FAKAAKOAGA 19
Lali ke Hokotia ke he Loto
Tau Fakatai 3:1
MENA KE TAUTE: Lagomatai e tau tagata fanogonogo ke loto fakaaue ke he mena kua fakaako mo e gahua ki ai.
PUHALA KE TAUTE AI:
-
Lagomatai e tau tagata fanogonogo ke kumikumi hifo ki a lautolu ni. Hūhū e tau hūhū ke tali he tagata ki a ia ni ti lagomatai e toloaga haau ke kumikumi hifo ke he tau logonaaga ni ha lautolu.
-
Omoomoi ke he tau logonaaga mitaki. Tomatoma e tau tagata fanogonogo ke liu onoono ke he kakano kua taute e lautolu e tau gahua mitaki. Lagomatai a lautolu ke feaki e tau logonaaga mitaki he fakaalofa ki a Iehova, ke he tau matakainaga, mo e fiafia ke he tau fakaakoaga he Tohi Tapu. Fakakite e kakano ke he tau tagata fanogonogo haau; ua togā a lautolu. Ua fakamā a lautolu, ka e lagomatai ke atihake ka oti e tutala haau, ti omoomoi a lautolu ke eketaha ke taute e mena mitaki.
-
Onoono atu ki a Iehova. Fakamaama e puhala he tau matapatu fakaakoaga he Tohi Tapu, mo e tau poakiaga kua fakakite e tau mahani he Atua mo e haana fakaalofa ki a tautolu. Feaki ke he tau tagata fanogonogo e manako ke manamanatu ke he tau logonaaga ha Iehova mo e ke fakafiafia a Ia.