mole e fakatokanoa mai e tagata taute uaina he fale puipui?

Falu hūhū foki:

1. Totou Kenese 39:1-23.

   Ha kua nakai fai fakatufono tohia mai he Atua ke fakahala e mahani feuaki he vahā ha Iosefa, ko e heigoa ne omoomoi a ia ke hola kehe mai he hoana ha Potifara? (Kene. 2:24; 20:3; 39:9)

2. Totou Kenese 40:1-23.

   1. (a) Fakamaama fakakū e miti he tagata taute uaina mo e fakamatalaaga ne tuku age e Iehova ki a Iosefa. (Kene. 40:9-13)

   2. (e) Ko e heigoa e miti he tagata taute mena kai, ti ko e heigoa e kakano? (Kene. 40:16-19)

   3. (i) Puhala fe ne fifitaki he fekafekau fakamoli mo e loto matala he vahā nei e mahani ha Iosefa? (Kene. 40:8; Sala. 36:9; Ioane 17:17; Gahua 17:2, 3)

   4. (o) Fakakite fēfē he Kenese 40:20 e onoonoaga faka-Kerisiano ke he tau fakamanatuaga aho fanau? (Fakama. 7:1; Mare. 6:21-28)

Tala 23

1. Ko e heigoa ne tupu ki a Farao he taha pō?

2. Ko e ha kua liu manatu ai he tagata taute uaina a Iosefa?

3. Tuga ne fakakite mai he fakatino, ko e heigoa e tau miti ua ha Farao?

4. Ko e heigoa e kakano he tau miti he talahau e Iosefa?

5. Kua maeke fēfē a Iosefa ke eke mo tagata kua mua e tokoluga i Aikupito ko e hagai ki a Farao?

6. Ko e ha ne o mai ai e lafu ha Iosefa ki Aikupito, ti ko e ha ne nakai mailoga ai e lautolu a Iosefa?

7. Ko e heigoa e miti ne manatu e Iosefa, ti ko e heigoa ne lagomatai aki a ia ke maama?

Falu hūhū foki:

1. Totou Kenese 41:1-57.

   1. (a) Tuku atu fēfē e Iosefa e fakalilifu ki a Iehova, ti ko e heigoa e puhala kua maeke he tau Kerisiano he vahā nei ke mumuitua ke he fakafifitakiaga haana? (Kene. 41:16, 25, 28; Mata. 5:16; 1 Pete. 2:12)

   2. (e) Fakatatai fēfē e tau tau ne mahu lahi ai a Aikupito ka mole ia ti hoge lahi, mo e tuaga fakaagaaga he tau tagata ha Iehova he vahā nei mo lautolu ha Kerisitenitome? (Kene. 41:29, 30; Amosa 8:11, 12)

2. Totou Kenese 42:1-8 mo e 50:20.

   Hepe kia ma e tau tagata tapuaki ha Iehova ke tukutuku hifo ke he tagata ha ko e fakalilifu ke he tuaga haana kaeke ko e aga fakamotu a ia? (Kene. 42:6)

Tala 24

1. Ko e ha ne tukupau e Iosefa e lafu haana ko e tau tagata toko?

2. Ko e ha ne fakatoka e Iakopo e tama taane fakamui haana ko Peniamina ke fano ki Aikupito?

3. Hoko fēfē e kapiniu ha Iosefa ki loto he kato ha Peniamina?

4. Ko e heigoa ne manako a Iuta ke taute ke maeke ke fakatokanoa a Peniamina?

5. Puhala fe kua hiki e lafu ha Iosefa?

Falu hūhū foki:

1. Totou Kenese 42:9-38.

   Puhala fe he talahauaga ha Iosefa ia Kenese 42:18 kua eke mo fakamanatuaga mitaki lahi ki a lautolu ne fakalago ki ai e tau matagahua he fakatokatokaaga ha Iehova he vahā nei? (Nehe. 5:15; 2 Kori. 7:1, 2)

2. Totou Kenese 43:1-34.

   1. (a) Pete ni ko Reupena e uluaki, kitia fēfē ko Iuta e tagata ne eke mo gutuvagahau ma e lafu haana? (Kene. 43:3, 8, 9; 44:14, 18; 1 Nofo. 5:2)

   2. (e) Kitia fēfē kua kamatamata e Iosefa e lafu haana, ti ko e ha? (Kene. 43:33, 34)

3. Totou Kenese 44:1-34.

   1. (a) Taha lagatau ke fufū aki e Iosefa a ia mai he lafu haana, ko e heigoa ne taute e ia? (Kene. 44:5, 15; Levi. 19:26)

   2. (e) Fakakite fēfē he lafu ha Iosefa kua galo tuai e aga mahekeheke fakamua ha lautolu ke he tehina he mogonei? (Kene. 44:13, 33, 34)

Tala 25

1. Ko e heigoa ne tupu he mogo ne tala age e Iosefa ke he lafu haana ko hai a ia?

2. Ko e heigoa ne fakamaama age fakatotonu e Iosefa ke he lafu haana?

3. Ko e heigoa ha Farao ne talahau he mogo ne logona e ia hagaao ke he lafu ha Iosefa?

4. Lahi fēfē e magafaoa ha Iakopo he mogo ne hiki atu a lautolu ki Aikupito?

5. Ko hai e higoa ne fakahigoa aki e magafaoa ha Iakopo, ti ko e ha?

Falu hūhū foki:

1. Totou Kenese 45:1-28.

   Fakakite fēfē he tala Tohi Tapu hagaao ki a Iosefa na maeke ia Iehova ke fuluhi e tuaga ne taute ke fakamatematekelea aki e tau fekafekau haana ke moua e fua mitaki? (Kene. 45:5-8; Isaia 8:10; Filipi 1:12-14)

2. Totou Kenese 46:1-27.

   Ko e heigoa e fakamafanaaga ne age e Iehova ki a Iakopo he fano a ia ki Aikupito? (Kene. 46:1-4)

Tala 26

1. Ko hai a Iopu?

2. Ko e heigoa ne lali a Satani ke taute, ka e kautū nakai a ia?

3. Ko e heigoa ne fakaatā e Iehova a Satani ke taute, ti ko e ha?

4. Ko e ha ne tala age e hoana ha Iopu ki a ia ke “vagahau kelea a a koe ke he Atua, mo e mate ai a koe”? (Kikite ke he fakatino.)

5. Tuga kua kitia e koe he fakatino ke uaaki, fakamonuina fēfē e Iehova a Iopu, mo e ko e ha?

6. Ka tua fakamooli a tautolu ki a Iehova tuga a Iopu, ko e heigoa e tau monuina ka moua e tautolu?

Falu hūhū foki:

1. Totou Iopu 1:1-22.

   Fifitaki fēfē he tau Kerisiano he vahā nei a Iopu? (Iopu 1:1; Filipi 2:15; 2 Pete. 3:14)

2. Totou Iopu 2:1-13.

   Ko e heigoa e tau puhala kehekehe ua, ne tali atu a Iopu mo e hoana haana ke he favale ha Satani? (Iopu 2:9, 10; Fakatai 19:3; Mika 7:7; Mala. 3:14)

3. Totou Iopu 42:10-17.

   1. (a) Fetataiaki fēfē e palepale ne moua e Iopu mo Iesu ha ko e puhala he moui tua fakamooli? (Iopu 42:12; Filipi 2:9-11)

   2. (e) Fakamalolō fēfē a tautolu ha ko e tau monuina ne moua e Iopu he fakatumau e mahani fakamooli haana ke he Atua? (Iopu 42:10, 12; Hepe. 6:10; Iako. 1:2-4, 12; 5:11)

Tala 27

1. I loto he fakatino, ko hai e tagata ne totō e uipi, ti ko hai haana ne fahi?

2. He mole e mate a Iosefa, ko e heigoa ne tupu ke he tau Isaraela?

3. Ko e ha ne matakutaku ai e tau Aikupito he tau Isaraela?

4. Ko e heigoa e poakiaga ne age e Farao ke he tau fifine ne lagomatai ke fakafanau e tau fifine Isaraela?

Falu hūhū foki:

1. Totou Esoto 1:6-22.

   1. (a) Ko e puhala fe ne kamata a Iehova ke fakamooli e maveheaga haana ki a Aperahamo? (Esoto 1:7; Kene. 12:2; Gahua 7:17)

   2. (e) Fakakite fēfē he tau fifine fakafanau tama a Heperu e fakalilifu ke he tapu he moui? (Esoto 1:17; Kene. 9:6)

   3. (i) Fakamonuina fēfē e tau fifine fakafanau tama ma e ha laua a tua fakamooli ki a Iehova? (Esoto 1:20, 21; Fakatai 19:17)

   4. (o) Lali fēfē a Satani ke moumou e finagalo ha Iehova hagaao ke he maveheaga he Tega a Aperahamo? (Esoto 1:22; Mata. 2:16)

Tala 28

1. Ko hai e tama mukemuke i loto he fakatino, ti ko e matalima ha hai haana ne totō?

2. Ko e heigoa he matua fifine ha Mose ne taute ke fakahao aki a ia neke tamate?

3. Ko hai e tama fifine tote i loto he fakatino, ti ko e heigoa ne taute e ia?

4. Ko e magaaho ne moua he tama fifine ha Farao e tama mukemuke, ko e heigoa ha Miriama ne talahau?

5. Ko e heigoa ne tala age he tama fifine patuiki ke he matua fifine ha Mose?

Taha hūhū foki:

1. Totou Esoto 2:1-10.

   Ko e heigoa e tuaga ne moua he matua fifine ha Mose ke fakamahani mo e fakaako a Mose he vahā tote, ti ko e heigoa e fakafifitakiaga ne foaki mai he mena nei ma e tau matua he vahā nei? (Esoto 2:9, 10; Teu. 6:6-9; Fakatai 22:6; Efeso 6:4; 2 Timo. 3:15)

Tala 29

1. Tupu hake a Mose i fe, ka ko e heigoa ne iloa e ia hagaao ke he tau matua haana?

2. Ko e heigoa ha Mose ne taute he magaaho ne 40 e tau tau moui haana?

3. Ko e heigoa ne tala age e Mose ke he tagata Isaraela ne latau, ti ko e heigoa e tali ne tala age he tagata?

4. Ko e ha ne hola a Mose mai i Aikupito?

5. Hola a Mose ki fe, ti feleveia a ia mo hai i ai?

6. Ko e heigoa ha Mose ne taute he 40 e tau ne hola a ia i Aikupito?

Falu hūhū foki:

1. Totou Esoto 2:11-25.

   Pete he leva e fakaako ke he pulotu he tau Aikupito, fakakite fēfē e Mose e fakamooli haana ki a Iehova mo e tau tagata haana? (Esoto 2:11, 12; Hepe. 11:24)

2. Totou Gahua 7:22-29.

   Ko e heigoa e fakaakoaga ka ako mai e tautolu ia Mose he lali a ia ke fakahao tokotaha a Isaraela mai he līlīaga ha Aikupito? (Gahua 7:23-25; 1 Pete. 5:6, 10)

Tala 30

1. Ko hai e higoa he mouga i loto he fakatino?

2. Fakamaama e mena matakehe ne kitia e Mose he fina atu a ia ke he mouga mo e tau mamoe haana.

3. Ko e heigoa ne talahau he leo mai he akau ne puho, mo e ko e leo ha hai?

4. Tali fēfē a Mose he magaaho ne tala age e Atua ki a ia ko ia ka takitaki mai e tau tagata he Atua i Aikupito?

5. Ko e heigoa ne talahau he Atua ki a Mose ke tala age ka hūhū e tau tagata ko hai ne fakafano atu a ia?

6. To fakamooli fēfē e Mose kua fakafano mai he Atua a ia?

Falu hūhū foki:

1. Totou Esoto 3:1-22.

   Maeke fēfē e mena ne tupu ki a Mose ke fakamalolō a tautolu pete ka nakai mauokafua a tautolu ke taute e kotofaaga fakateokarasi, to lagomatai e Iehova a tautolu? (Esoto 3:11, 13; 2 Kori. 3:5, 6)

2. Totou Esoto 4:1-20.

   1. (a) Ko e heigoa e hikiaga ke he mahani ha Mose he 40 e tau ne nofo i Mitiana, mo e heigoa e fakaakoaga ka ako mai ai e lautolu kua foli atu ke he tau matagahua he fakapotopotoaga? (Esoto 2:11, 12; 4:10, 13; Mika 6:8; 1 Timo. 3:1, 6, 10)

   2. (e) Pete ka fakatonu e Iehova a tautolu mai he fakatokatokaaga haana, ko e heigoa e mauokafua ka moua e tautolu mai he fakafifitakiaga ha Mose? (Esoto 4:12-14; Sala. 103:14; Hepe. 12:4-11)

Tala 31

1. Lauia fēfē e tau Isaraela he tau mana ne taute e Mose mo Arona?

2. Ko e heigoa ha Mose mo Arona ne tala age ki a Farao, ti ko e heigoa e tali ha Farao?

3. He kitia he fakatino, ko e heigoa ne tupu he mogo ne liti hifo e Arona e tokotoko haana?

4. Fakaako fēfē e Iehova a Farao, ti tali atu fēfē a Farao?

5. Ko e heigoa ne tupu he mole e malaia ke hogofuluaki?

Falu hūhū foki:

1. Totou Esoto 4:27-31 mo e 5:1-23.

   Ko e heigoa e kakano ha Farao he talahau e ia: “Nakai iloa e au a Iehova”? (Esoto 5:2; 1 Samu. 2:12; Roma 1:21)

2. Totou Esoto 6:1-13, 26-30.

   1. (a) Puhala fe ne nakai fakailoa e Iehova a ia ki a Aperahamo, Isaako, mo Iakopo? (Esoto 3:13, 14; 6:3; Kene. 12:8)

   2. (e) Fēfē ha tautolu a logonaaga ke iloa kua fakaaoga agaia e Iehova a Mose, pete kua nakai mauokafua a Mose ke taute e kotofaaga haana? (Esoto 6:12, 30; Luka 21:13-15)

3. Totou Esoto 7:1-13.

   1. (a) He loto malolō a Mose mo Arona ke fakailoa e tau fakafiliaga ha Iehova ki a Farao, ko e heigoa e fakafifitakiaga ne fakatoka e laua ma e tau fekafekau he Atua he vahā nei? (Esoto 7:2, 3, 6; Gahua 4:29-31)

   2. (e) Fakakite fēfē e Iehova e tokoluga ue atu haana ke he tau atua ha Aikupito? (Esoto 7:12; 1 Nofo. 29:12)

Tala 32

1. He fakaaoga e tau fakatino he vala nei, fakamaama e tau malaia tolu fakamua ne fakahoko e Iehova ki Aikupito.

2. Ko e heigoa ne kehe ai e tau malaia tolu fakamua ke he tau malaia ne toe?

3. Ko e heigoa e malaia ke fāaki, limaaki, mo e onoaki?

4. Fakamaama e malaia ke fituaki, valuaki, mo e hivaaki.

5. Ko e heigoa ne tala age e Iehova ke he tau Isaraela ke taute ato hoko e malaia ke hogofuluaki?

6. Ko e heigoa e malaia ke hogofuluaki, ti ko e heigoa ne tupu he mole ai?

Falu hūhū foki:

1. Totou Esoto 7:19–8:23.

   1. (a) Pete kua maeke e tau tagata taute mana ha Aikupito ke fifitaki e tau mana ua fakamua ha Iehova, ko e heigoa ne omoi a lautolu ke talahau he oti e malaia ke toluaki? (Esoto 8:18, 19; Mata. 12:24-28)

   2. (e) Fakakite fēfē he malaia ke fāaki kua maeke a Iehova ke puipui e tau tagata haana, ti lauia fēfē e tau tagata he Atua he iloa e mena nei he fehagai ai mo e “matematekelea lahi” ne talahau tuai? (Esoto 8:22, 23; Fakakite. 7:13, 14; 2 Nofo. 16:9)

2. Totou Esoto 8:24; 9:3, 6, 10, 11, 14, 16, 23-25; mo e 10:13-15, 21-23.

   1. (a) Ko e heigoa e ua e matakau ne fakatapakupaku he Tau Malaia Hogofulu, ti lauia fēfē e onoonoaga ha tautolu ke he tau matakau ia he vahā nei? (Esoto 8:10, 18, 19; 9:14)

   2. (e) Lagomatai fēfē he Esoto 9:16 a tautolu ke maama e kakano ne fakaatā agaia e Iehova a Satani ke hoko mai ke he mogonei? (Roma 9:21, 22)

3. Totou Esoto 12:21-32.

   Maeke fēfē e Paseka ke moua he tau tagata tokologa e fakamouiaga, mo e tuhi atu ke he heigoa e Paseka? (Esoto 12:21-23; Ioane 1:29; Roma 5:18, 19, 21; 1 Kori. 5:7)

Tala 33

1. Tokofiha e tagata taane Isaraela, fakalataha mo e tau fifine mo e tau fanau ne toka a Aikupito, mo e ko hai ne ō foki mo lautolu?

2. Fēfē e logonaaga ha Farao he mole e fakatoka e ia e tau Isaraela ke ō, ti ko e heigoa haana ne taute?

3. Ko e heigoa ne taute e Iehova ke taofi aki e tau Aikupito he keli atu e tau tagata haana?

4. Ko e heigoa ne tupu he fakaolo atu e Mose e tokotoko haana ki luga he Tahi Kula, ti ko e heigoa ne taute he tau Isaraela?

5. Ko e heigoa ne tupu he magaaho ne o hifo fakatepetepe e tau Aikupito ki tahi ke tutuli he tau Isaraela?

6. Fakakite fēfē he tau Isaraela e fiafia mo e loto fakaaue ha lautolu ki a Iehova ha kua fakahao a lautolu?

Falu hūhū foki:

1. Totou Esoto 12:33-36.

   Eketaha fēfē a Iehova ke moua he tau tagata haana e palepale ma e tau tau loga ne fakatupa a lautolu i lalo hifo he tau Aikupito? (Esoto 3:21, 22; 12:35, 36)

2. Totou Esoto 14:1-31.

   He tau kupu ha Mose ne fakamau ia Esoto 14:13, 14, lauia fēfē e tau fekafekau ha Iehova he vahā nei ka fakafehagai a lautolu mo e tauaga ia Amaketo he vahā i mua? (2 Nofo. 20:17; Sala. 91:8)

3. Totou Esoto 15:1-8, 20, 21.

   1. (a) Ko e ha kua lata e tau fekafekau ha Iehova ke lologo fakaheke ki a ia? (Esoto 15:1, 2; Sala. 105:2, 3; Fakakite. 15:3, 4)

   2. (e) Ko e heigoa e fakafifitakiaga he fakaheke ki a Iehova ne fakatoka e Miriama mo e tau fifine he Tahi Kula ma e tau fifine Kerisiano he vahā nei? (Esoto 15:20, 21; Sala. 68:11)

Tala 34

1. He fakatino, ko e heigoa he tau tagata ne oko hake he kelekele, ti ko e heigoa ne fakahigoa aki ai?

2. Ko e heigoa ne tala age e Mose ke he tau tagata hagaao ke he oko he manai?

3. Ko e heigoa ne tala age e Iehova ke he tau tagata ke taute he aho ke onoaki, ti ko e ha?

4. Ko e heigoa e mana ne taute e Iehova he magaaho ne toka e manai ke hoko ke he aho ke fituaki?

5. Fiha e leva he fagai e Iehova e tau tagata aki e manai?

Falu hūhū foki:

1. Totou Esoto 16:1-36 mo e Numera 11:7-9.

   1. (a) Ko e heigoa ne fakakite he Esoto 16:8 hagaao ke he lata ha tautolu ke fakalilifu e tau kotofaaga fakateokarasi i loto he fakapotopotoaga Kerisiano? (Hepe. 13:17)

   2. (e) He tutakale, fakamanatu fēfē ke he tau Isaraela he tau aho takitaha hagaao ke he falanaki ha lautolu ki a Iehova? (Esoto 16:14-16, 35; Teu. 8:2, 3)

   3. (i) Ko e heigoa e kakano fakatai ne talahau e Iesu ke he manai, ti aoga fēfē a tautolu he “areto ia mai he lagi”? (Ioane 6:31-35, 40)

2. Totou Iosua 5:10-12.

   Fiha e tau tau ne kai e tau Isaraela he manai, kamatamata fēfē he mena nei a lautolu, ti ko e heigoa ha tautolu ka fakaako mai he tala nei? (Esoto 16:35; Nume. 11:4-6; 1 Kori. 10:10, 11)

Tala 35

1. Kavi ke he ua e mahina he mole e toka a Aikupito, ne heapi e tau Isaraela i fe?

2. Ko e heigoa ha Iehova ne talahau kua manako a ia ke taute he tau tagata, ti ko e heigoa e tali ha lautolu?

3. Ko e ha ne age e Iehova ki a Mose ua e lapamaka?

4. He lafi ke he Tau Fakatufono Hogofulu, ko e heigoa falu fakatufono ne age e Iehova ke he tau Isaraela?

5. Ko e heigoa e ua e fakatufono ne talahau e Iesu Keriso kua mua ue atu?

Falu hūhū foki:

1. Totou Esoto 19:1-25; 20:1-21; 24:12-18; mo e 31:18.

   Lagomatai fēfē he tau kupu ne fakamau he Esoto 19:8 a tautolu ke maama e mena ne putoia ke he taute he tukuleleaga Kerisiano? (Mata. 16:24; 1 Pete. 4:1-3)

2. Totou Teutaronome 6:4-6; Levitika 19:18; mo e Mataio 22:36-40.

   Fakatātā fēfē he tau Kerisiano e fakaalofa ha lautolu ke he Atua mo e katofia? (Mare. 6:34; Gahua 4:20; Roma 15:2)

Tala 36

1. I loto he fakatino, ko e heigoa kua taute he tau tagata, mo e ko e ha?

2. Ko e ha ne ita a Iehova, ti ko e heigoa ha Mose ne taute he mogo ne kitia e ia e gahua he tau tagata hane taute?

3. Ko e heigoa ne tala age e Mose ke he falu tagata taane ke taute?

4. Ko e heigoa e fakaakoaga kua lata ia tautolu ke fakaako mai he tala nei?

Falu hūhū foki:

1. Totou Esoto 32:1-35.

   1. (a) Fakakite fēfē he tala nei e aga ha Iehova ke he lafi he lotu fakavai mo e tapuakiaga mooli? (Esoto 32:4-6, 10; 1 Kori. 10:7, 11)

   2. (e) Ko e heigoa e hatakiaga kua lata he tau Kerisiano ke fakagahua ka fifili e tau fakafiafiaaga ha lautolu, tuga e lologo mo e koli? (Esoto 32:18, 19; Efeso 5:15, 16; 1 Ioa. 2:15-17)

   3. (i) Fakatoka fēfē he magafaoa ha Levi e fakafifitakiaga mitaki lahi he lalago e mahani tututonu? (Esoto 32:25-28; Sala. 18:25)

Tala 37

1. Ko e heigoa e higoa he fale i loto he fakatino, ti fakaaoga mo ha?

2. Ko e ha ne tala age a Iehova ki a Mose ke tālaga e fale ie ne mukamuka ke vete?

3. Ko e heigoa e puha i loto he poko tote he matapotu he fale ie, mo e ko e heigoa i loto he puha?

4. Ko hai ne fifili e Iehova ke eke mo ekepoa ne mua, ti ko e heigoa ne taute he ekepoa ne mua?

5. Talahau e tau mena ne tolu i loto he poko lahi he fale utafano.

6. Ko e heigoa e tau mena ua he lotopa he fale utafano, ti fakaaoga mo ha?

Falu hūhū foki:

1. Totou Esoto 25:8-40; 26:1-37; 27:1-8; mo e 28:1.

   Ko e heigoa ne fakatai he tau kerupi i luga he “puha he fakatufono”? (Esoto 25:20, 22; Nume. 7:89; 2 Patu. 19:15)

2. Totou Esoto 30:1-10, 17-21; 34:1, 2; mo e Heperu 9:1-5.

   1. (a) Ko e ha ne peehi e Iehova e aoga he fakatumau e meā fakatino ke he tau ekepoa ne gahua he fale utafano, ti lata ke lauia fēfē ai a tautolu he vahā nei? (Esoto 30:18-21; 40:30, 31; Hepe. 10:22)

   2. (e) Fakakite fēfē he aposetolo ko Paulo ko e mena kua fakaoti tuai e fale utafano mo e maveheaga he Fakatufono he magaaho ne tohia e ia e tohi haana ke he tau Kerisiano Heperu? (Hepe. 9:1, 9; 10:1)

Tala 38

1. Ko e heigoa ne mailoga e koe hagaao ke he fuhi vine i loto he fakatino, ti tamai i fe?

2. Ko e ha ne fakafano atu e Mose toko 12 e tagata toko ke he motu ko Kanana?

3. Ko e heigoa e hokotaki he tau tagata toko ne hogofulu ki a Mose?

4. Fakakite fēfē he tokoua e tagata toko e falanaki ki a Iehova, mo e ko hai e tau higoa ha laua?

5. Ko e ha ne ita a Iehova, ti ko e heigoa ne tala age e ia ki a Mose?

Falu hūhū foki:

1. Totou Numera 13:1-33.

   1. (a) Ko hai ne fifili ke toko e motu, ti ko e heigoa e magaaho mitaki lahi ne moua e lautolu? (Nume. 13:2, 3, 18-20)

   2. (e) Ko e ha ne kehekehe ai e tau onoonoaga ha Iosua mo Kalepa mai he falu tagata toko foki, ti ko e heigoa ne fakaako he mena nei ki a tautolu? (Nume. 13:28-30; Mata. 17:20; 2 Kori. 5:7)

2. Totou Numera 14:1-38.

   1. (a) Ko e heigoa e hatakiaga ke he gugū ke he tau hukui ha Iehova he lalolagi ne kua lata ia tautolu ke omaoma ki ai? (Nume. 14:2, 3, 27; Mata. 25:40, 45; 1 Kori. 10:10)

   2. (e) Fakakite fēfē he Numera 14:24 kua fiafia a Iehova ke he haana tau fekafekau takitokotaha? (1 Patu. 19:18; Fakatai 15:3)

Tala 39

1. Ko hai ne totoko e takitakiaga ha Mose mo Arona, ti ko e heigoa ne talahau e lautolu ki a Mose?

2. Ko e heigoa ne tala age e Mose ki a Koru mo e tau tagata ne 250 haana ke taute?

3. Ko e heigoa ne tala age e Mose ke he tau tagata, ti ko e heigoa ne tupu agataha he oti e tutala haana?

4. Ko e heigoa ne tupu ki a Koru mo e tau tagata ne 250 haana?

5. Ko e heigoa ne taute e Eleasaro, ko e tama taane ha Arona, ke he tau mena uta afi he tau tagata ne mamate, mo e ko e ha?

6. Ko e ha ne taute e Iehova e tokotoko ha Arona ke matala ai e tau fiti? (Kitekite ke he fakatino.)

Falu hūhū foki:

1. Totou Numera 16:1-49.

   1. (a) Ko e heigoa ne taute e Koru mo e tau tagata haana, ti ko e ha e gahua nei ne eke mo totokoaga ki a Iehova? (Nume. 16:9, 10, 18; Levi. 10:1, 2; Fakatai 11:2)

   2. (e) Ko e heigoa e onoonoaga hehē ne feaki e Koru mo e toko 250 e “tau iki . . . he fakapotopotoaga”? (Nume. 16:1-3; Fakatai 15:33; Isaia 49:7)

2. Totou Numera 17:1-11 mo e 26:10.

   1. (a) Ko e heigoa ne fakakite he tuputupu mai he tokotoko ha Arona, ti ko e ha ne poaki e Iehova ke tuku ai i loto he puha? (Nume. 17:5, 8, 10)

   2. (e) Ko e heigoa e fakaakoaga aoga lahi kua maeke ia tautolu ke fakaako mai he fakamailoga he tokotoko ha Arona? (Nume. 17:10; Gahua 20:28; Filipi 2:14; Hepe. 13:17)

Tala 40

1. Leveki fēfē e Iehova e tau Isaraela he magaaho ne nonofo ai a lautolu he tutakale?

2. Ko e heigoa ne gugū ki ai e tau Isaraela he heapi ai a lautolu i Katesa?

3. Foaki mai fēfē e Iehova e vai ma e tau tagata mo e tau manu ha lautolu?

4. I loto he fakatino, ko hai e tagata ne tuhi ki a ia ni, mo e ko e ha ne taute pihia e ia?

5. Ko e ha ne ita a Iehova ki a Mose mo Arona, ti fakahala fēfē a laua?

6. Ko e heigoa ne tupu he Mouga ko Horo, ti ko hai ne eke mo ekepoa ne mua ha Isaraela?

Falu hūhū foki:

1. Totou Numera 20:1-13, 22-29 mo e Teutaronome 29:5.

   1. (a) Ko e heigoa ha tautolu ne fakaako mai he puhala ne leveki e Iehova e tau Isaraela he tutakale? (Teu. 29:5; Mata. 6:31; Hepe. 13:5; Iako. 1:17)

   2. (e) Fēfē e onoonoaga ha Iehova ke he kaumahala ha Mose mo Arona ke fakatapu a ia ki mua ha Isaraela? (Nume. 20:12; 1 Kori. 10:12; Fakakite. 4:11)

   3. (i) Ko e heigoa ka fakaako e tautolu mai he puhala ne tali atu a Mose ke he akonakiaga ne moua e ia mai ia Iehova? (Nume. 12:3; 20:12, 27, 28; Teu. 32:4; Hepe. 12:7-11)

Tala 41

1. I loto he fakatino, ko e heigoa ne viko he akau, ti ko e ha ne poaki a Iehova ki a Mose ke tuku ai i ai?

2. Puhala fe ne nakai loto fakaaue e tau tagata ke he tau mena oti ne taute he Atua ma lautolu?

3. Ko e heigoa ne ole he tau tagata ke taute e Mose he mole e fakafano mai e Iehova e tau gata gagau vevela ke fakahala a lautolu?

4. Ko e ha ne poaki a Iehova ki a Mose ke tālaga e gata apa kula?

5. Ko e heigoa e fakaakoaga kua maeke ia tautolu ke fakaako mai he tala nei?

Falu hūhū foki:

1. Totou Numera 21:4-9.

   1. (a) Ko e heigoa e hatakiaga ne moua e tautolu ha ko e gugū he tau Isaraela ke he tau foakiaga mai ia Iehova? (Nume. 21:5, 6; Roma 2:4)

   2. (e) He tau senetenari fakamui, fakaaoga fēfē he tau Isaraela e gata apa kula, ti ko e heigoa ne taute he Patuiki ko Hesekia? (Nume. 21:9; 2 Patu. 18:1-4)

2. Totou Ioane 3:14, 15.

   Fakakite mooli fēfē he tuku hake e gata apa kula ke he akau e fakatautauaga ha Iesu Keriso? (Kala. 3:13; 1 Pete. 2:24)

Tala 42

1. Ko hai a Palako, ti ko e ha ne fakafano atu e ia ke hau a Palaamo?

2. Ko e ha ne takoto e asini ha Palaamo he puhalatū?

3. Ko e heigoa ne talahau he asini ne logona e Palaamo?

4. Ko e heigoa ne tala age he agelu ki a Palaamo?

5. Ko e heigoa ne tupu he magaaho ne lali a Palaamo ke kaialu a Isaraela?

Falu hūhū foki:

1. Totou Numera 21:21-35.

   Ko e ha ne kautū a Isaraela ke he Patuiki ko Sikono he tau Amori mo e Patuiki ko Oko ha Vasana? (Nume. 21:21, 23, 33, 34)

2. Totou Numera 22:1-40.

   Ko e heigoa e kakano ne lali a Palaamo ke kaialu a Isaraela, ti ko e heigoa e tau fakaakoaga ka moua mai e tautolu he mena nei? (Nume. 22:16, 17; Fakatai 6:16, 18; 2 Pete. 2:15; Iuta 11)

3. Totou Numera 23:1-30.

   Pete ne tutala a Palaamo tuga e tagata tapuaki ha Iehova, ka kua fakakite fēfē he tau gahua haana kua nakai pihia a ia? (Nume. 23:3, 11-14; 1 Samu. 15:22)

4. Totou Numera 24:1-25.

   Fakamalolō fēfē he tala Tohi Tapu nei e tua ha tautolu ke he fakamooliaga he finagalo ha Iehova? (Nume. 24:10; Isaia 54:17)

Tala 43

1. I loto he fakatino, ko hai e tau tagata taane tokoua ne tutū mo Mose?

2. Ko e heigoa ne tala age e Iehova ki a Iosua?

3. Ko e ha ne hake a Mose ke he tapunu he Mouga ko Nepo, mo e ko e heigoa ne tala age e Iehova ki a ia?

4. Fiha e tau moui ha Mose he mogo ne mate a ia?

5. Ko e ha ne momoko e tau tagata, ka ko e heigoa e kakano ne kua lata ia lautolu ke fiafia?

Falu hūhū foki:

1. Totou Numera 27:12-23.

   Ko e heigoa e kotofaaga mamafa ne moua e Iosua mai ia Iehova, ti fakakite fēfē e levekiaga ha Iehova ke he tau tagata Haana he vahā nei? (Nume. 27:15-19; Gahua 20:28; Hepe. 13:7)

2. Totou Teutaronome 3:23-29.

   Ko e ha ne nakai fakaatā e Iehova a Mose mo Arona ke o atu ke he motu he maveheaga, ti ko e heigoa e fakaakoaga ka fakaako e tautolu mai he mena nei? (Teu. 3:25-27; Nume. 20:12, 13)

3. Totou Teutaronome 31:1-8, 14-23.

   Fakakite fēfē he tau kupu fakamavehe ha Mose ke he tau Isaraela kua talia fakatokolalo e ia e akonakiaga mai ia Iehova? (Teu. 31:6-8, 23)

4. Totou Teutaronome 32:45-52.

   Lata ke lauia fēfē e Kupu he Atua ke he tau momoui ha tautolu? (Teu. 32:47; Levi. 18:5; Hepe. 4:12)

5. Totou Teutaronome 34:1-12.

   Pete he nakai kitia mata e Mose a Iehova, ko e heigoa ne fakakite he Teutaronome 34:10 hagaao ke he fakafetuiaga haana mo Iehova? (Esoto 33:11, 20; Nume. 12:8)

Tala 44

1. Nofo i fe a Raava?

2. Ko hai e tau tagata taane tokoua i loto he fakatino, ti ko e ha ne ha ha ai a laua i Ieriko?

3. Ko e heigoa ne poaki he patuiki ha Ieriko ke taute e Raava, ti fēfē e tali haana?

4. Lagomatai fēfē e Raava e tau tagata taane tokoua, ti ko e heigoa e mena haana ne ole?

5. Ko e heigoa e maveheaga ne taute he tau tagata toko ne tokoua ki a Raava?

Falu hūhū foki:

1. Totou Iosua 2:1-24.

   Fakamooli fēfē e maveheaga ha Iehova ne fakamau ia Esoto 23:28 he magaaho ne latau e tau Isaraela mo Ieriko? (Iosua 2:9-11)

2. Totou Heperu 11:31.

   Fakakite fēfē he fakafifitakiaga ha Raava e aoga he tua? (Roma 1:17; Hepe. 10:39; Iako. 2:25)

Tala 45

1. Ko e heigoa e mana ne taute e Iehova ke maeke e tau Isaraela ke o atu ke he taha faahi he Vailele ko Ioritana?

2. Ko e heigoa e gahua he tua kua lata e tau Isaraela ke taute ti maeke ke o atu ke he taha faahi he Vailele ko Ioritana?

3. Ko e ha ne poaki a Iehova ki a Iosua ke fakaputu 12 e maka lalahi mai he hala toka he vailele?

4. Ko e heigoa ne tupu he o hake mai agataha e tau ekepoa i Ioritana?

Falu hūhū foki:

1. Totou Iosua 3:1-17.

   1. (a) He fakakite mai he tala nei, ko e heigoa kua lata ia tautolu ke taute ke maeke ke moua e lagomatai mo e monuina ha Iehova? (Iosua 3:13, 15; Fakatai 3:5; Iako. 2:22, 26)

   2. (e) Ko e heigoa e tuaga he Vailele ko Ioritana he mogo ne o atu e tau Isaraela ke he Motu he Maveheaga, ti fakalahi fēfē he mena nei e lilifu he higoa ha Iehova? (Iosua 3:15; 4:18; Sala. 66:5-7)

2. Totou Iosua 4:1-18.

   Ko e ha ne uta e tau maka ne 12 mai i Ioritana mo e ati ai i Kilikala? (Iosua 4:4-7)

Tala 46

1. Ko e heigoa ne tala age e Iehova ke he tau tagata tau mo e tau ekepoa ke taute ke he ono e aho?

2. Ko e heigoa he tau tagata ka taute he aho ke fituaki?

3. He kitia e koe he fakatino, ko e heigoa kua tupu ke he tau kaupā ha Ieriko?

4. Ko e ha ne taha e toua kula ne tautau mai he fakamaama?

5. Ko e heigoa ne tala age e Iosua ke he tau tagata tau ke taute ke he tau tagata mo e maaga, ti ka e kua e tau ario, auro, apa kula, mo e lapatoa?

6. Ko e heigoa ne tala age ke he tau tagata toko ne tokoua ke taute?

Falu hūhū foki:

1. Totou Iosua 6:1-25.

   1. (a) Puhala fe kua liga tatai e tau Isaraela ne ō takai i Ieriko he aho ke fituaki ke he gahua fakamatala he Tau Fakamoli a Iehova he tau aho fakahiku nei? (Iosua 6:15, 16; Isaia 60:22; Mata. 24:14; 1 Kori. 9:16)

   2. (e) Ne fakamooli fēfē e perofetaaga ne fakamau ia Iosua 6:26 he kavi ke he 500 e tau he mole, ti ko e heigoa ne fakaako mai he mena nei ki a tautolu hagaao ke he kupu ha Iehova? (1 Patu. 16:34; Isaia 55:11)

Tala 47

1. I loto he fakatino, ko hai e tagata ne tanu e tau koloa uho ne tamai i Ieriko, ti ko hai kua lagomatai a ia?

2. Ko e ha ne hagahagakelea lahi e gahua ne taute e Akana mo e magafaoa haana?

3. Ko e heigoa ne talahau e Iehova he mogo ne hūhū a Iosua, ko e ha e tau Isaraela ne kaumahala he latau i Ai?

4. He tamai a Akana mo e magafaoa haana ki a Iosua, ko e heigoa ne tupu ki a lautolu?

5. Ko e heigoa e fakaakoaga aoga ke he fakafiliaga ha Akana kua fakaako mai ki a tautolu?

Falu hūhū foki:

1. Totou Iosua 7:1-26.

   1. (a) Ko e heigoa ne fakakite he tau liogi ha Iosua hagaao ke he fakafetuiaga haana mo e Tufuga? (Iosua 7:7-9; Sala. 119:145; 1 Ioa. 5:14)

   2. (e) Ko e heigoa ne fakakite mai he mena ne tupu ki a Akana, ti eke fēfē e mena nei mo hatakiaga ki a tautolu? (Iosua 7:11, 14, 15; Fakatai 15:3; 1 Timo. 5:24; Hepe. 4:13)

2. Totou Iosua 8:1-29.

   Ko e heigoa e matagahua fakatagata ha tautolu ke he fakapotopotoaga Kerisiano he vahā nei? (Iosua 7:13; Levi. 5:1; Fakatai 28:13)

Tala 48

1. Kehe fēfē e tau tagata ha Kipeona mai he tau Kanana he tau maaga ne tata mai?

2. He fakakite mai he fakatino, ko e heigoa ne taute he tau Kipeona ti ko e ha?

3. Ko e heigoa e maveheaga ha Iosua mo e tau patu ha Isaraela ne taute mo e tau Kipeona, ka ko e heigoa ne iloa e lautolu he tolu e aho he mole?

4. Ko e heigoa ne tupu he mogo ne iloa he tau patuiki he falu maaga kua taute mafola e tau Kipeona mo e tau Isaraela?

Falu hūhū foki:

1. Totou Iosua 9:1-27.

   1. (a) Ha kua poaki a Iehova ke he motu ko Isaraela ‘ke fakaotioti a lautolu oti kua nonofo ke he motu,’ ko e heigoa e tau aga ne kitia ha kua fakahao e ia e tau Kipeona? (Iosua 9:22, 24; Mata. 9:13; Gahua 10:34, 35; 2 Pete. 3:9)

   2. (e) He tapiki mau ke he maveheaga ne taute e ia mo e tau Kipeona, fakatoka fēfē e Iosua e fakafifitakiaga mitaki ma e tau Kerisiano he vahā nei? (Iosua 9:18, 19; Mata. 5:37; Efeso 4:25)

2. Totou Iosua 10:1-5.

   Fifitaki fēfē he moto tagata tokologa e tau Kipeona he vahā nei, ti kua eke ai mo tau matafī he heigoa? (Iosua 10:4; Saka. 8:23; Mata. 25:35-40; Fakakite. 12:17)

Tala 49

1. I loto he fakatino, ko e heigoa ha Iosua kua talahau, ti ko e ha?

2. Puhala fe ne lagomatai e Iehova a Iosua mo e tau tagata tau haana?

3. Tokofiha e patuiki matafī ne kaumahala ki a Iosua, ti fiha e leva he mena ia?

4. Ko e ha ne vevehe e Iosua e motu ha Kanana?

5. Fiha e tau moui ha Iosua he magaaho ne mate a ia, ti ko e heigoa ne tupu ke he tau tagata he magaaho fakamui?

Falu hūhū foki:

1. Totou Iosua 10:6-15.

   He iloa na fakatu mau e Iehova e laā mo e mahina ma Isaraela, ko e heigoa e mauokafua kua moua a tautolu he vahā nei? (Iosua 10:8, 10, 12, 13; Sala. 18:3; Fakatai 18:10)

2. Totou Iosua 12:7-24.

   Fakalago mooli ki a hai e kaumahala he tau patuiki toko 31 i Kanana, ti ko e ha kua aoga ai ma tautolu he vahā nei? (Iosua 12:7; 24:11-13; Teu. 31:8; Luka 21:9, 25-28)

3. Totou Iosua 14:1-5.

   Vehevehe fēfē e motu ke he tau magafaoa Isaraela, ti ko e heigoa ne fakakite he mena nei hagaao ke he tau tufaaga he Parataiso? (Iosua 14:2; Isaia 65:21; Eseki. 47:21-23; 1 Kori. 14:33)

4. Totou Tau Fakafili 2:8-13.

   Ke tuga a Iosua i Isaraela, ko hai he vahā nei kua eke mo fakalavelave ke he tiaki taofiaga? (Fakafili 2:8, 10, 11; Mata. 24:45-47; 2 Tesa. 2:3-6; Tito 1:7-9; Fakakite. 1:1; 2:1, 2)

Tala 50

1. Ko hai e tau fakafili, ti ko hai e tau higoa he falu ia lautolu?

2. Ko e heigoa e kotofaaga pauaki ha Tapora, ti ko e heigoa kua putoia he mena nei?

3. Magaaho ne fakamatakutaku a Isaraela he Patuiki ko Iapino mo e takitaki kautau haana ko Sisera, ko e heigoa e fekau mai ia Iehova ne tala age e Tapora ke he Fakafili ko Parako, mo e ko hai ne talahau e ia ka moua e lilifu?

4. Fakakite fēfē e Iaeli ko e fifine loto malolō a ia?

5. Ko e heigoa ne tupu he mole e mate he Patuiki ko Iapino?

Falu hūhū foki:

1. Totou Tau Fakafili 2:14-22.

   Fakatupu fēfē he tau Isaraela e ita lahi ha Iehova ki a lautolu, ti ko e heigoa e fakaakoaga ka ako mai e tautolu he mena nei? (Fakafili 2:20; Fakatai 3:1, 2; Eseki. 18:21-23)

2. Totou Tau Fakafili 4:1-24.

   Ko e heigoa e tau fakaakoaga hagaao ke he tua mo e loto malolō kua maeke he tau fifine Kerisiano he vahā nei ke ako mai he tau fakafifitakiaga ha Tapora mo Iaeli? (Fakafili 4:4, 8, 9, 14, 21, 22; Fakatai 31:30; 1 Kori. 16:13)

3. Totou Tau Fakafili 5:1-31.

   Maeke fēfē e lologo he kautūaga ha Parako mo Tapora ke eke mo liogi ke he tauaga ia Amaketo he vahā i mua? (Fakafili 5:3, 31; 1 Nofo. 16:8-10; Fakakite. 7:9, 10; 16:16; 19:19-21)

Tala 51

1. Ko e ha ne hau a Naumi ke nofo he motu ko Moapi?

2. Ko hai a Ruta mo Orepa?

3. Tali atu fēfē a Ruta mo Orepa he magaaho ne tala age a Naumi ki a laua ke liliu ke he tau tagata ha laua?

4. Ko hai a Poasa, mo e puhala fe ne lagomatai e ia a Ruta mo Naumi?

5. Ko hai e higoa he tama ne fanau e Poasa mo Ruta, ti ko e ha kua lata ia tautolu ke manatu a ia?

Falu hūhū foki:

1. Totou Ruta 1:1-17.

   1. (a) Ko e heigoa e fakakiteaga fulufuluola he fakaalofa fakamooli ne talahau e Ruta? (Ruta 1:16, 17)

   2. (e) Fakakite mooli fēfē he loto manamanatu ha Ruta e aga he ‘tau mamoe kehe’ ki a lautolu ne fakauku he lalolagi he vahā nei? (Ioane 10:16; Saka. 8:23)

2. Totou Ruta 2:1-23.

   Puhala fe ne foaki e Ruta e fakafifitakiaga mitaki ma e tau fifine fuata he vahā nei? (Ruta 2:17, 18; Fakatai 23:22; 31:15)

3. Totou Ruta 3:5-13.

   1. (a) Fēfē e onoonoaga ha Poasa ki a Ruta ha kua makai a Ruta ke mau mo ia ka e nakai ke he taha tagata taane fuata?

   2. (e) Ko e heigoa ne fakaako he aga ha Ruta ki a tautolu hagaao ke he fakaalofa fakamooli? (Ruta 3:10; 1 Kori. 13:4, 5)

4. Totou Ruta 4:7-17.

   Maeke fēfē e tau tagata taane Kerisiano he vahā nei ke tuga a Poasa? (Ruta 4:9, 10; 1 Timo. 3:1, 12, 13; 5:8)

Tala 52

1. Ko e puhala fe mo e ko e ha e tau Isaraela kua lekua lahi ai?

2. Ko e ha ne tala age a Iehova ki a Kiteona kua tokologa lahi e tau tagata he kautau haana?

3. Tokofiha e tagata ne toe hifo he mole e tala age a Kiteona ke he tau tagata ne matakutaku ke liliu ki kaina?

4. Mai he fakatino, fakamaama e puhala ne fakatote aki e Iehova e numera he kautau ha Kiteona ke 300 ni e tagata.

5. Fakatokatoka fēfē e Kiteona e 300 tagata haana, ti kautū fēfē a Isaraela he tauaga?

Falu hūhū foki:

1. Totou Tau Fakafili 6:36-40.

   1. (a) Puhala fe ne eketaha a Kiteona ke iloa moolioli ai ko e finagalo ha Iehova?

   2. (e) Kumi fēfē e tautolu he vahā nei e finagalo ha Iehova? (Fakatai 2:3-6; Mata. 7:7-11; 2 Timo. 3:16, 17)

2. Totou Tau Fakafili 7:1-25.

   1. (a) Ko e heigoa e fakaakoaga kua maeke ke iloa e tautolu mai he 300 ne mataala tumau ka fakatatai mo lautolu ne fakahanoa? (Fakafili 7:3, 6; Roma 13:11, 12; Efeso 5:15-17)

   2. (e) Tuga ne 300 ne ako mai he onoono ki a Kiteona, puhala fe kua fakaako mai a tautolu he onoono ki a Kiteona ne Mua, ko Iesu Keriso? (Fakafili 7:17; Mata. 11:29, 30; 28:19, 20; 1 Pete. 2:21)

   3. (i) Lagomatai fēfē he Tau Fakafili 7:21 a tautolu ke fiafia ke he ha kotofaaga ne moua e tautolu he fakatokatokaaga ha Iehova? (1 Kori. 4:2; 12:14-18; Iako. 4:10)

3. Totou Tau Fakafili 8:1-3.

   Ka lata ke fakamafola e tau fekehekeheaki mo e matakainaga, ko e heigoa ha tautolu ka ako mai he puhala ne fakamafola e Kiteona e taufetoko mo e tau Efaraimo? (Fakatai 15:1; Mata. 5:23, 24; Luka 9:48)

Tala 53

1. Ko hai a Iefeta, ti ko e magahala fe ne moui ai a ia?

2. Ko e heigoa e maveheaga ne taute e Iefeta ki a Iehova?

3. Ko e ha ne momoko a Iefeta he liu ki kaina he mole e kautūaga ke he tau Amoni?

4. Ko e heigoa ne talahau he tama fifine ha Iefeta he iloa e ia e maveheaga he matua taane haana?

5. Ko e ha ne ofania he tau tagata e tama fifine ha Iefeta?

Falu hūhū foki:

1. Totou Tau Fakafili 10:6-18.

   Ko e heigoa e hatakiaga kua lata ia tautolu ke manamanatu ki ai mai he fakamauaga ha Isaraela he nakai tua fakamooli ki a Iehova? (Fakafili 10:6, 15, 16; Roma 15:4; Fakakite. 2:10)

2. Totou Tau Fakafili 11:1-11, 29-40.

   1. (a) Iloa fēfē e tautolu ko e foaki e Iefeta e tama fifine haana mo “poa huhunu” ne nakai kakano ko e foaki a ia he huhunu ke he afi ke poa e tagata? (Fakafili 11:31; Levi. 16:24; Teu. 18:10, 12)

   2. (e) Puhala fe ne foaki e Iefeta e tama fifine haana ko e poa?

   3. (i) Ko e heigoa ha tautolu ka fakaako mai he aga ha Iefeta ke he omonuo haana ki a Iehova? (Fakafili 11:35, 39; Fakama. 5:4, 5; Mata. 16:24)

   4. (o) Puhala fe kua eke e tama fifine ha Iefeta mo fakafifitakiaga mitaki ma e tau fuata Kerisiano he tutuli e feua he fekafekauaga mau? (Fakafili 11:36; Mata. 6:33; Filipi 3:8)

Tala 54

1. Ko hai e higoa he tagata ne mua e malolō ne moui, ti ko hai ne age ki a ia e malolō haana?

2. He taha mogo, ko e heigoa ha Samisoni ne taute ke he leona lahi, tuga ne kitia e koe i loto he fakatino?

3. Ko e heigoa e mena galo ne tala age e Samisoni ki a Talila i loto he fakatino, ti takitaki fēfē he mena nei a ia ke tapaki he tau Filisitia?

4. Kelipopo fēfē e Samisoni e 3,000 he tau fī Filisitia he aho ne mate foki a ia?

Falu hūhū foki:

1. Totou Tau Fakafili 13:1-14.

   Foaki fēfē e Manoa mo e hoana haana e fakafifitakiaga mitaki ma e tau matua he feaki e tau fanau ha lautolu? (Fakafili 13:8; Sala. 127:3; Efeso 6:4)

2. Totou Tau Fakafili 14:5-9 mo e 15:9-16.

   1. (a) Ko e heigoa he tau tala ki a Samisoni ne tamate e leona, mutumutu e tau toua foou ne līlī aki a ia, mo e fakaaoga e hui kahokaho he asini taane ke tamate aki e 1,000 tagata taane, kua fakakite e puhala kua gahuahua ai e agaaga tapu ha Iehova?

   2. (e) Lagomatai fēfē he agaaga tapu a tautolu he vahā nei? (Fakafili 14:6; 15:14; Saka. 4:6; Gahua 4:31)

3. Totou Tau Fakafili 16:18-31.

   Lauia fēfē a Samisoni he tau lafiaga kelea, ti ko e heigoa kua fakaako mai e tautolu he mena nei? (Fakafili 16:18, 19; 1 Kori. 15:33)

Tala 55

1. Ko hai e higoa he tama taane tote i loto he fakatino, ti ko hai e falu?

2. Ko e heigoa e liogi ne talahau e Hana he taha aho he ahiahi atu a ia ke he faituga ha Iehova, ti tali fēfē e Iehova a ia?

3. Fiha e tau moui ha Samuela he mogo ne ta atu a ia ke fekafekau he faituga ha Iehova, ti ko e heigoa he matua fifine haana ne taute ma haana he tau tau takitaha?

4. Ko hai e higoa he tau tama taane ha Eli, ti ko e tau tagata fēfē a laua?

5. Ui fēfē a Iehova ki a Samuela, ti ko e heigoa e fekau ne age e Ia ki a Samuela?

6. Ko e heigoa e gahua ha Samuela he lahi hake a ia, ti ko e heigoa ne tupu he mogo ne motua a ia?

Falu hūhū foki:

1. Totou 1 Samuela 1:1-28.

   1. (a) Ko e heigoa e fakafifitakiaga mitaki lahi ma e tau ulu magafaoa ne fakatoka e Elekana he takitaki e tapuakiaga mooli? (1 Samu. 1:3, 21; Mata. 6:33; Filipi 1:10, NW)

   2. (e) Ko e heigoa e fakaakoaga ka ako mai e tautolu he fakafifitakiaga ha Hana he fegahai mo e lekua lahi? (1 Samu. 1:10, 11; Sala. 55:22; Roma 12:12)

2. Totou 1 Samuela 2:11-36.

   Puhala fe ne fakalilifu e Eli e tau tama taane haana ke mua hake ia Iehova, ti eke fēfē e mena nei mo hatakiaga ki a tautolu? (1 Samu. 2:22-24, 27, 29; Teu. 21:18-21; Mata. 10:36, 37)

3. Totou 1 Samuela 4:16-18.

   Ko e heigoa e fekau momoko ne fā e vala ne ta mai he malē tau, ti lauia fēfē ai a Eli?

4. Totou 1 Samuela 8:4-9.

   Puhala fe ne fakaita lahi e Isaraela a Iehova, ti puhala fe ka lalago fakamooli e tautolu e Kautu haana he vahā nei? (1 Samu. 8:5, 7; Ioane 17:16; Iako. 4:4)

Tala 56

1. I loto he fakatino, ko e heigoa ha Samuela fa e taute, mo e ko e ha?

2. Ko e ha ne fiafia a Iehova ki a Saulo, mo e ko e tagata fēfē a ia?

3. Ko hai e higoa he tama taane ha Saulo, ti ko e heigoa he tama taane ne taute?

4. Ko e ha ne taute e Saulo e poa ka e nakai fakatali ki a Samuela ke taute ai?

5. Ko e heigoa e tau fakaakoaga ka ako e tautolu mai he tala ki a Saulo?

Falu hūhū foki:

1. Totou 1 Samuela 9:15-21 mo e 10:17-27.

   Lagomatai fēfē he mahani fakalatalata ha Saulo a ia ke nakai tali vale atu he mogo ne tutala fakakelea e falu tagata hagaao ki a ia? (1 Samu. 9:21; 10:21, 22, 27; Fakatai 17:27)

2. Totou 1 Samuela 13:5-14.

   Ko e heigoa e agahala ne taute e Saulo i Kilikala? (1 Samu. 10:8; 13:8, 9, 13)

3. Totou 1 Samuela 15:1-35.

   1. (a) Ko e heigoa e agahala lahi ne taute e Saulo ne putoia ai a Akako ko e patuiki ha Amaleka? (1 Samu. 15:2, 3, 8, 9, 22)

   2. (e) Lali fēfē a Saulo ke talahau kua latatonu e tau mena ne taute e ia mo e hiki ke tukumale e falu? (1 Samu. 15:24)

   3. (i) Ko e heigoa e hatakiaga kua lata ia tautolu ke omaoma ki ai he vahā nei ka fakatonu mai? (1 Samu. 15:19-21; Sala. 141:5; Fakatai 9:8, 9; 11:2)

Tala 57

1. Ko hai e higoa he tama taane i loto he fakatino, ti iloa fēfē e tautolu na loto malolō a ia?

2. Nofo i fe a Tavita, ti ko hai e higoa he matua taane mo e matua tupuna taane haana?

3. Ko e ha ne tala age a Iehova ki a Samuela ke fano ke he fale ha Iese i Petelehema?

4. Ko e heigoa ne tupu he mogo ne tamai e Iese e tau tama taane tokofitu haana ki a Samuela?

5. Magaaho ne tamai ai a Tavita, ko e heigoa ne tala age e Iehova ki a Samuela?

Falu hūhū foki:

1. Totou 1 Samuela 17:34, 35.

   Fakakite fēfē he tau mena nei ne tutupu e malolō mo e falanaki ha Tavita ki a Iehova? (1 Samu. 17:37)

2. Totou 1 Samuela 16:1-14.

   1. (a) Lagomatai fēfē he tau kupu ha Iehova ia 1 Samuela 16:7 a tautolu ke ua fakamailoga tagata mo e kalo kehe mai he fili tagata ha ko e foliga he tino? (Gahua 10:34, 35; 1 Timo. 2:4)

   2. (e) Fakakite fēfē he fakafifitakiaga ha Saulo ka utakehe e Iehova e agaaga tapu haana mai he tagata, na maeke e tagata ia ke puke he agaaga kelea, po ke malolō e manako ke taute e mena kelea? (1 Samu. 16:14; Mata. 12:43-45; Kala. 5:16)

Tala 58

1. Ko e heigoa e paleko ha Koliato ke he kautau Isaraela?

2. Lahi fēfē a Koliato, ti ko e heigoa e palepale ne mavehe he Patuiki ko Saulo ke age ke he tagata ka tamate a Koliato?

3. Ko e heigoa ha Tavita ne talahau he mogo ne tala age a Saulo to nakai maeke a Tavita ke tau mo Koliato ha ko e tama tote a ia?

4. He tali haana ki a Koliato, fakakite fēfē e Tavita e falanaki haana ki a Iehova?

5. Tuga ne kitia e koe i loto he fakatino, ko e heigoa ne fakaaoga e Tavita ke tamate aki a Koliato, mo e ko e heigoa ne tupu ke he tau Filisitia he mole e mena nei?

Falu hūhū foki:

1. Totou 1 Samuela 17:1-54.

   1. (a) Ko e heigoa e mena galo he nakai matakutaku ha Tavita, ti maeke fēfē ia tautolu ke fifitaki e loto malolō haana? (1 Samu. 17:37, 45; Efeso 6:10, 11)

   2. (e) Ko e ha kua lata e tau Kerisiano ke kalo mai he aga fetoko tuga ha Koliato ka pelē e tau sipote po ke fakafiafia tino? (1 Samu. 17:8; Kala. 5:26; 1 Timo. 4:8)

   3. (i) Fakakite fēfē he tau kupu ha Tavita kua tua a ia ke he lalagoaga he Atua? (1 Samu. 17:45-47; 2 Nofo. 20:15)

   4. (o) He nakai fakamaama ni he fetotokoaki he ua e matakautau, fakakite fēfē he tala nei kua hagaao mooli e tauaga ke he vahaloto he tau atua fakavai mo e Atua mooli ko Iehova? (1 Samu. 17:43, 46, 47)

   5. (u) Muitua fēfē a lautolu ne fakauku kua toe ke he fakafifitakiaga ha Tavita he falanaki ki a Iehova? (1 Samu. 17:37; Iere. 1:17-19; Fakakite. 12:17)

Tala 59

1. Ko e ha ne mahekeheke a Saulo ki a Tavita, ka e kehe fēfē e tama taane ha Saulo ko Ionatana?

2. Ko e heigoa ne tupu he taha aho he tā a Tavita he kitara ma Saulo?

3. Ko e heigoa ha Saulo ne talahau kua lata ia Tavita ke taute ato hoana e ia e tama fifine ha Saulo ko Mekala, ti ko e ha ne talahau ai e Saulo?

4. Magaaho ne tā e Tavita e kitara ma Saulo, ko e heigoa e mena ne tupu ke lagatolu aki, tuga ne fakakite he fakatino?

5. Lagomatai fēfē e Mekala ke fakahao e moui ha Tavita, ti ko e heigoa ha Tavita ne taute he mogoia ke he fitu e tau?

Falu hūhū foki:

1. Totou 1 Samuela 18:1-30.

   1. (a) Fakaata tuai fēfē he fakaalofa mauokafua ha Ionatana ma Tavita e fakaalofa mooli he vahāloto he ‘tau mamoe kehe’ mo e “fuifui mamoe gahoa”? (1 Samu. 18:1; Ioane 10:16; Luka 12:32; Saka. 8:23)

   2. (e) Mailoga ai na fa mahani ko Ionatana ka hukui a Saulo, fakakite fēfē he 1 Samuela 18:4 e omaoma ne mua atu ha Ionatana ki a ia ne fifili ke eke mo patuiki?

   3. (i) Puhala fe ne fakakite he fakafifitakiaga ha Saulo na maeke e mahekeheke ke takitaki ke he agahala kelea lahi, ti ko e heigoa ne tala mai he hatakiaga nei ki a tautolu? (1 Samu. 18:7-9, 25; Iako. 3:14-16)

2. Totou 1 Samuela 19:1-17.

   He magaaho ne fakafehagai mo Saulo, fakahagahaga kelea fēfē e Ionatana e moui haana? (1 Samu. 19:1, 4-6; Fakatai 16:14)

Tala 60

1. Ko hai e higoa he fifine kua hau ke feleveia mo Tavita i loto he fakatino, mo e ko e fifine fēfē a ia?

2. Ko hai a Napalu?

3. Ko e ha ne fakafano atu e Tavita falu he tau tagata haana ke ole lagomatai mai ia Napalu?

4. Ko e heigoa ne tala age e Napalu ke he tau tagata ha Tavita, ti tali atu fēfē a Tavita?

5. Puhala fe ne fakakite e Apikaila ko e fifine pulotu a ia?

Falu hūhū foki:

1. Totou 1 Samuela 22:1-4.

   Puhala fe ne fakatoka he magafaoa ha Tavita e fakafifitakiaga mitaki he puhala kua lata ia tautolu ke felagomataiaki ko e tau matakainaga Kerisiano? (Fakatai 17:17; 1 Tesa. 5:14)

2. Totou 1 Samuela 25:1-43.

   1. (a) Ko e ha ne fakamaama fakakelea hagaao ki a Napalu? (1 Samu. 25:2-5, 10, 14, 21, 25)

   2. (e) Ko e heigoa ka ako he tau hoana Kerisiano he vahā nei mai he fakafifitakiaga ha Apikaila? (1 Samu. 25:32, 33; Fakatai 31:26; Efeso 5:24)

   3. (i) Ne taofi e Apikaila a Tavita mai he taute e tau mena kelea ua fe? (1 Samu. 25:31, 33; Roma 12:19; Efeso 4:26)

   4. (o) Lagomatai fēfē he puhala ne tali atu a Tavita ke he tau kupu ha Apikaila e tau tagata taane he vahā nei ke moua e onoonoaga ha Iehova ke he tau fifine? (Gahua 21:8, 9; Roma 2:11; 1 Pete. 3:7)

Tala 61

1. Ko e heigoa ha Tavita mo Apisai ne taute he mohe a Saulo he heaga api haana?

2. Ko e heigoa e tau hūhū ne tala age e Tavita ki a Saulo?

3. He toka ai a Saulo, fano a Tavita ki fe?

4. Ko e ha kua momoko lahi a Tavita, ati tohia ai e ia e lologo fulufuluola?

5. Fiha e tau moui ha Tavita he magaaho ne patuiki a ia i Heperona, ti ko hai e higoa he falu he tau tama taane haana?

6. Patuiki a Tavita i fe he magaaho fakamui?

Falu hūhū foki:

1. Totou 1 Samuela 26:1-25.

   1. (a) Hagaao ke he talahauaga ha Tavita ne fakamau he 1 Samuela 26:11, ko e heigoa e aga ne fakakite ai ke he fakatokatokaaga fakateokarasi? (Sala. 37:7; Roma 13:2)

   2. (e) Ka eketaha a tautolu ke fakakite e fakaalofa-totonu ka kua fakataupā aki e tali kelea, maeke fēfē e tau kupu ha Tavita he 1 Samuela 26:23 ke lagomatai a tautolu ke fakatumau e onoonoaga hako? (1 Patu. 8:32; Sala. 18:20)

2. Totou 2 Samuela 1:26.

   Feaki fēfē he tau Kerisiano he vahā nei e “fakaalofa lahi ko e taha kia taha” ke tatai mo e ha Tavita mo Ionatana? (1 Pete. 4:8; Kolo. 3:14; 1 Ioa. 4:12)

3. Totou 2 Samuela 5:1-10.

   1. (a) Fiha e tau ne pule ai a Tavita ko e patuiki, ti vevehe fēfē e tau tau nei? (2 Samu. 5:4, 5)

   2. (e) Ko hai e punaaga he lilifu lahi ha Tavita, ti eke fēfē ai mo fakamanatuaga ki a tautolu he vahā nei? (2 Samu. 5:10; 1 Samu. 16:13; 1 Kori. 1:31; 2 Kori. 4:7)

Tala 62

1. Mo e lagomatai ha Iehova, ko e heigoa ne tupu ke he motu ha Kanana he magaaho fakamui?

2. Ko e heigoa ne tupu he taha afiafi he haia a Tavita he tua fale he fale patuiki haana?

3. Ko e ha kua ita lahi a Iehova ki a Tavita?

4. I loto he fakatino, ko hai ne fakafano atu e Iehova ke tala age ki a Tavita hagaao ke he tau agahala haana, ti ko e heigoa kua talahau he tagata ia ka tupu ki a Tavita?

5. Ko e heigoa e matematekelea ne moua e Tavita?

6. He mole a Tavita, ko hai ne eke mo patuiki i Isaraela?

Falu hūhū foki:

1. Totou 2 Samuela 11:1-27.

   1. (a) Puhala fe he lavelave ke he fekafekauaga ha Iehova ko e puipuiaga ma tautolu?

   2. (e) Puhala fe ne futiaki a Tavita ke he agahala, ti ko e heigoa e hatakiaga ne foaki he mena nei ma e tau fekafekau ha Iehova he vahā nei? (2 Samu. 11:2; Mata. 5:27-29; 1 Kori. 10:12; Iako. 1:14, 15)

2. Totou 2 Samuela 12:1-18.

   1. (a) Ko e heigoa e fakaakoaga he tau motua mo e tau mamatua ka ako mai he puhala ne fehagai a Natano ki a Tavita ke foaki e fakatonuaga? (2 Samu. 12:1-4; Fakatai 12:18; Mata. 13:34)

   2. (e) Ko e ha ne fakaalofa noa a Iehova ki a Tavita? (2 Samu. 12:13; Sala. 32:5; 2 Kori. 7:9, 10)

Tala 63

1. Ko e heigoa ha Iehova ne hūhū ki a Solomona, ti tali fēfē e ia?

2. Ha kua fiafia a ia ke he ole ha Solomona, ko e heigoa ne mavehe a Iehova ke age ki a ia?

3. Ko e heigoa e lekua vihi lahi ne ta atu he ua e fifine ki a Solomona?

4. Tuga kua kitia e koe i loto he fakatino, puhala fe ne taute aki e Solomona e lekua?

5. Fēfē e pule ha Solomona, ti ko e ha?

Falu hūhū foki:

1. Totou 1 Tau Patuiki 3:3-28.

   1. (a) Ko e heigoa he tau tagata ne kua moua e tau kotofaaga i loto he fakatokatokaaga he Atua he vahā nei ka ako mai he tau talahauaga hokulo ha Solomona he 1 Tau Patuiki 3:7? (Sala. 119:105; Fakatai 3:5, 6)

   2. (e) Puhala fe ne eke e ole ha Solomona mo fakafifitakiaga mitaki lahi hagaao ke he tau mena kua lata ke liogi ki ai? (1 Patu. 3:9, 11; Fakatai 30:8, 9; 1 Ioa. 5:14)

   3. (i) Ko e heigoa e mauokafua kua moua e tautolu mai he puhala ha Solomona ne taute aki e taufetoko he ua e fifine hagaao ke he pule anoiha ha Solomona ne Mua ko Iesu Keriso? (1 Patu. 3:28; Isaia 9:6, 7; 11:2-4)

2. Totou 1 Tau Patuiki 4:29-34.

   1. (a) Tali fēfē e Iehova e ole ha Solomona ma e loto omaoma? (1 Patu. 4:29)

   2. (e) He onoono ke he tau laliaga ne taute he tau tagata ke fanogonogo ke he pulotu ha Solomona, kua lata ke fēfē e logonaaga ha tautolu ke he fakaako he Kupu he Atua? (1 Patu. 4:29, 34; Ioane 17:3; 2 Timo. 3:16)

Tala 64

1. Fiha e leva he tālaga e Solomona e faituga ha Iehova, ti ko e ha ne tau uka lahi ai?

2. Fiha e poko lalahi i loto he faituga, ti ko e heigoa ne tuku i loto he poko he uho?

3. Ko e heigoa ne talahau e Solomona he liogi haana he mogo ne mau ai e faituga?

4. Fakakite fēfē e Iehova kua fiafia a ia ke he liogi ha Solomona?

5. Ko e heigoa ne fakaohooho he tau hoana ha Solomona a ia ke taute, ti ko e heigoa ne tupu ki a Solomona?

6. Ko e ha ne ita a Iehova ki a Solomona, ti ko e heigoa ne tala age e Iehova ki a ia?

Falu hūhū foki:

1. Totou 1 Nofoaga he Tau Patuiki 28:9, 10.

   He onoono ke he tau kupu ne fakamau he 1 Nofoaga he Tau Patuiki 28:9, 10, ko e heigoa kua lata ia tautolu ke eketaha ke taute he tau aho takitaha he tau momoui ha tautolu? (Sala. 19:14; Filipi 4:8, 9)

2. Totou 2 Nofoaga he Tau Patuiki 6:12-21, 32-42.

   1. (a) Puhala fe ne fakakite e Solomona kua nakai fakaai e faituga ne tālaga he tagata ke hao ai e Atua Mua Ue Atu? (2 Nofo. 6:18; Gahua 17:24, 25)

   2. (e) Ko e heigoa ne fakakite he tau kupu ha Solomona he 2 Nofoaga he Tau Patuiki 6:32, 33 hagaao ki a Iehova? (Gahua 10:34, 35; Kala. 2:6)

3. Totou 2 Nofoaga he Tau Patuiki 7:1-5.

   Tuga ni ne omoomoi e fanau Isaraela ke fakaheke a Iehova he magaaho ne kitia ai e lilifu haana, kua lata ke lauia fēfē a tautolu he vahā nei ka manamanatu a tautolu ke he fakamonuinaaga a Iehova ke he haana tau tagata? (2 Nofo. 7:3; Sala. 22:22; 34:1; 96:2)

4. Totou 1 Tau Patuiki 11:9-13.

   Fakakite fēfē he puhala moui ha Solomona e aoga he tua fakamooli ke hoko ke he fakaotiaga? (1 Patu. 11:4, 9; Mata. 10:22; Fakakite. 2:10)

Tala 65

1. Ko hai e tau higoa he tau tagata tokoua i loto he fakatino, ti ko hai a laua?

2. Ko e heigoa ne taute e Ahia ke he tapulu haana ne tui, ti ko e heigoa e kakano he mena ia?

3. Ko e heigoa ha Solomona ne lali ke taute ki a Ierepoamo?

4. Ko e ha ne fakapatuiki ai he tau tagata a Ierepoamo ke he tau magafaoa toko hogofulu?

5. Ko e ha ne taute e Ierepoamo ua e punua povi auro, ti ko e heigoa ne tupu ke he motu he mole e mena nei?

6. Ko e heigoa ne tupu ke he kautu he magafaoa ne ua mo e faituga ha Iehova i Ierusalema?

Falu hūhū foki:

1. Totou 1 Tau Patuiki 11:26-43.

   Ko e tagata fēfē a Ierepoamo, ti ko e heigoa ne mavehe e Iehova ki a ia ka omaoma a ia ke he tau fakatufono he Atua? (1 Patu. 11:28, 38)

2. Totou 1 Tau Patuiki 12:1-33.

   1. (a) Mai he fakafifitakiaga kelea ha Rehopoamo, ko e heigoa he tau mamatua mo e tau motua kua ako mai hagaao ke he fakaaogaaga hehē he pule? (1 Patu. 12:13; Fakama. 7:7; 1 Pete. 5:2, 3)

   2. (e) Ko hai he tau fuata he vahā nei kua lata ke fuluhi ki ai ma e takitakiaga mauokafua ka taute e tau fifiliaga uho lahi mahaki he moui? (1 Patu. 12:6, 7; Fakatai 1:8, 9; 2 Timo. 3:16, 17; Hepe. 13:7)

   3. (i) Ko e heigoa ne omoi a Ierepoamo ke fakatu hake ua e matakavi ma e tapuakiaga punua povi, ti fakakite fēfē he mena nei e nakai tua fakamooli ki a Iehova? (1 Patu. 11:37; 12:26-28)

   4. (o) Ko hai ne takitaki e tau tagata he kautu he magafaoa toko hogofulu ke totoko ke he tapuakiaga mooli? (1 Patu. 12:32, 33)

Tala 66

1. Ko hai a Iesepela?

2. Ko e ha ne momoko ai e Patuiki ko Ahapo he taha aho?

3. Ko e heigoa ne taute e Iesepela ke moua aki e uluvine ha Napota ke age ke he taane haana ko Ahapo?

4. Ko hai ne fakafano e Iehova ke fakahala a Iesepela?

5. Tuga kua kitia e koe i loto he fakatino, ko e heigoa ne tupu he mogo ne hoko atu a Iehu ke he fale patuiki ha Iesepela?

Falu hūhū foki:

1. Totou 1 Tau Patuiki 16:29-33 mo e 18:3, 4.

   Kelea fēfē e tuaga i Isaraela he mogo ne pule ai e Patuiki ko Ahapo? (1 Patu. 14:9)

2. Totou 1 Tau Patuiki 21:1-16.

   1. (a) Puhala fe ne fakakite e Napota e loto malolō mo e mahani fakamooli ki a Iehova? (1 Patu. 21:1-3; Levi. 25:23-28)

   2. (e) Mai he fakafifitakiaga ha Ahapo, ko e heigoa kua ako e tautolu ke fakafehagai mo e tau fakaatukehe? (1 Patu. 21:4; Roma 5:3-5)

3. Totou 2 Tau Patuiki 9:30-37.

   Ko e heigoa kua ako e tautolu mai he fakamakutu ha Iehu ke taute e finagalo ha Iehova? (2 Patu. 9:4-10; 2 Kori. 9:1, 2; 2 Timo. 4:2)

Tala 67

1. Ko hai a Iehosafata, ti moui a ia he magahala fe?

2. Ko e ha ne matakutaku e tau Isaraela, ti ko e heigoa ne taute he tokologa ia lautolu?

3. Ko e heigoa e tali ha Iehova ke he liogi ha Iehosafata?

4. Ko e heigoa ne fakatupu e Iehova ato hoko e tauaga?

5. Ko e heigoa e fakaakoaga ka ako mai e tautolu ia Iehosafata?

Falu hūhū foki:

1. Totou 2 Nofoaga he Tau Patuiki 20:1-30.

   1. (a) Fakakite fēfē e Iehosafata e tau mena kua lata he tau fekafekau fakamooli he Atua ke taute ka fehagai mo e tau tuaga fakamatakutaku? (2 Nofo. 20:12; Sala. 25:15; 62:1)

   2. (e) Ha kua fakaaoga tumau e Iehova e fakatokaaga he matutakiaga he mogo ka fehagai a ia mo e tau tagata haana, ko e heigoa e fakatokaaga kua fakaaoga e ia he vahā nei? (2 Nofo. 20:14, 15; Mata. 24:45-47; Ioane 15:15)

   3. (i) Ka fakahoko he Atua e “tau ke he aho lahi he Atua mana,” to tatai fēfē e tuaga ha tautolu mo e ha Iehosafata? (2 Nofo. 20:15, 17; 32:8; Fakakite. 16:14, 16)

   4. (o) He fifitaki ke he tau Levi, ko e heigoa e foakiaga he tau paionia mo e tau misionare kua lafi ke he gahua fakamatala he lalolagi katoa he vahā nei? (2 Nofo. 20:19, 21; Roma 10:13-15; 2 Timo. 4:2)

Tala 68

1. Ko hai e tau tagata tokotolu i loto he fakatino, ti ko e heigoa ne tupu ke he tama taane tote?

2. Ko e heigoa e liogi ha Elia hagaao ke he tama taane, ti ko e heigoa mogoia ne tupu?

3. Ko hai e higoa he tagata lagomatai ha Elia?

4. Ko e ha ne ui a Elisaio ke fina atu ke he kaina he fifine i Sunema?

5. Ko e heigoa ha Elisaio ne taute, ti ko e heigoa ne tupu ke he tama ne mate?

6. Ko e heigoa e malolō kua ha ha ia Iehova, tuga ne fakakite he puhala ia Elia mo Elisaio?

Falu hūhū foki:

1. Totou 1 Tau Patuiki 17:8-24.

   1. (a) Kamatamata fēfē e omaoma mo e tua ha Elia? (1 Patu. 17:9; 19:1-4, 10)

   2. (e) Ko e ha ne ofoofogia e tua he fifine takape i Sarefata? (1 Patu. 17:12-16; Luka 4:25, 26)

   3. (i) Fakakite fēfē he mena ne tupu ke he fifine takape i Sarefata e moolioli he tau kupu ha Iesu ne fakamau ia Mataio 10:41, 42? (1 Patu. 17:10-12, 17, 23, 24)

2. Totou 2 Tau Patuiki 4:8-37.

   1. (a) Ko e heigoa ne fakaako mai he fifine i Sunema ki a tautolu hagaao ke he mahani fakamokoi? (2 Patu. 4:8; Luka 6:38; Roma 12:13; 1 Ioa. 3:17)

   2. (e) Ko e heigoa e tau puhala kua maeke ia tautolu ke mahani totonu atu ke he tau fekafekau he Atua he vahā nei? (Gahua 20:35; 28:1, 2; Kala. 6:9, 10; Hepe. 6:10)

Tala 69

1. I loto he fakatino, ko e heigoa he tama fifine tote kua tala age ke he fifine?

2. Ko hai e fifine i loto he fakatino, mo e ko e heigoa he tama fifine tote ne taute he fale he fifine?

3. Ko e heigoa ne fekau e Elisaio e fekafekau haana ke tala age ki a Naamanu, ti ko e ha ne ita lahi a Naamanu?

4. Ko e heigoa ne tupu he mogo ne fanogonogo a Naamanu ke he tau fekafekau haana?

5. Ko e ha ne nakai talia e Elisaio e mena fakaalofa ha Naamanu, ka ko e heigoa ha Kehasi ne taute?

6. Ko e heigoa ne tupu ki a Kehasi, ti ko e heigoa ha tautolu ka fakaako mai he mena nei?

Falu hūhū foki:

1. Totou 2 Tau Patuiki 5:1-27.

   1. (a) Maeke fēfē e fakafifitakiaga ne fakatoka he tama fifine tote Isaraela ke fakamalolō a lautolu ne ikiiki he vahā nei? (2 Patu. 5:3; Sala. 8:2; 148:12, 13)

   2. (e) Ko e ha kua mitaki ai ke tokaloto e fakafifitakiaga ha Naamanu ka moua e tautolu e fakatonuaga faka-Tohi Tapu? (2 Patu. 5:15; Hepe. 12:5, 6; Iako. 4:6)

   3. (i) Ko e heigoa e tau fakaakoaga ka ako mai e tautolu he fakatatai e fakafifitakiaga ha Elisaio mo e ha Kehasi? (2 Patu. 5:9, 10, 14-16, 20; Mata. 10:8; Gahua 5:1-5; 2 Kori. 2:17)

Tala 70

1. Ko hai a Iona, ti ko e heigoa ne tala age e Iehova ki a ia ke taute?

2. Ha kua nakai manako a ia ke fano ke he matakavi ne poaki e Iehova ki ai, ko e heigoa ha Iona ne taute?

3. Ko e heigoa ha Iona ne tala age ke he tau tagata gahua he vaka ke taute ke maeke ai ke milino e afā?

4. Tuga kua kitia e koe i loto he fakatino, ko e heigoa ne tupu he mogo ne tomo hifo a Iona ki loto he vai?

5. Fiha e leva he nofo a Iona i loto he ika lahi, ti ko e heigoa haana ne taute i ai?

6. Fano a Iona ki fe he magaaho ne hau a ia ki fafo he ika lahi, ti ko e heigoa kua fakaako mai he mena nei ki a tautolu?

Falu hūhū foki:

1. Totou Iona 1:1-17.

   Maaliali ai, fēfē e logonaaga ha Iona hagaao ke he kotofaaga haana ke fakamatala ke he tau Nineva? (Iona 1:2, 3; Fakatai 3:7; Fakama. 8:12)

2. Totou Iona 2:1, 2, 10.

   Fakamalolō fēfē he mena ne tupu ki a Iona e mauokafua ha tautolu, to tali e Iehova e tau liogi ha tautolu? (Sala. 22:24; 34:6; 1 Ioa. 5:14)

3. Totou Iona 3:1-10.

   1. (a) Ko e heigoa e fakamalolōaga kua moua e tautolu he iloa kua matutaki a Iehova ke fakaaoga a Iona pete he kaumahala a ia he mogo fakamua ke fakamooli e kotofaaga haana? (Sala. 103:14; 1 Pete. 5:10)

   2. (e) Ko e heigoa kua fakaako ki a tautolu he mena ne tupu ki a Iona mo e tau Nineva hagaao ke he fakafili tuai e tau tagata he fonua ha tautolu? (Iona 3:6-9; Fakama. 11:6; Gahua 13:48)

Tala 71

1. Ko hai a Isaia, magahala fe ne moui ai a ia, ti ko e heigoa ne fakakite age e Iehova ki a ia?

2. Ko e heigoa e kakano he kupu “parataiso,” ti ko e heigoa kua fakamanatu ai ki a koe?

3. Ko e heigoa ne tala age e Iehova ki a Isaia ke tohi hifo hagaao ke he Parataiso foou?

4. Ko e ha ne galo ai ia Atamu mo Eva e kaina fulufuluola ha laua?

5. Ko e heigoa ne mavehe e Iehova ma lautolu ne fakaalofa ki a ia?

Falu hūhū foki:

1. Totou Isaia 11:6-9.

   1. (a) Fakakite fēfē he Kupu he Atua e mafola he vahāloto he tau manu mo e tau tagata he lalolagi foou? (Sala. 148:10, 13; Isaia 65:25; Eseki. 34:25)

   2. (e) Ko e heigoa e fakamooliaga fakaagaaga he tau kupu ha Isaia kua fakamooli ai he tau tagata ha Iehova he vahā nei? (Roma 12:2; Efeso 4:23, 24)

   3. (i) Ko hai kua lata ke fakaheke ki ai ha kua hikihiki e tau aga he tau tagata he mogonei mo e he lalolagi foou? (Isaia 48:17, 18; Kala. 5:22, 23; Filipi 4:7)

2. Totou Fakakiteaga 21:3, 4.

   1. (a) Fakakite fēfē he tau kupu Tohi Tapu kua nofo e Atua mo e tau tagata ke he puhala fakatai, nakai ke he tuaga fakatino, he lalolagi? (Levi. 26:11, 12; 2 Nofo. 6:18; Isaia 66:1; Fakakite. 21:2, 3, 22-24)

   2. (e) Ko e tau hihina mata mo e mamahi fēfē ka holoholo kehe ai? (Luka 8:49-52; Roma 8:21, 22; Fakakite. 21:4)

Tala 72

1. Ko hai e tagata i loto he fakatino, ti ko e ha kua tupetupe lahi a ia?

2. Ko e heigoa e tau tohi kua tuku e Hesekia ki mua he Atua, ti ko e heigoa ne talahau e Hesekia he liogi?

3. Ko e patuiki fēfē a Hesekia, ti ko e heigoa e fekau ne fakafano atu e Iehova ki a ia ne puhala atu he perofeta ko Isaia?

4. Ko e heigoa he agelu ha Iehova ne taute ke he tau Asuria, tuga ne fakakite he fakatino?

5. Pete kua fai magaaho ne mafola ai e kautu he tau magafaoa tokoua, ko e heigoa ne tupu he mole e mate ha Hesekia?

Falu hūhū foki:

1. Totou 2 Tau Patuiki 18:1-36.

   1. (a) Lali fēfē e gutuvagahau ha Asuria ko Ravesake ke fakalolelole e tua he tau Isaraela? (2 Patu. 18:19, 21; Esoto 5:2; Sala. 64:3)

   2. (e) Ka fakafehagai mo e tau tagata totoko, muitua fēfē he Tau Fakamoli a Iehova e fakafifitakiaga ha Hesekia? (2 Patu. 18:36; Sala. 39:1; Fakatai 26:4; 2 Timo. 2:24)

2. Totou 2 Tau Patuiki 19:1-37.

   1. (a) Fifitaki fēfē he tau tagata ha Iehova he vahā nei a Hesekia he tau magaaho tupetupe lahi? (2 Patu. 19:1, 2; Fakatai 3:5, 6; Hepe. 10:24, 25; Iako. 5:14, 15)

   2. (e) Ko e heigoa e kaumahalaaga ne tolu e vala ne hoko ke he Patuiki ko Sanerivi, ti ko hai ne fakatai fakaperofeta e ia? (2 Patu. 19:32, 35, 37; Fakakite. 20:2, 3)

3. Totou 2 Tau Patuiki 21:1-6, 16.

   Ko e ha kua maeke ai ke talahau ko Manase ko e taha he tau patuiki ne muitui e kelea ne pule i Ierusalema? (2 Nofo. 33:4-6, 9)

Tala 73

1. Fiha e tau moui ha Iosia he magaaho ne eke a ia mo patuiki, ti ko e heigoa haana ne kamata ke taute he mogo ne fitu e tau he patuiki a ia?

2. Ko e heigoa kua kitia e koe a Iosia hane taute he fakatino fakamua?

3. Ko e heigoa ne moua he ekepoa ne mua he magaaho ne fakafoou he tau tagata e faituga?

4. Ko e ha ne hēhē ai e Iosia e tau tapulu haana?

5. Ko e heigoa e fekau mai ia Iehova ne tala age he perofeta fifine ko Hulata ki a Iosia?

Falu hūhū foki:

1. Totou 2 Nofoaga he Tau Patuiki 34:1-28.

   1. (a) Ko e heigoa e fakafifitakiaga ha Iosia ne foaki ma lautolu ne fakauka ha ko e kelea he vahā tama tote ha lautolu? (2 Nofo. 33:21-25; 34:1, 2; Sala. 27:10)

   2. (e) Ko e heigoa e tau lakaaga uho ne taute e Iosia ke fakatolomaki ki mua e tapuakiaga mooli he tau tau ke 8 aki, 12 aki, mo e ke 18 aki he pule haana? (2 Nofo. 34:3, 8)

   3. (i) Ko e heigoa e tau fakaakoaga he leveki e tau matakavi he tapuakiaga ka ako e tautolu mai he tau fakafifitakiaga he Patuiki ko Iosia mo e Ekepoa ne Mua ko Hilikia? (2 Nofo. 34:9-13; Fakatai 11:14; 1 Kori. 10:31)

Tala 74

1. Ko hai e fuata taane i loto he fakatino?

2. Fēfē e manatu ha Ieremia ke eke a ia mo perofeta, ka ko e heigoa ne tala age e Iehova ki a ia?

3. Ko e heigoa e fekau ne fakatumau a Ieremia ke tala age ke he tau tagata?

4. Puhala fe ne lali e tau ekepoa ke taofi a Ieremia, ka e fakakite fēfē e ia kua nakai matakutaku a ia?

5. Ko e heigoa ne tupu he magaaho ne nakai hiki he tau Isaraela e tau puhala kelea ha lautolu?

Falu hūhū foki:

1. Totou Ieremia 1:1-8.

   1. (a) Tuga ne fakakite mai he fakafifitakiaga ha Ieremia, ko e heigoa e mena kua lata ke maeke e tagata ke fekafekau ki a Iehova? (2 Kori. 3:5, 6)

   2. (e) Ko e heigoa e fakamalolōaga kua foaki he fakafifitakiaga ha Ieremia ma e tau fuata Kerisiano he vahā nei? (Fakama. 12:1; 1 Timo. 4:12)

2. Totou Ieremia 10:1-5.

   Ko e heigoa e fakataiaga malolō ne fakaaoga e Ieremia ke fakakite e nakai aoga he falanaki ke he tau tupua tā? (Iere. 10:5; Isaia 46:7; Hapa. 2:19)

3. Totou Ieremia 26:1-16.

   1. (a) He fakapuloa e fekau hataki he vahā nei, kua tokaloto fēfē e lautolu ne fakauku ne toe e poakiaga ha Iehova ki a Ieremia ke ‘aua neke uta kehe ha kupu’? (Iere. 26:2; Teu. 4:2; Gahua 20:27)

   2. (e) Ko e heigoa e fakafifitakiaga mitaki lahi ne fakatoka e Ieremia ma e Tau Fakamoli a Iehova he vahā nei he fakapuloa e hatakiaga ha Iehova ke he tau motu? (Iere. 26:8, 12, 14, 15; 2 Timo. 4:1-5)

4. Totou 2 Tau Patuiki 24:1-17.

   Ko e heigoa e tau fua kelea fakamomoko ne tupu mai ha ko e nakai tua fakamooli ha Iuta ki a Iehova? (2 Patu. 24:2-4, 14)

Tala 75

1. Ko hai e tau tama taane tokofā i loto he fakatino, ti ko e ha ne ha ha a lautolu i Papelonia?

2. Ko e heigoa ne fakatokatoka e Nepukanesa ma e tau tama taane tokofā, ti ko e heigoa ne poaki e ia ke he tau fekafekau haana ke taute?

3. Ko e heigoa ne ole e Tanielu hagaao ke he tau mena kai mo e tau mena inu ma haana mo e tau kapitiga tokotolu haana?

4. He mole e kai ke he tau lakau kai ke hogofulu e aho, fēfē a Tanielu mo e tau kapitiga tokotolu haana he fakatatai mo e falu fuata taane?

5. Ko e ha kua ha ha i ai a Tanielu mo e tau kapitiga tokotolu haana he fale he patuiki, ti puhala fe kua mua hake a lautolu ke he tau ekepoa mo e tau tagata iloilo?

Falu hūhū foki:

1. Totou Tanielu 1:1-21.

   1. (a) Kaeke kua amanaki a tautolu ke totoko e tau kamatamata mo e kautū mai he tau lolelole, ko e heigoa e tau laliaga kua lata ia tautolu ke taute? (Tani. 1:8; Kene. 39:7, 10; Kala. 6:9)

   2. (e) He tau puhala fe kua liga kamatamata po ke peehi e tau fuata he vahā nei ke takele he tau mena ne manatu he falu ko e “tau mena taumafa [mahuiga]”? (Tani. 1:8; Fakatai 20:1; 2 Kori. 6:17–7:1)

   3. (i) He tala Tohi Tapu ke he tau fuata Heperu tokofā, ko e heigoa kua lagomatai a tautolu ke mailoga hagaao ke he mouaaga he iloilo he lalolagi? (Tani. 1:20; Isaia 54:13; 1 Kori. 3:18-20)

Tala 76

1. Ko e heigoa kua tupu ki Ierusalema mo e ke he tau Isaraela ne fakakite he fakatino?

2. Ko hai a Esekielu, ti ko e heigoa e tau mena fakalialia ne fakakite age e Iehova ki a ia?

3. Ha kua nakai fakalilifu he tau Isaraela a Iehova, ko e heigoa ne mavehe e ia?

4. Ko e heigoa he Patuiki ko Nepukanesa ne taute he mole e totoko e tau Isaraela ki a ia?

5. Ko e ha ne fakaatā e Iehova e moumouaga kelea lahi nei ke hoko ke he tau Isaraela?

6. Toka teao fēfē e motu ko Isaraela he nakai fai tagata i ai, ti fiha e leva?

Falu hūhū foki:

1. Totou 2 Tau Patuiki 25:1-26.

   1. (a) Ko hai a Setekaia, ko e heigoa ne tupu ki a ia, ti fakamooli fēfē he mena nei e perofetaaga he Tohi Tapu? (2 Patu. 25:5-7; Eseki. 12:13-15)

   2. (e) Ko hai ne fakalago e Iehova ki ai ma e tau nakai tua fakamooli oti ne taute e Isaraela? (2 Patu. 25:9, 11, 12, 18, 19; 2 Nofo. 36:14, 17)

2. Totou Esekielu 8:1-18.

   Fifitaki fēfē e Kerisitenitome e tau tagata tapuaki ke he laā he motu tiaki taofiaga ko Isaraela? (Eseki. 8:16; Isaia 5:20, 21; Ioane 3:19-21; 2 Timo. 4:3)

Tala 77

1. Ko e heigoa e poaki ha Nepukanesa ko e patuiki ha Papelonia, ne tala age ke he tau tagata?

2. Ko e ha kua nakai fakaveveli fakafohifo e tau kapitiga tokotolu ha Tanielu ke he tupua auro?

3. Magaaho ne age foki e Nepukanesa e taha magaaho ke he tau Heperu tokotolu ke fakaveveli fakafohifo, fakakite fēfē e lautolu e falanaki ki a Iehova?

4. Ko e heigoa ne fekau e Nepukanesa e tau tagata taane haana ke taute ki a Sataraka, Mesako, mo Apetiniko?

5. Ko e heigoa ha Nepukanesa ne kitia he onoono a ia ki loto he gutuumu?

6. Ko e ha ne fakaheke ai e patuiki ke he Atua ha Sataraka, Mesako, mo Apetiniko, ti ko e heigoa e fakafifitakiaga kua foaki e lautolu ma tautolu?

Falu hūhū foki:

1. Totou Tanielu 3:1-30.

   1. (a) Ko e heigoa e aga ne fakakite he tau fuata Heperu tokotolu kua lata he tau fekafekau oti he Atua ke fifitaki ka fehagai mo e tau kamatamata he mahani fakamooli? (Tani. 3:17, 18; Mata. 10:28; Roma 14:7, 8)

   2. (e) Ko e heigoa e fakaakoaga aoga ne fakaako e Iehova ko e Atua ki a Nepukanesa? (Tani. 3:28, 29; 4:34, 35)

Tala 78

1. Ko e heigoa ne tupu he mogo ne fakatoka he patuiki a Papelonia e galue lahi ti fakaaoga e tau kapiniu mo e tau polu ne tamai he faituga ha Iehova i Ierusalema?

2. Ko e heigoa ha Pelesara ne tala age ke he tau tagata taane iloilo haana, ka e ko e heigoa kua nakai maeke a lautolu ke taute?

3. Ko e heigoa he matua fifine he patuiki ne tala age ki a ia ke taute?

4. Hagaao ke he tau mena ne tala age e Tanielu ke he patuiki, ko e ha ne fakafano mai he Atua e lima ke tohi ke he kaupā?

5. Fakamaama fēfē e Tanielu e kakano he tau kupu he kaupā?

6. Ko e heigoa ne tupu he vagahau agaia a Tanielu?

Falu hūhū foki:

1. Totou Tanielu 5:1-31.

   1. (a) Fakatatai e matakutaku mahani Atua mo e matakutaku ne logona e Pelesara he magaaho ne kitia e ia e tohi lima he kaupā. (Tani. 5:6, 7; Sala. 19:9; Roma 8:35-39)

   2. (e) Fakakite fēfē e Tanielu e malolō lahi he mogo ne vagahau ai ki a Pelesara mo e tau iki haana? (Tani. 5:17, 18, 22, 26-28; Gahua 4:29)

   3. (i) Fakakite fakamaaliali fēfē he Tanielu veveheaga 5 e pule katoatoa ha Iehova ke he lagi mo e lalolagi? (Tani. 4:17, 25; 5:21)

Tala 79

1. Ko hai a Tariu, ti fēfē e onoonoaga haana ki a Tanielu?

2. Ko e heigoa he falu tagata taane mahekeheke ne fakaohooho a Tariu ke taute?

3. Ko e heigoa ha Tanielu ne taute he magaaho ne iloa e ia hagaao ke he matafakatufono foou?

4. Ko e ha kua momoko lahi a Tariu ti nakai maeke a ia ke mohe, ti ko e heigoa ne taute e ia he pogipogi hake?

5. Tali atu fēfē a Tanielu ki a Tariu?

6. Ko e heigoa ne tupu ke he tau tagata taane kelea ne lali ke tamate a Tanielu, ti ko e heigoa ne tohi e Tariu ke he tau tagata oti he motu haana?

Falu hūhū foki:

1. Totou Tanielu 6:1-28.

   1. (a) Ko e heigoa ne fakamanatu mai he lagatau kelea ki a Tanielu hagaao ke he tau mena kua taute he tau tagata totoko he lali ke fakaoti e gahua he Tau Fakamoli a Iehova he vahā foou nei? (Tani. 6:7; Sala. 94:20; Isaia 10:1; Roma 8:31)

   2. (e) Maeke fēfē e tau fekafekau he Atua he vahā nei ke fifitaki a Tanielu he fakatumau ke omaoma ke he “tau tui ne mua”? (Tani. 6:5, 10; Roma 13:1; Gahua 5:29)

   3. (i) Muitua fēfē a tautolu ke he fakafifitakiaga ha Tanielu he fekafekau “mau” ki a Iehova? (Tani. 6:16, 20; Filipi 3:16; Fakakite. 7:15)

Tala 80

1. Tuga ne fakakite mai he fakatino, ko e heigoa he tau Isaraela fa e taute?

2. Fakamooli fēfē e Kuresa e perofetaaga ha Iehova ne puhala mai ia Isaia?

3. Ko e heigoa ne tala age e Kuresa ke he tau Isaraela ne nakai maeke ke liliu ki Ierusalema?

4. Ko e heigoa ne age e Kuresa ke he tau tagata ke uta ka liliu ki Ierusalema?

5. Fiha e leva to hohoko e tau Isaraela he liliu ki Ierusalema?

6. Fiha e tau he mole tali mai he mogo ne tokanoa katoatoa e motu nakai fai tagata?

Falu hūhū foki:

1. Totou Isaia 44:28 mo e 45:1-4.

   1. (a) Peehi fēfē e Iehova e moolioli he fakamooliaga he perofetaaga hagaao ki a Kuresa? (Isaia 55:10, 11; Roma 4:17)

   2. (e) Fakakite fēfē he perofetaaga ha Isaia hagaao ki a Kuresa e pulotu ha Iehova ko e Atua ke talahau tuai e vahā anoiha? (Isaia 42:9; 45:21; 46:10, 11; 2 Pete. 1:20)

2. Totou Esera 1:1-11.

   He mumuitua ke he fakafifitakiaga ha lautolu ne nakai maeke ke liliu ki Ierusalema, maeke fēfē ia tautolu he vahā nei ke “lagomatai” a lautolu kua maeke ke huhū atu ke he fekafekauaga mau? (Esera 1:4, 6; Roma 12:13; Kolo. 4:12)

Tala 81

1. Toko fiha e tagata ne ō he fenoga loa mai i Papelonia ki Ierusalema, ka ko e heigoa ne kitia e lautolu he mogo ne hohoko atu ai?

2. Ko e heigoa he tau Isaraela ne kamata ke tālaga he mogo ne hohoko atu ai, ka ko e heigoa ne taute he tau fī ha lautolu?

3. Ko hai a Hakai mo Sakaria, ti ko e heigoa ha laua ne tala age ke he tau tagata?

4. Ko e ha ne fakafano atu e Tatenai e tohi ki Papelonia, ti ko e heigoa e tali ne moua e ia?

5. Ko e heigoa ne taute e Esera he mogo ne iloa e ia kua lata ke fakafoou e faituga he Atua?

6. Ko e heigoa ha Esera ne liogi ke moua i loto he fakatino, tali fēfē e liogi haana, mo e ko e heigoa kua fakaako ki a tautolu mai he mena nei?

Falu hūhū foki:

1. Totou Esera 3:1-13.

   Kaeke kua nonofo a tautolu he matakavi ne nakai fai fakapotopotoaga e tau tagata he Atua, ko e heigoa kua lata ia tautolu ke matutaki ke taute? (Esera 3:3, 6; Gahua 17:16, 17; Hepe. 13:15)

2. Totou Esera 4:1-7.

   Ko e heigoa e fakafifitakiaga ne fakatoka e Serupapelu ma e tau tagata ha Iehova ke lata mo e tua fiofio? (Esoto 34:12; 1 Kori. 15:33; 2 Kori. 6:14-17)

3. Totou Esera 5:1-5, 17 mo e 6:1-22.

   1. (a) Ko e ha e tau tagata totoko ne nakai maeke ke taofi e gahua tālaga he faituga? (Esera 5:5; Isaia 54:17)

   2. (e) Puhala fe he tau gahua he tau patu a Iuta ka fakamalolō e tau motua Kerisiano ke kumi e takitakiaga ha Iehova he magaaho ka fehagai mo e tau tagata totoko? (Esera 6:14; Sala. 32:8; Roma 8:31; Iako. 1:5)

4. Totou Esera 8:21-23, 28-36.

   Fakamua to taute e tautolu taha mena, ko e heigoa e fakafifitakiaga ha Esera kua mitaki ma tautolu ke mumuitua ki ai? (Esera 8:23; Sala. 127:1; Fakatai 10:22; Iako. 4:13-15)

Tala 82

1. Ko hai a Moretikai mo Eseta?

2. Ko e ha e Patuiki ko Ahasueru ne manako ai ke he taha hoana foou, ti ko hai ne fifili e ia?

3. Ko hai a Hamanu, ti ko e ha ne ita lahi a ia?

4. Ko e heigoa e matafakatufono ne fakatu, ti ko e heigoa ne taute e Eseta he mogo ne moua e fekau mai ia Moretikai?

5. Ko e heigoa ne tupu ki a Hamanu, mo e ko e heigoa ne tupu ki a Moretikai?

6. Fakahao fēfē e tau Isaraela mai he tau fī ha lautolu?

Falu hūhū foki:

1. Totou Eseta 2:12-18.

   Fakakite fēfē e Eseta e aoga he feaki e “loto mahani molu mo e mafola”? (Eseta 2:15; 1 Pete. 3:1-5)

2. Totou Eseta 4:1-17.

   Tuga ni ne foaki age ki a Eseta e magaaho ke taute taha mena ke lata mo e tapuakiaga mooli, ko e heigoa e magaaho kua foaki mai ki a tautolu he vahā nei ke fakakite e fakamakai mo e fakamooli ha tautolu ki a Iehova? (Eseta 4:13, 14; Mata. 5:14-16; 24:14)

3. Totou Eseta 7:1-6.

   Puhala fe he tokologa he tau tagata he Atua he vahā nei ne kua fakatapakupaku ke he favaleaga, tuga ne taute e Eseta? (Eseta 7:4; Mata. 10:16-22; 1 Pete. 2:12)

Tala 83

1. Fēfē e logonaaga he tau Isaraela he nakai fai kaupā ne pātakai aki ha lautolu a maaga ko Ierusalema?

2. Ko hai a Nehemia?

3. Ko e heigoa e gahua ha Nehemia, ti ko e ha ne aoga ai?

4. Ko e heigoa e tala ati momoko ai a Nehemia, ti ko e heigoa ne taute e ia?

5. Fakakite fēfē he Patuiki ko Aretaseta e totonu ki a Nehemia?

6. Fakatokatoka fēfē e Nehemia e gahua tālaga ke ua maeke he tau fī ha Isaraela ke taofi ai?

Falu hūhū foki:

1. Totou Nehemia 1:4-6 mo e 2:1-20.

   Kumi fēfē e Nehemia e takitakiaga ha Iehova? (Nehe. 2:4, 5; Roma 12:12; 1 Pete. 4:7)

2. Totou Nehemia 3:3-5.

   Ko e heigoa kua maeke he tau motua mo e tau fekafekau lagomatai ke ako mai he fekehekeheaki he tau Tikoa mo e “tau iki” ha lautolu? (Nehe. 3:5, 27; 2 Tesa. 3:7-10; 1 Pete. 5:5)

3. Totou Nehemia 4:1-23.

   1. (a) Ko e heigoa ne omoomoi e tau Isaraela ke matutaki e gahua tālaga pete e totokoaga favale? (Nehe. 4:6, 8, 9; Sala. 50:15; Isaia 65:13, 14)

   2. (e) Puhala fe ne fakamalolō he fakafifitakiaga he tau Isaraela a tautolu he vahā nei?

4. Totou Nehemia 6:15.

   Ha kua mau e tau kaupā ha Ierusalema he tālaga he ua ni e mahina, ko e heigoa kua fakakite mai hagaao ke he malolō he tua? (Sala. 56:3, 4; Mata. 17:20; 19:26)

Tala 84

1. Ko hai e fifine i loto he fakatino?

2. Ko e heigoa ha Kaperielu ne tala age ki a Maria?

3. Fakamaama fēfē e Kaperielu ki a Maria to fai tama a ia pete ni he nakaila nofo a ia mo e ha tagata taane?

4. Ko e heigoa ne tupu he magaaho ne ahiahi atu a Maria ke he magafaoa haana ko Elisapeta?

5. Ko e heigoa e manatu ha Iosefa he mogo ne iloa e ia ko e fai tama ne fai a Maria, ka ko e ha ne hiki ai haana manatu?

Falu hūhū foki:

1. Totou Luka 1:26-56.

   1. (a) Ko e heigoa ne fakakite he Luka 1:35 hagaao ke he ha nakai mitaki katoatoa faka-Atamu i loto he nofoaga tama ha Maria he magaaho ne hiki hifo ai e moui he Tama he Atua mai he takaiaga fakaagaaga? (Hakai 2:11-13; Ioane 6:69; Hepe. 7:26; 10:5)

   2. (e) Moua fēfē e Iesu e fakalilifuaga ka e nakaila fanau mai a ia? (Luka 1:41-43)

   3. (i) Ko e heigoa e fakafifitakiaga mitaki lahi ne foaki mai e Maria ma e tau Kerisiano he vahā nei ne moua e tau kotofaaga pauaki he fekafekauaga? (Luka 1:38, 46-49; 17:10; Fakatai 11:2)

2. Totou Mataio 1:18-25.

   Pete ni kua nakai fakahigoa a Iesu ko Emanuela, kua fakamooli fēfē he kotofaaga haana he mogo ne tino tagata ai e kakano he higoa ia? (Mata. 1:22, 23; Ioane 14:8-10; Hepe. 1:1-3)

Tala 85

1. Ko hai e tama mukemuke i loto he fakatino, ti ko e mena fe kua fakatakoto ai e Maria a ia?

2. Ko e ha ne fanau ai a Iesu he fale povi mo e tau manu?

3. I loto he fakatino, ko hai e tau tagata ne o atu ki loto he fale povi, ti ko e heigoa ne tala age he agelu ki a lautolu?

4. Ko e ha ne uho pauaki ai a Iesu?

5. Ko e ha kua maeke ke ui ai a Iesu ko e Tama he Atua?

Falu hūhū foki:

1. Totou Luka 2:1-20.

   1. (a) Ko e heigoa e vala ha Kaisara Aokuso ne putoia ke he fakamooliaga he perofetaaga hagaao ke he fanauaga ha Iesu? (Luka 2:1-4; Mika 5:2)

   2. (e) Maeke fēfē e tagata tokotaha ke putoia mo lautolu ne totoku ko e ‘tau tagata finagalo fakaalofa’? (Luka 2:14; Mata. 16:24; Ioane 17:3; Gahua 3:19; Hepe. 11:6)

   3. (i) Kaeke kua fai kakano e tau leveki mamoe Iutaia loto fakatokolalo ke fiafia ha ko e fanauaga he Fakamoui, ko e heigoa e kakano lahi mahaki ke fiafia ai e tau fekafekau he Atua he vahā nei? (Luka 2:10, 11; Efeso 3:8, 9; Fakakite. 11:15; 14:6)

Tala 86

1. Ko hai e tau tagata taane i loto he fakatino, ti ko e ha e taha ia lautolu kua tuhi atu ke he fetu kikila?

2. Ko e ha ne ita ai e Patuiki ko Herota, ti ko e heigoa ne taute e ia?

3. Takitaki atu ki fe he fetu kikila e tau tagata taane, ka ko e ha ne liliu a lautolu he taha hala foki ke he motu ha lautolu?

4. Ko e heigoa e poakiaga ne tuku atu e Herota, ti ko e ha?

5. Ko e heigoa ne tala age e Iehova ki a Iosefa ke taute?

6. Ko hai ne fakakikila e fetu foou, ti ko e ha?

Taha hūhū foki:

1. Totou Mataio 2:1-23.

   Fiha e tau moui ha Iesu ti nofo a ia i fe he magaaho ne ahiahi atu ai e tau makoi ki a ia? (Mata. 2:1, 11, 16)

Tala 87

1. Kua fiha e tau moui ha Iesu i loto he fakatino, ti haia i fe a ia?

2. Ko e heigoa ha Iosefa ne taute mo e magafaoa haana he tau tau oti?

3. He mole e taha e aho he fenoga he liliu ki kaina, ko e ha a Iosefa mo Maria ne liliu ai ki Ierusalema?

4. Moua e Iosefa mo Maria a Iesu i fe, ti ko e ha e tau tagata i ai ne kua ofoofogia?

5. Ko e heigoa ha Iesu ne talahau ke he matua fifine haana ko Maria?

6. Maeke fēfē a tautolu ke tuga a Iesu he fakaako hagaao ke he Atua?

Falu hūhū foki:

1. Totou Luka 2:41-52.

   1. (a) Pete ko e tau tagata taane ni kua poaki he Fakatufono ke ō ke he tau galue ne taute lagataha he tau, ko e heigoa e fakafifitakiaga mitaki ne foaki e Iosefa mo Maria ma e tau matua he vahā nei? (Luka 2:41; Teu. 16:16; 31:12; Fakatai 22:6)

   2. (e) Fakatoka fēfē e Iesu e fakafifitakiaga mitaki ma e tau fuata ikiiki he vahā nei ke omaoma ke he tau matua ha lautolu? (Luka 2:51; Teu. 5:16; Fakatai 23:22; Kolo. 3:20)

2. Totou Mataio 13:53-56.

   Ko hai e tau lafu tokofā ha Iesu ne totoku i loto he Tohi Tapu, ti fakaaoga fēfē e tokoua ia lautolu he magaaho fakamui he fakapotopotoaga Kerisiano? (Mata. 13:55; Gahua 12:17; 15:6, 13; 21:18; Kala. 1:19; Iako. 1:1; Iuta 1)

Tala 88

1. Ko hai e tau tagata tokoua i loto he fakatino?

2. Papatiso fēfē e tagata?

3. Ko hai ha Ioane ne fa papatiso?

4. Ko e heigoa e kakano pauaki ne ole a Iesu ki a Ioane ke papatiso a ia?

5. Fakakite fēfē he Atua kua fiafia a Ia ha kua papatiso a Iesu?

6. Ko e heigoa ne tupu he magaaho ne fina atu a Iesu ke he matakavi tokanoa ke 40 e aho?

7. Ko hai e falu tutaki fakamua ha Iesu, ti ko e heigoa e mana fakamua haana?

Falu hūhū foki:

1. Totou Mataio 3:13-17.

   Ko e heigoa e fakatokaaga ne taute e Iesu ma e papatisoaga he tau tutaki haana? (Sala. 40:7, 8; Mata. 28:19, 20; Luka 3:21, 22)

2. Totou Mataio 4:1-11.

   Puhala fe ne fakamalolō a tautolu ke fakaako tumau e Tohi Tapu ha ko e puhala ne fakaaoga fakailoilo e Iesu e tau Tohiaga Tapu? (Mata. 4:5-7; 2 Pete. 3:17, 18; 1 Ioa. 4:1)

3. Totou Ioane 1:29-51.

   Takitaki atu e Ioane ko e Papatiso e tau tutaki haana ki a hai, ti fifitaki fēfē e tautolu a ia he vahā nei? (Ioane 1:29, 35, 36; 3:30; Mata. 23:10)

4. Totou Ioane 2:1-12.

   Fakakite fēfē he mana fakamua ha Iesu ko e mena nakai taofi e Iehova ha mena mitaki mai he tau fekafekau Haana? (Ioane 2:9, 10; Sala. 84:11; Iako. 1:17)

Tala 89

1. Ko e ha ne fakafua ai e tau manu i loto he faituga?

2. Ko e heigoa ati ita ai a Iesu?

3. He kitia e koe i loto he fakatino, ko e heigoa ha Iesu ne taute, ti ko e heigoa e poakiaga ne age e ia ke he tau tagata taane kua fakafua lupe?

4. Magaaho ne kitia he tau tutaki ha Iesu e mena kua taute e ia, ko e heigoa ne manatu e lautolu?

5. Magamotu fe ne fina atu ai a Iesu he liu atu a ia ki Kalilaia?

Taha hūhū foki:

1. Totou Ioane 2:13-25.

   He manamanatu ke he ita lahi ha Iesu ha ko e tau tagata fakafua tupe i loto he faituga, ko e heigoa e onoonoaga tonu ma e tau matagahua fakafua koloa i loto he Fale he Kautu? (Ioane 2:15, 16; 1 Kori. 10:24, 31-33)

Tala 90

1. Ko e ha ne nofo a Iesu he tapa he vaikeli i Samaria, ti ko e heigoa haana kua tala age ke he fifine i ai?

2. Ko e ha ne ofo lahi e fifine, ko e heigoa ha Iesu ne tala age ki a ia, ti ko e ha?

3. Ko e vai fe ne manamanatu e fifine kua tutala a Iesu ki ai, ka ko e heigoa e vai kua hagaao mooli a ia ki ai?

4. Ko e ha kua ofomate ai e fifine ke he tau mena ne iloa e Iesu hagaao ki a ia, ti moua fēfē e ia e tau vala tala nei haana?

5. Ko e heigoa e tau fakaakoaga ka ako mai e tautolu he tala ke he fifine he vaikeli?

Falu hūhū foki:

1. Totou Ioane 4:5-43.

   1. (a) He mumuitua ke he fakafifitakiaga ha Iesu, ko e heigoa e aga kua lata ia tautolu ke fakatātā ke he tau tagata mai he tau feakiaga po ke tau tuaga kehekehe? (Ioane 4:9; 1 Kori. 9:22; 1 Timo. 2:3, 4; Tito 2:11)

   2. (e) Ko e heigoa e tau mena aoga fakaagaaga ka moua he tagata kua eke mo tutaki ha Iesu? (Ioane 4:14; Isaia 58:11; 2 Kori. 4:16)

   3. (i) Fakakite fēfē e tautolu e loto fakaaue tuga he fifine Samaria, ne makutu a ia ke tala age ke he falu e tau mena haana ne fakaako? (Ioane 4:7, 28; Mata. 6:33; Luka 10:40-42)

Tala 91

1. I loto he fakatino, kua fakaako a Iesu i fe, ti ko hai a lautolu ne nonofo tata atu ki a ia?

2. Ko hai e tau higoa he tau aposetolo toko 12?

3. Ko e heigoa e Kautu kua fakamatala a Iesu hagaao ki ai?

4. Fakaako e Iesu e tau tagata ke liogi ma e heigoa?

5. Ko e heigoa ha Iesu ne talahau hagaao ke he puhala kua lata e tau tagata ke fehagai ke he falu?

Falu hūhū foki:

1. Totou Mataio 5:1-12.

   He tau puhala fe kua maeke ia tautolu ke fakakite kua mailoga e tautolu e lata ma e tau mena fakaagaaga? (Mata. 5:3, NW; Roma 10:13-15; 1 Timo. 4:13, 15, 16)

2. Totou Mataio 5:21-26.

   Peehi fēfē he Mataio 5:23, 24 ko e fakafetuiaga ha tautolu mo e tau matakainaga ha tautolu kua lauia e fakafetuiaga ha tautolu mo Iehova? (Mata. 6:14, 15; Sala. 133:1; Kolo. 3:13; 1 Ioa. 4:20)

3. Totou Mataio 6:1-8.

   Ko e heigoa e falu puhala fia tututonu kua lata e tau Kerisiano ke tiaki? (Luka 18:11, 12; 1 Kori. 4:6, 7; 2 Kori. 9:7)

4. Totou Mataio 6:25-34.

   Ko e heigoa ha Iesu ne fakaako hagaao ke he lata ke falanaki ki a Iehova ma e tau foakiaga fakatino ha tautolu? (Esoto 16:4; Sala. 37:25; Filipi 4:6)

5. Totou Mataio 7:1-11.

   Ko e heigoa ha tautolu kua fakaako mai he fakataiaga maaliali he Mataio 7:5? (Fakatai 26:12; Roma 2:1; 14:10; Iako. 4:11, 12)

Tala 92

1. Ko hai e matua taane he tama fifine i loto he fakatino, ti ko e ha kua tupetupe lahi a ia mo e hoana haana?

2. Ko e heigoa ha Iairo ne taute he magaaho ne moua e ia a Iesu?

3. Ko e heigoa ne tupu he mogo ne fina atu a Iesu ke he kaina ha Iairo, ti ko e heigoa e fekau ne moua e Iairo?

4. Ko e ha ne fekī ai e tau tagata he kaina ha Iairo ki a Iesu?

5. He mole e uta tokotolu e aposetolo mo e matua taane mo e matua fifine he tama fifine ki loto he poko he tama fifine, ko e heigoa ha Iesu ne taute?

6. Ko hai foki ne liu fakatu mai e Iesu he mate, ti ko e heigoa kua fakakite he mena nei?

Falu hūhū foki:

1. Totou Luka 8:40-56.

   Fakakite fēfē e Iesu e fakaalofa hofihofi mo e mahani totonu ke he fifine ne fakatafea, ti ko e heigoa he tau motua Kerisiano he vahā nei ka ako mai he mena nei? (Luka 8:43, 44, 47, 48; Levi. 15:25-27; Mata. 9:12, 13; Kolo. 3:12-14)

2. Totou Luka 7:11-17.

   Ko e ha a lautolu ne kua galo e tau fakahelehele ha ko e mate kua mafanatia lahi ha ko e tali ha Iesu ke he fifine takape mai i Naina? (Luka 7:13; 2 Kori. 1:3, 4; Hepe. 4:15)

3. Totou Ioane 11:17-44.

   Fakakite fēfē e Iesu ko e mena fa mahani ke fakatutuku ka mate e fakahele? (Ioane 11:33-36, 38; 2 Samu. 18:33; 19:1-4)

Tala 93

1. Ko e heigoa e mena kelea lahi mahaki ne kua tupu ki a Ioane ko e Papatiso, ti fēfē e logonaaga ha Iesu ki ai?

2. Fagai fēfē e Iesu e moto tagata ne mumui atu ki a ia, ti fiha e kato he tau mena kai toetoe?

3. Ko e ha ne matakutaku e tau tutaki he pō, ti ko e heigoa ne tupu ki a Peteru?

4. Fagai fēfē e Iesu e tau afe tagata he magaaho ke lagauaaki?

5. Ko e ha to mitaki lahi ka pule a Iesu ke he lalolagi ko e Patuiki he Atua?

Falu hūhū foki:

1. Totou Mataio 14:1-32.

   1. (a) He tala he Mataio 14:23-32 ko e heigoa kua fakakite mai hagaao ke he aga ha Peteru?

   2. (e) Fakakite fēfē he fakamauaga he Tohi Tapu na motua a Peteru ti maeke ke toka e aga ohooho haana? (Mata. 14:27-30; Ioane 18:10; 21:7; Gahua 2:14, 37-40; 1 Pete. 5:6, 10)

2. Totou Mataio 15:29-38.

   Fakakite fēfē e Iesu e fakalilifu ma e tau foakiaga fakatino mai he Matua haana? (Mata. 15:37; Ioane 6:12; Kolo. 3:15)

3. Totou Ioane 6:1-21.

   Muitua fēfē he tau Kerisiano he vahā nei e fakafifitakiaga ha Iesu hagaao ke he fakatufono? (Ioane 6:15; Mata. 22:21; Roma 12:2; 13:1-4)

Tala 94

1. Ko e heigoa he tau aposetolo ne taufetoko ki ai he liliu mai a lautolu he fenoga loa?

2. Ko e ha ne ui atu a Iesu ke hau e tama tote ti fakatu a ia ki mua he tau aposetolo?

3. He puhala fe kua lata e tau aposetolo ke fakaako ke tuga e tau fanau?

4. Fai mahina he mole, fakakite fēfē e Iesu na ofania e ia e tau fanau?

Falu hūhū foki:

1. Totou Mataio 18:1-4.

   Ko e ha ne fakaaoga e Iesu e tau fakataiaga ke fakaako? (Mata. 13:34, 36; Mare. 4:33, 34)

2. Totou Mataio 19:13-15.

   Ko e heigoa e aga he tau fanau ikiiki kua lata ia tautolu ke fifitaki kaeke kua manako a tautolu ke moua e tau monuina he Kautu? (Sala. 25:9; 138:6; 1 Kori. 14:20)

3. Totou Mareko 9:33-37.

   Ko e heigoa ha Iesu ne fakaako ke he tau tutaki haana hagaao ke he manako ke he tau tuaga talahaua? (Mare. 9:35; Mata. 20:25, 26; Kala. 6:3; Filipi 2:5-8)

4. Totou Mareko 10:13-16.

   Maeke fēfē a Iesu ke mukamuka ke o atu ki ai, ti ko e heigoa he tau motua Kerisiano ka ako mai he fakafifitakiaga haana? (Mare. 6:30-34; Filipi 2:1-4; 1 Timo. 4:12)

Tala 95

1. Ko e heigoa e hūhū ne tala age he tagata ki a Iesu, ti ko e ha?

2. Ko e heigoa ne fakaaoga e Iesu he falu mogo ke fakaako atu, ti ko e heigoa kua fitā e iloa e tautolu hagaao ke he tau Iutaia mo e tau Samaria?

3. He tala ha Iesu, ko e heigoa ne tupu ke he tagata Iutaia he puhalatū he fano ki Ieriko?

4. Ko e heigoa ne tupu he fina atu e ekepoa Iutaia mo e Levi he puhalatū?

5. I loto he fakatino, ko hai kua lagomatai e tagata Iutaia ne pakia?

6. He oti e tala ha Iesu, ko e heigoa e hūhū ne talahau e ia, ti ko e heigoa e tali he tagata taane?

Falu hūhū foki:

1. Totou Luka 10:25-37.

   1. (a) He nakai talahau fakatonu atu e tali, lagomatai fēfē e Iesu e tagata taane ako Fakatufono ke manamanatu ke he matakupu? (Luka 10:26; Mata. 16:13-16)

   2. (e) Fakaaoga fēfē e Iesu e tau fakataiaga ke utakehe aki e onoono hifo he tau tagata fanogonogo haana? (Luka 10:36, 37; 18:9-14; Tito 1:9)

Tala 96

1. Ko e heigoa ha Iesu ne taute he fina atu a ia ke he motu?

2. He kavi ke he tolu e tau he mole e papatiso a Iesu, ko e heigoa ne tala age e ia ke he tau aposetolo haana?

3. Ko hai e tau tagata i loto he fakatino, ti ko e heigoa ha Iesu ne taute ke he fifine?

4. Ko e ha e tali ha Iesu ke he tau totokoaga he tau takitaki lotu ne fakamā ai a lautolu?

5. He tata a Iesu mo e tau aposetolo haana ki Ieriko, ko e heigoa ne taute e Iesu ma e tau tagata kaiole matapouli tokoua?

6. Ko e ha ne taute e Iesu e tau mana?

Falu hūhū foki:

1. Totou Mataio 15:30, 31.

   Ko e heigoa e fakatātāaga homo ue atu he malolō ha Iehova ne fakakite mai ia Iesu, ti lata ke lauia fēfē ai e maamaaga ha tautolu ke he tau maveheaga ha Iehova ma e lalolagi foou? (Sala. 37:29; Isaia 33:24)

2. Totou Luka 13:10-17.

   Fakakite fēfē he tau mana ofoofogia lahi ne taute e Iesu he Sapati e vahega okiokiaga ka tamai e ia ke he tau tagata he magahala he haana a Pule Afe Tau? (Luka 13:10-13; Sala. 46:9; Mata. 12:8; Kolo. 2:16, 17; Fakakite. 21:1-4)

3. Totou Mataio 20:29-34.

   Fakakite fēfē he tala nei kua nakai lavelave lahi a Iesu ke lagomatai e tau tagata, ti ko e heigoa ha tautolu ka ako mai he mena nei? (Teu. 15:7; Iako. 2:15, 16; 1 Ioa. 3:17)

Tala 97

1. Magaaho ne hoko atu a Iesu ke he maaga tote ne tata ki Ierusalema, ko e heigoa ne tala age e ia ke he tau tutaki haana ke taute?

2. I loto he fakatino, ko e heigoa ne tupu he mogo ne tata a Iesu ke he maaga ko Ierusalema?

3. Ko e heigoa he tau fanau ikiiki ne taute he magaaho ne kitia e lautolu a Iesu ne fakamalolō e tau tagata ne matapouli mo e kulikuli?

4. Ko e heigoa ha Iesu ne tala age ke he tau ekepoa ne ita?

5. Maeke fēfē a tautolu ke tuga e tau fanau ne fakaheke ki a Iesu?

6. Ko e heigoa he tau tutaki ne fia iloa?

Falu hūhū foki:

1. Totou Mataio 21:1-17.

   1. (a) Kehe fēfē e hauaga ha Iesu ki Ierusalema ko e Patuiki mo e tau iki ne kautū he magahala he tau Roma? (Mata. 21:4, 5; Saka. 9:9; Filipi 2:5-8; Kolo. 2:15)

   2. (e) Ko e heigoa e fakaakoaga ka ako he tau fanau mai he tau tama taane Isaraela ne fatiaki e Salamo 118 he magaaho ne hu atu a Iesu ke he faituga? (Mata. 21:9, 15; Sala. 118:25, 26; 2 Timo. 3:15; 2 Pete. 3:18)

2. Totou Ioane 12:12-16.

   Ko e heigoa ne fakatai he fakaaoga he tau tagata e tau lau paama ke fakaheke ki a Iesu? (Ioane 12:13; Filipi 2:10; Fakakite. 7:9, 10)

Tala 98

1. I loto he Fakatino, ha e fe a Iesu, ti ko hai ne haia mo ia?

2. Ko e heigoa he tau ekepoa ne lali ke taute ki a Iesu i loto he faituga, ti ko e heigoa haana ne tala age ki a lautolu?

3. Ko e heigoa e hūhū he tau aposetolo ki a Iesu?

4. Ko e ha ne tala age e Iesu ke he tau aposetolo e falu he tau mena ka tutupu he lalolagi he magaaho ka pule a ia ko e Patuiki i luga he lagi?

5. Ko e heigoa ne talahau e Iesu ka tupu ato fakaotioti e ia e tau mena kelea oti kana he lalolagi?

Falu hūhū foki:

1. Totou Mataio 23:1-39.

   1. (a) Pete kua fakakite he Tohi Tapu na liga mitaki ke fakaaoga e tau matahigoa fakalalolagi, ko e heigoa kua fakakite he tau kupu ha Iesu he Mataio 23:8-11 hagaao ke he fakaaoga he tau matahigoa tokoluga i loto he fakapotopotoaga Kerisiano? (Gahua 26:25; Roma 13:7; 1 Pete. 2:13, 14)

   2. (e) Ko e heigoa ne fakaaoga he tau Farasaio ke lali ke taofi e tau tagata mai he eke mo tau Kerisiano, ti fakaaoga fēfē he tau takitaki lotu e tau lagatau pihia he vahā nei? (Mata. 23:13; Luka 11:52; Ioane 9:22; 12:42; 1 Tesa. 2:16)

2. Totou Mataio 24:1-14.

   1. (a) Peehi fēfē e aoga he fakauka he Mataio 24:13?

   2. (e) Ko e heigoa e kakano he talahauaga “fakaotiaga” he Mataio 24:13? (Mata. 16:27; Roma 14:10-12; 2 Kori. 5:10)

3. Totou Mareko 13:3-10.

   Ko e heigoa e talahauaga he Mareko 13:10 kua fakakite mai e aoga he fakamafiti ke fakamatala e tala mitaki, ti lata ke lauia fēfē a tautolu he tau kupu ha Iesu? (Roma 13:11, 12; 1 Kori. 7:29-31; 2 Timo. 4:2)

Tala 99

1. Tuga ne fakakite i loto he fakatino, ko e ha a Iesu mo e tau aposetolo toko 12 haana kua ha ha he poko lahi i luga?

2. Ko hai e tagata kua fano, ti ko e heigoa haana ne fano ke taute?

3. Ko e heigoa e kaiaga pauaki ne fakatu e Iesu he oti e kaiaga he Paseka?

4. Ko e heigoa ne fakamanatu he Paseka ke he tau Isaraela, ti ko e heigoa he kaiaga pauaki nei ne fakamanatu ke he tau tutaki ha Iesu?

5. He oti e Kaiaga Afiafi he Iki, ko e heigoa ha Iesu ne tala age ke he tau tutaki haana, ti ko e heigoa ha lautolu ne taute?

Falu hūhū foki:

1. Totou Mataio 26:14-30.

   1. (a) Fakakite fēfē he Mataio 26:15 ko e mena afo pauaki ni e Iuta a Iesu?

   2. (e) Ko e heigoa e tau kakano ua he fakamaligi e toto ha Iesu? (Mata. 26:27, 28; Iere. 31:31-33; Efeso 1:7; Hepe. 9:19, 20)

2. Totou Luka 22:1-39.

   He puhala fe ne hu ai a Satani ki a Iuta? (Luka 22:3; Ioane 13:2; Gahua 1:24, 25)

3. Totou Ioane 13:1-20.

   1. (a) He onoono ke he tala he Ioane 13:2, kua lata nakai ke tukupau a Iuta ma e mena haana ne taute, ti ko e heigoa e fakaakoaga ka ako he tau fekafekau ha Iehova mai he mena nei? (Kene. 4:7; 2 Kori. 2:11; Kala. 6:1; Iako. 1:13, 14)

   2. (e) Ko e heigoa e fakaakoaga aoga lahi ne foaki e Iesu? (Ioane 13:15; Mata. 23:11; 1 Pete. 2:21)

4. Totou Ioane 17:1-26.

   Ko e heigoa e kakano he liogi a Iesu ma e tau tutaki haana “kia taha”? (Ioane 17:11, 21-23; Roma 13:8; 14:19; Kolo. 3:14)

Tala 100

1. O atu ki fe a Iesu mo e tau aposetolo haana he toka e lautolu e poko tapa ki luga, ti ko e heigoa ne tala age a ia ki a lautolu ke taute?

2. Ko e heigoa ne kitia e Iesu he liu mai a ia ke he mena ne nonofo ai e tau aposetolo haana, ti lagafiha e tupu e mena nei?

3. Ko hai ne hu atu ke he katene, ti ko e heigoa ha Iuta Isakariota ne taute, tuga ne kitia he fakatino?

4. Ko e ha ne figita e Iuta a Iesu, mo e ko e heigoa ne taute e Peteru?

5. Ko e heigoa ha Iesu ne tala age ki a Peteru, ka ko e ha ne nakai ole a Iesu ke he Atua ke fakafano mai e tau agelu?

Falu hūhū foki:

1. Totou Mataio 26:36-56.

   1. (a) Eke fēfē e puhala ne fakatonu e Iesu e tau tutaki haana mo fakafifitakiaga mitaki lahi ma e tau motua Kerisiano he vahā nei? (Mata. 20:25-28; 26:40, 41; Kala. 5:17; Efeso 4:29, 31, 32)

   2. (e) Fēfē e onoonoaga ha Iesu ke he fakaaoga he tau kanavaakau ke tau ke he taha tagata? (Mata. 26:52; Luka 6:27, 28; Ioane 18:36)

2. Totou Luka 22:39-53.

   Magaaho ne haele atu e agelu ki a Iesu he katene ko Ketesemane ke fakamalolō a ia, fakakite kia he mena nei kua nakai mauokafua e tua ha Iesu? Fakamaama. (Luka 22:41-43; Isaia 49:8; Mata. 4:10, 11; Hepe. 5:7)

3. Totou Ioane 18:1-12.

   Puipui fēfē e Iesu e tau tutaki haana mai he tau tagata totoko haana, ti ko e heigoa ka ako mai e tautolu he fakafifitakiaga nei? (Ioane 10:11, 12; 18:1, 6-9; Hepe. 13:6; Iako. 2:25)

Tala 101

1. Ko hai ne fakamatapatu ke tamate a Iesu?

2. Ko e heigoa he tau aposetolo ne taute he magaaho ne uta he tau takitaki lotu a Iesu?

3. Ko e heigoa ne tupu he fale ha Kaiafa, ko e ekepoa ne mua?

4. Ko e ha ne fano kehe ai a Peteru mo e tagi lahi?

5. He liuaki atu a Iesu ki a Pilato, ko e heigoa he tau ekepoa ne mua ne tauhea atu?

6. Ko e heigoa ne tupu ki a Iesu he pale laā he Aho Faraile, ti ko e heigoa e maveheaga ne taute e ia ke he tagata matahavala ne fakatautau he akau he tapa haana?

7. To haia i fe e Parataiso ne tutala a Iesu ki ai?

Falu hūhū foki:

1. Totou Mataio 26:57-75.

   Fakakite fēfē he tau tagata he hopoaga tokoluga Iutaia ne kelea lahi e tau loto ha lautolu? (Mata. 26:59, 67, 68)

2. Totou Mataio 27:1-50.

   Ko e ha kua maeke ia tautolu ke pehē kua nakai mooli e tokihala ha Iuta? (Mata. 27:3, 4; Mare. 3:29; 14:21; 2 Kori. 7:10, 11)

3. Totou Luka 22:54-71.

   Ko e heigoa e fakaakoaga ka ako e tautolu mai he fakatikai e Peteru a Iesu he pō ia ne afo mo e tapaki ai a Iesu? (Luka 22:60-62; Mata. 26:31-35; 1 Kori. 10:12)

4. Totou Luka 23:1-49.

   Tali atu fēfē a Iesu ke he nakai fakafili tonu ne taute atu ki a ia, ti ko e heigoa e fakaakoaga ka ako e tautolu mai he mena nei? (Luka 23:33, 34; Roma 12:17-19; 1 Pete. 2:23)

5. Totou Ioane 18:12-40.

   Pete kua nonaia fakakū a Peteru ha ko e matakutaku tagata, ko e heigoa ne fakakite mai ne liu malolō a ia ti eke mo aposetolo kua mua he mitaki? (Ioane 18:25-27; 1 Kori. 4:2; 1 Pete. 3:14, 15; 5:8, 9)

6. Totou Ioane 19:1-30.

   1. (a) Ko e heigoa e onoonoaga lagotatai ne moua e Iesu ke he tau koloa he tino? (Ioane 2:1, 2, 9, 10; 19:23, 24; Mata. 6:31, 32; 8:20)

   2. (e) Fakakite fēfē he tau kupu ha Iesu he teitei mate kua kautū a ia he lalago e pule katoatoa ha Iehova? (Ioane 16:33; 19:30; 2 Pete. 3:14; 1 Ioa. 5:4)

Tala 102

1. Ko hai e fifine i loto he fakatino, ko hai e tau tagata taane tokoua, mo e ko lautolu i fe?

2. Ko e ha ne tala age a Pilato ke he tau ekepoa ke fakafano e tau kautau ke leoleo e tukuaga ha Iesu?

3. Ko e heigoa he agelu ne taute he kamataaga he aho ke toluaki he mole e mate a Iesu, ka ko e heigoa he tau ekepoa ne taute?

4. Ko e ha e falu fifine ne ofomate he magaaho ne aahi atu a lautolu ke he tukuaga ha Iesu?

5. Ko e ha ne tafepoi a Peteru mo Ioane ke he tukuaga ha Iesu, ti ko e heigoa ne kitia e laua?

6. Ko e heigoa ne tupu ke he tino ha Iesu, ka ko e heigoa ne taute e ia ke fakakite ke he tau tutaki kua moui a ia?

Falu hūhū foki:

1. Totou Mataio 27:62-66 mo e 28:1-15.

   Magaaho ne liu fakatu mai a Iesu, puhala fe ne agahala ai e tau ekepoa ne mua, tau Farasaio, mo e tau patu ke he agaaga tapu? (Mata. 12:24, 31, 32; 28:11-15)

2. Totou Luka 24:1-12.

   Fakakite fēfē he tala ke he fakaliu tu mai ha Iesu kua onoono a Iehova ke he tau fifine ko e tau tagata fakamooli ke falanaki ki ai? (Luka 24:4, 9, 10; Mata. 28:1-7)

3. Totou Ioane 20:1-12.

   Lagomatai fēfē he Ioane 20:8, 9 a tautolu ke kitia e lata ke fakauka kaeke kua nakai maama katoatoa e tautolu e fakamooliaga he ha perofetaaga he Tohi Tapu? (Fakatai 4:18; Mata. 17:22, 23; Luka 24:5-8; Ioane 16:12)

Tala 103

1. Ko e heigoa ha Maria ne tala age ke he tagata ne manatu a ia ko e tagata gahua katene, ka ko e heigoa ati mailoga e ia ko Iesu mooli haia?

2. Ko e heigoa ne tupu ke he tokoua e tutaki hane o atu ke he maaga ko Emau?

3. Ko e heigoa e mena ofoofogia ne tupu he magaaho ne tala age he tau tutaki tokoua ke he tau aposetolo kua fitā e kitia e laua a Iesu?

4. Kua lagafiha ia e fakakite atu a Iesu ke he tau tutaki haana?

5. Ko e heigoa ha Toma ne talahau he logona e ia kua fitā he kitia he tau tutaki e Iki, ka ko e heigoa e mena ne tupu he valu e aho he mole?

Falu hūhū foki:

1. Totou Ioane 20:11-29.

   Talahau kia e Iesu he Ioane 20:23 kua kotofa ke he tau tagata ke fakamagalo e tau agahala? Fakamaama. (Sala. 49:2, 7; Isaia 55:7; 1 Timo. 2:5, 6; 1 Ioa. 2:1, 2)

2. Totou Luka 24:13-43.

   Maeke fēfē ia tautolu ke tauteute e tau loto ha tautolu ke talia e tau kupu mooli he Tohi Tapu? (Luka 24:32, 33; Esera 7:10; Mata. 5:3, NW; Gahua 16:14; Hepe. 5:11-14)

Tala 104

1. Tokofiha e tutaki ne kitia a Iesu he taha magaaho, ti ko e heigoa haana ne tala age ki a lautolu?

2. Ko e heigoa e Kautu he Atua, mo e to fēfē e lalolagi ka pule a Iesu ko e Patuiki ke he taha e afe tau?

3. Kua fiha e aho ne fakakite atu a Iesu ke he tau tutaki haana, ka ko e heigoa mogonei kua lata ia ia ke taute?

4. Ato toka e tau tutaki haana, ko e heigoa ne tala age e Iesu ki a lautolu ke taute?

5. Ko e heigoa kua tupu he fakatino, ti galo fēfē a Iesu?

Falu hūhū foki:

1. Totou 1 Korinito 15:3-8.

   Ko e ha ne maeke e aposetolo ke Paulo ke vagahau mauokafua hagaao ke he fakaliu tu mai ha Iesu, mo e ko e heigoa e tau mena kua maeke e tau Kerisiano he vahā nei ke talahau mauokafua ki ai? (1 Kori. 15:4, 7, 8; Isaia 2:2, 3; Mata. 24:14; 2 Timo. 3:1-5)

2. Totou Gahua 1:1-11.

   Holofa lahi fēfē e gahua fakamatala, tuga ne talahau tuai he Gahua 1:8? (Gahua 6:7; 9:31; 11:19-21; Kolo. 1:23)

Tala 105

1. Tuga ne fakakite i loto he fakatino, ko e heigoa kua tupu ke he tau tutaki ha Iesu ne kua fakatali i Ierusalema?

2. Ko e heigoa e mena fakaofo ne moua he tau tagata ahiahi ki Ierusalema?

3. Ko e heigoa ha Peteru ne fakamaama age ke he tau tagata?

4. Fēfē e logonaaga he tau tagata he mole e fanogonogo ki a Peteru, ti ko e heigoa ne tala age e ia ki a lautolu ke taute?

5. Tokofiha e tagata ne papatiso he aho ia he Penetekoso, 33 V.N.?

Falu hūhū foki:

1. Totou Gahua 2:1-47.

   1. (a) Fakakite fēfē he tau kupu ha Peteru he Gahua 2:23, 36 kua kaufakalataha e motu katoa ko Iuta ke he mateaga ha Iesu? (1 Tesa. 2:14, 15)

   2. (e) Fakatoka fēfē e Peteru e fakafifitakiaga mitaki he fakakakano mai he tau Tohiaga Tapu? (Gahua 2:16, 17, 29, 31, 36, 39; Kolo. 4:6)

   3. (i) Fakaaoga fēfē e Peteru e kei fakamua he “tau kei he kautu he lagi,” ne mavehe e Iesu ke age ki a ia? (Gahua 2:14, 22-24, 37, 38; Mata. 16:19)

Tala 106

1. Ko e heigoa ne tupu ki a Peteru mo Ioane he taha pale laā he o atu a laua ke he faituga?

2. Ko e heigoa ha Peteru ne tala age ke he tagata kulikuli, ti ko e heigoa ne age e Peteru ki a ia ne kua mua atu e uho ke he tupe?

3. Ko e ha e tau takitaki lotu ne ita ai, ti ko e heigoa ha lautolu ne taute ki a Peteru mo Ioane?

4. Ko e heigoa ha Peteru ne tala age ke he tau takitaki lotu, ti ko e heigoa e hatakiaga ne moua he tau aposetolo?

5. Ko e ha ne mahekeheke ai e tau takitaki lotu, ka ko e heigoa ne tupu he magaaho ne tuku e tau aposetolo he fale puipui ke lagauaaki?

6. Fēfē e tali he tau aposetolo he magaaho ne tamai ai ke he fale he Saneheturini?

Falu hūhū foki:

1. Totou Gahua 3:1-10.

   Pete kua nakai moua e tautolu e malolō ke taute e tau mana he vahā nei, lagomatai fēfē he tau kupu ha Peteru ne fakamau he Gahua 3:6 a tautolu ke loto fakaaue ke he uho he fekau he Kautu? (Ioane 17:3; 2 Kori. 5:18-20; Filipi 3:8)

2. Totou Gahua 4:1-31.

   Ka feleveia a tautolu mo e totokoaga he fekafekauaga, he puhala fe kua lata ia tautolu ke fifitaki ha tautolu a tau matakainaga Kerisiano he senetenari fakamua? (Gahua 4:29, 31; Efeso 6:18-20; 1 Tesa. 2:2)

3. Totou Gahua 5:17-42.

   Kua fakakite fēfē he falu tagata ne nakai ko e Tau Fakamoli he vahā fakamua mo e he vahā nei e mahani fakalatalata hagaao ke he gahua fakamatala? (Gahua 5:34-39)

Tala 107

1. Ko hai a Setefano, ti ko e heigoa ne lagomatai he Atua a ia ke taute?

2. Ko e heigoa ha Setefano ne talahau ati ita lahi ai e tau takitaki lotu?

3. Magaaho ne toho atu he tau tagata a Setefano ki fafo he maaga, ko e heigoa ha lautolu ne taute ki a ia?

4. I loto he fakatino, ko hai e fuata taane ne tu he tapa he tau tapulu?

5. Ato mate a ia, ko e heigoa ha Setefano ne liogi ki a Iehova?

6. He fifitaki ki a Setefano, kaeke ke taute he taha tagata e mena kelea ki a tautolu ko e heigoa ha tautolu kua lata ke taute?

Falu hūhū foki:

1. Totou Gahua 6:8-15.

   Ko e heigoa e tau lagatau fakavai he tau takitaki lotu ne taute he lali ke taofi e gahua fakamatala he Tau Fakamoli a Iehova? (Gahua 6:9, 11, 13)

2. Totou Gahua 7:1-60.

   1. (a) Ko e heigoa ne lagomatai a Setefano ke fakamaama fakamitaki e tala mitaki ki mua he Saneheturini, ti ko e heigoa ha tautolu ka ako mai he fakafifitakiaga haana? (Gahua 7:51-53; Roma 15:4; 2 Timo. 3:14-17; 1 Pete. 3:15)

   2. (e) Ko e heigoa e aga kua lata ia tautolu ke feaki ke lata mo e tau tagata totoko ke he gahua ha tautolu? (Gahua 7:58-60; Mata. 5:44; Luka 23:33, 34)

Tala 108

1. Ko e heigoa ne taute e Saulo he mole atu e tamate a Setefano?

2. He fina atu a Saulo ki Tamaseko, ko e heigoa e mena ofoofogia ne tupu?

3. Ko e heigoa ha Iesu ne tala age ki a Saulo ke taute?

4. Ko e heigoa e tau takitakiaga ne tala age e Iesu ki a Anania, ti maeke fēfē ia Saulo ke liu kitia foki?

5. Ko hai foki e higoa ha Saulo, ti fakaaoga fēfē a ia?

Falu hūhū foki:

1. Totou Gahua 8:1-4.

   Folafola fēfē e tua faka-Kerisiano ha ko e favaleaga ne hoko ke he fakapotopotoaga Kerisiano foou, ti ko e heigoa e mena tatai ne kua tupu ai he tau vahā foou nei? (Gahua 8:4; Isaia 54:17)

2. Totou Gahua 9:1-20.

   Ko e heigoa e kotofaaga ne tolu e vala ne fakakite e Iesu kua tokaloto e ia ma Saulo ke taute? (Gahua 9:15; 13:5; 26:1; 27:24; Roma 11:13)

3. Totou Gahua 22:6-16.

   Maeke fēfē a tautolu ke tuga a Anania, ti ko e ha kua aoga e mena nei? (Gahua 22:12; 1 Timo. 3:7; 1 Pete. 1:14-16; 2:12)

4. Totou Gahua 26:8-20.

   Puhala fe he liliuina ha Saulo ke he faka-Kerisiano kua eke mo fakamalolōaga ki a lautolu ne nakai talitonu e tau hoa mau? (Gahua 26:11; 1 Timo. 1:14-16; 2 Timo. 4:2; 1 Pete. 3:1-3)

Tala 109

1. Ko hai e tagata kua fakaveli fakafohifo he fakatino?

2. Ko e heigoa he agelu ne talahau ki a Konelio?

3. Ko e heigoa he Atua ne omoomoi a Peteru ke kitia he magaaho ne haia a ia i luga he tua fale ha Simona i Iopa?

4. Ko e ha ne tala age a Peteru ki a Konelio kua nakai lata a ia ke fakaveli fakafohifo mo e tapuaki ki a ia?

5. Ko e ha ne ofomate ai e tau tutaki Iutaia ne fakalataha mo Peteru?

6. Ko e heigoa e fakaakoaga aoga kua lata ia tautolu ke ako mai he aahi atu ha Peteru ki a Konelio?

Falu hūhū foki:

1. Totou Gahua 10:1-48.

   Ko e heigoa ne fakakite he tau kupu ha Peteru he Gahua 10:42 hagaao ke he gahua fakamatala he tala mitaki he Kautu? (Mata. 28:19; Mare. 13:10; Gahua 1:8)

2. Totou Gahua 11:1-18.

   Ko e heigoa e aga ne fakakite e Peteru he magaaho ne kitia maaliali ai e takitakiaga ha Iehova hagaao ke he tau tagata Motu Kehe, ti mumuitua fēfē a tautolu ke he fakafifitakiaga haana? (Gahua 11:17, 18; 2 Kori. 10:5; Efeso 5:17)

Tala 110

1. Ko hai e fuata taane he fakatino, nofo a ia i fe, ti ko hai e higoa he matua fifine mo e tupuna fifine haana?

2. Ko e heigoa ha Timoteo ne talahau he mogo ne hūhū a Paulo kua manako nakai a ia ke fakalataha mo Sila mo Paulo he gahua fakamatala ke he tau tagata he motu mamao?

3. Matakavi fe ne fakahigoa fakamua e tau tutaki ha Iesu ko e tau Kerisiano?

4. Tau maaga fe ne o atu a Paulo, Sila, mo Timoteo ki ai he toka e lautolu a Luseta?

5. Lagomatai fēfē e Timoteo a Paulo, ti ko e heigoa e tau hūhū kua lata e tau fuata ke hūhū ki a lautolu ni he vahā nei?

Falu hūhū foki:

1. Totou Gahua 9:19-30.

   Fakakite fēfē he aposetolo ko Paulo e lotomatala he feleveia a ia mo e totokoaga ke he tala mitaki? (Gahua 9:22-25, 29, 30; Mata. 10:16)

2. Totou Gahua 11:19-26.

   Puhala fe ne fakakite he tala ne fakamau he Gahua 11:19-21, 26 ko e agaaga ha Iehova kua fakahakohako mo e takitaki e gahua fakamatala?

3. Totou Gahua 13:13-16, 42-52.

   Fakakite fēfē he Gahua 13:51, 52 kua nakai fakaatā he tau tutaki e totokoaga ke fakalolelole a lautolu? (Mata. 10:14; Gahua 18:6; 1 Pete. 4:14)

4. Totou Gahua 14:1-6, 19-28.

   Puhala fe he talahauaga “ati tuku atu ai . . . a lautolu ke he Iki [Iehova]” ka lagomatai a tautolu ke fakatotoka e ha tupetupe lahi he lagomatai e tautolu a lautolu ne foou? (Gahua 14:21-23; 20:32; Ioane 6:44)

5. Totou Gahua 16:1-5.

   Puhala fe he fakamakai ha Timoteo ke omaoma ke he peritome kua fakakite e aoga he taute e ‘tau mena oti ha ko e vagahau mitaki’? (Gahua 16:3; 1 Kori. 9:23; 1 Tesa. 2:8)

6. Totou Gahua 18:1-11, 18-22.

   Ko e heigoa ne fakakite he Gahua 18:9, 10 hagaao ke he putoia fakatagata ha Iesu ke he takitaki he gahua fakamatala, ti ko e heigoa e mauokafua kua moua mai e tautolu he mena ia he vahā nei? (Mata. 28:20)

Tala 111

1. I loto he fakatino, ko hai e tama taane kua takoto he kelekele, ti ko e heigoa ne tupu ki a ia?

2. Ko e heigoa ha Paulo ne taute he mogo ne kitia e ia kua mate tuai e tama taane?

3. Ko e ō ki fe a Paulo mo Timoteo, mo lautolu kua fakatauō mo laua, ti ko e heigoa ne tupu he mogo ne tutū a lautolu i Mileto?

4. Ko e heigoa e hatakiaga ne tala age he perofeta ko Akapo ki a Paulo, ti tupu ai fēfē tuga ni ne talahau he perofeta?

Falu hūhū foki:

1. Totou Gahua 20:7-38.

   1. (a) Maeke fēfē ia tautolu ke fakatumau e “mea [mai] he toto he tau tagata oti,” tuga ne fakamau he tau kupu ha Paulo he Gahua 20:26, 27? (Eseki. 33:8; Gahua 18:6, 7)

   2. (e) Ko e ha kua lata e tau motua ke “taofi mau ke he kupu moli” ka fakaako? (Gahua 20:17, 29, 30; Tito 1:7-9; 2 Timo. 1:13)

2. Totou Gahua 26:24-32.

   Fakaaoga fēfē e Paulo e tuaga haana ko e tagata Roma ke fakamooli e kotofaaga ne moua e ia mai ia Iesu ke fakamatala? (Gahua 9:15; 16:37, 38; 25:11, 12; 26:32; Luka 21:12, 13)

Tala 112

1. Ko e heigoa ne tupu ke he toga ne heke ai a Paulo he mole fakatote ai he aelani ko Kereta?

2. Ko e heigoa ha Paulo ne tala age ki a lautolu he toga?

3. Ko e ha ne malona valavala ai e toga?

4. Ko e heigoa e tau poakiaga ne tala age he takitaki kautau ne leveki, ti tokofiha e tagata ne hohoko atu mo e hao ke he mataafaga?

5. Ko hai e higoa he aelani ne pē atu a lautolu ki ai, ti ko e heigoa ne tupu ki a Paulo he matutū hifo e matagi?

Falu hūhū foki:

1. Totou Gahua 27:1-44.

   Puhala fe kua fakamalolō e mauokafua ha tautolu ke he hakotika he fakamauaga he Tohi Tapu ka totou e tautolu e tala ke he fenoga ha Paulo ki Roma? (Gahua 27:16-19, 27-32; Luka 1:3; 2 Timo. 3:16, 17)

2. Totou Gahua 28:1-14.

   Ka maeke e tau tagata pouliuli ne nonofo i Melita ke leveki atu ke he aposetolo ko Paulo mo e tau tagata mai he toga ne pē mo e “lahi ni e fakaalofa,” ko e heigoa he tau Kerisiano ka omoomoi ke fakakite mo e mua atu ke he puhala fe? (Gahua 28:1, 2; Hepe. 13:1, 2; 1 Pete. 4:9)

Tala 113

1. Ko hai ne fakamatala a Paulo ki ai he magaaho ne pagotā a ia i Roma?

2. He fakatino, ko hai e tagata ahiahi he laulau, ti ko e heigoa haana kua taute ma Paulo?

3. Ko hai a Epaferoti, ti ko e heigoa haana ne uta mo ia he liu atu a ia ki Filipi?

4. Ko e ha ne tohia e Paulo e tohi ke he kapitiga tata haana ko Filemoni?

5. Ko e heigoa ha Paulo ne taute he magaaho ne fakatokanoa a ia, ti ko e heigoa ne tupu ki a ia he magaaho fakamui?

6. Ko hai ne fakaaoga e Iehova ke tohia e tau tohi fakahiku he Tohi Tapu, ti ko e heigoa kua talahau he tohi a Fakakiteaga?

Falu hūhū foki:

1. Totou Gahua 28:16-31 mo e Filipi 1:13.

   Fakaaoga fēfē e Paulo e magaaho haana he nofo pagotā i Roma, ti lauia fēfē e fakapotopotoaga Kerisiano ha ko e tua mauokafua haana? (Gahua 28:23, 30; Filipi 1:14)

2. Totou Filipi 2:19-30.

   Ko e heigoa e tau talahauaga he loto fakaaue ha Paulo hagaao ki a Timoteo mo Epaferoti, ti muitua fēfē a tautolu ke he fakafifitakiaga ha Paulo? (Filipi 2:20, 22, 25, 29, 30; 1 Kori. 16:18; 1 Tesa. 5:12, 13)

3. Totou Filemoni 1-25.

   1. (a) Fakavē ke he heigoa e tomatomaaga ha Paulo ki a Filemoni ke taute e mena kua hako, ti eke fēfē e mena nei mo takitakiaga he tau motua he vahā nei? (File. 9; 2 Kori. 8:8; Kala. 5:13)

   2. (e) Fakakite fēfē he talahauaga ha Paulo he Filemoni 13, 14 ne fakalilifu e ia e loto manamanatu he falu he fakapotopotoaga? (1 Kori. 8:7, 13; 10:31-33)

4. Totou 2 Timoteo 4:7-9.

   Tuga e aposetolo ko Paulo, maeke fēfē ia tautolu ke moua e mauokafua to palepale mitaki mai e Iehova a tautolu kaeke ke tua fakamooli tumau a tautolu ke hoko ke he fakaotiaga? (Mata. 24:13; Hepe. 6:10)

Tala 114

1. Ko e ha ne tutala e Tohi Tapu ke he tau nua i luga he lagi?

2. Ko e heigoa e matahigoa he tauaga he Atua mo e tau tagata kelea he lalolagi, ti ko e heigoa e kakano he tauaga nei?

3. Mai he fakatino, ko hai a Ia ka takitaki e tauaga, ko e ha ne pulou a ia he foufouiki, ti ko e heigoa e kakano he pelu haana?

4. He liu onoono ke he tala 10, 15, mo e 33, ko e ha kua nakai lata ia tautolu ke ofo to moumou he Atua e tau tagata kelea?

5. Fakakite mai fēfē he tala 36 mo e 76 to moumou he Atua e tau tagata kelea pete foki ka totoku a lautolu ke tapuaki ki a ia?

Falu hūhū foki:

1. Totou Fakakiteaga 19:11-16.

   1. (a) Fakakite fakamahino fēfē he tau kupu Tohi Tapu ko Iesu Keriso kua heke i luga he nua hina? (Fakakite. 1:5; 3:14; 19:11; Isaia 11:4)

   2. (e) Fakakite fēfē he toto ne fuifui he tapulu ha Iesu kua moolioli mo e katoatoa e kautūaga haana? (Fakakite. 14:18-20; 19:13)

   3. (i) Liga ko hai kua putoia ke he tau kautau ne mumui he tua ha Iesu mo e nua hina haana? (Fakakite. 12:7; 19:14; Mata. 25:31, 32)

Tala 115

1. Ko e heigoa e tau tuaga ne fakakite mai he Tohi Tapu ka olioli e tautolu he lalolagi Parataiso?

2. Ko e heigoa e maveheaga he Tohi Tapu ma lautolu ka momoui he Parataiso?

3. Magaaho fe ka eketaha a Iesu ke fakahoko mai e hikiaga ofoofogia nei?

4. Magaaho ne ha ha a Iesu he lalolagi, ko e heigoa haana ne taute ke fakakite e tau mena ka taute e ia ko e Patuiki he Kautu he Atua?

5. Ko e heigoa ha Iesu mo lautolu ka pule fakalataha mo ia he lagi ka eketaha ke taute he magaaho ka pule a lautolu ke he lalolagi mai he lagi?

Falu hūhū foki:

1. Totou Fakakiteaga 5:9, 10.

   Ko e ha kua mauokafua a tautolu ko lautolu ka pule ke he lalolagi he Pule Afe Tau ko e tau patuiki mo e tau ekepoa kua totonu mo e fakaalofa hofihofi noa? (Efeso 4:20-24; 1 Pete. 1:7; 3:8; 5:6-10)

2. Totou Fakakiteaga 14:1-3.

   Ko e heigoa e kakano kua tohi ai e higoa he Matua mo e higoa he Punua Mamoe ke he tau matalē ha lautolu ne 144,000? (1 Kori. 3:23; 2 Timo. 2:19; Fakakite. 3:12)

Tala 116

1. Ko e heigoa ha tautolu kua lata ke iloa kaeke kua manako a tautolu ke momoui tukulagi?

2. Maeke fēfē a tautolu ke fakaako hagaao ki a Iehova ko e Atua mo Iesu, tuga ne fakakite he tama fifine tote mo e tau kapitiga haana i loto he fakatino?

3. Ko e heigoa foki taha tohi kua kitia e koe i loto he fakatino, ti ko e ha kua lata ia tautolu ke totou tumau ai?

4. Lafi ke he fakaako hagaao ki a Iehova mo Iesu, ko e heigoa foki kua lata ai ke moua e moui tukulagi?

5. Ko e heigoa e fakaakoaga ka ako e tautolu mai he Tala 69?

6. Ko e heigoa kua fakakite he fakafifitakiaga mitaki he tama tote ko Samuela ne fakakite he Tala 55?

7. Maeke fēfē ia tautolu ke muitua e fakafifitakiaga ha Iesu Keriso, ti ka taute pihia e tautolu, ko e heigoa ka maeke ia tautolu ke taute he vahā anoiha?

Falu hūhū foki:

1. Totou Ioane 17:3.

   Fakakite fēfē he tau Tohiaga Tapu ko e fakaako hagaao ki a Iehova ko e Atua mo Iesu Keriso kua lata ke mahomo atu ke he ako manatu noa ni he tau tala mooli? (Mata. 7:21; Iako. 2:18-20; 1 Ioa. 2:17)

2. Totou Salamo 145:1-21.

   1. (a) Ko e heigoa e falu he tau kakano loga ati fakaheke ai e tautolu a Iehova? (Sala. 145:8-11; Fakakite. 4:11)

   2. (e) Puhala fe ha Iehova kua ‘mahani mitaki ke he tau mena oti,’ ti lata ke fakatata fakalahi fēfē ai a tautolu ki a ia? (Sala. 145:9; Mata. 5:43-45)

   3. (i) Kaeke kua ofania lahi e tautolu a Iehova, ko e heigoa ha tautolu ka omoomoi ke taute? (Sala. 119:171, 172, 175; 145:11, 12, 21)