Manamanatu ke he mena kua fitā he iloa he tau tagata fanogonogo haau. He nakai fatiaki noa e tau mena ne logona e lautolu fakamua, lagomatai a lautolu ke onoono ke he matakupu he puhala foou.

Kumikumi mo e manamanatu fakahokulo. Ke fakatai e tau matapatu manatu, putoia e fakaaoga he tau vala tala ne nakai mahani lahi po ke tau mena tutupu foou. Ka e manamanatu fakahokulo ke felauaki ai mo e vala tala.

Fakakite e aoga he fekau haau. Fakamaama e puhala ka lagomatai he tau manatu he Tohi Tapu e tau tagata fanogonogo ke he tau momoui ha lautolu he tau aho takitaha. Fakatutala ke he falu he tau tutūaga, tau aga, mo e tau mahani ne aoga ke he tau tagata fanogonogo haau.