1 Nofoaga he Tau Patuiki 24:1-31
24 KO e tau vahega hanai he fanau a Arona. Ko e tau tama tane a Arona; ko Natapu, mo Avihu, ko Eleasaro, mo Itamaro.
2 Ne mamate a Natapu mo Avihu, ka e moui agaia e matua tane ha laua; kua nakai fai tama a laua; ti eke ai e Eleasaro mo Itamaro e feua he tau ekepoa.
3 Ne kotofa e Tavita a Satoka mai he fanau a Eleasaro, mo Ahimeleke mai he fanau a Itamaro, ke lata mo e kotofaaga ha laua ke he tau gahua ha laua.
4 Ne mua he tokologa e tau tui ne mua ne moua ke he fanau a Eleasaro, ke he fanau a Itamaro; ko e tau vahega ha lautolu hanai. Ne toko hogofulu ma ono e tau tui ne mua he fanau a Eleasaro he tau magafaoa he tau matua tane ha lautolu, ka e tokovalu he fanau a Itamaro he tau magafaoa he tau matua tane ha lautolu.
5 Ne kotofa a lautolu ke he vili, ko e taha vahega mo e taha vahega; ha ko e mena ha ha i ai a lautolu ne pule ke he faituga, mo lautolu ne pule ke he tau mena he Atua, mai he fanau a Eleasaro mo e fanau a Itamaro a lautolu.
6 Ko Semaia ko e tama a Natanielu ko e tohikupu, ko e tagata Levi, ne tohi e ia a lautolu ki mua he patuiki, ki mua foki he tau iki, mo Satoka ko e ekepoa, mo Ahimeleke ko e tama a Aviata, mo e tau tui ne mua he tau ekepoa, mo e tau tagata Levi; ne ta mai ai he tau magafaoa he tau matua tane ko e taha ma Eleasaro, ko e taha foki ne ta mai ma Itamaro.
7 Ne hagao atu e vili fakamua kia Iehoaripa, ko e vili ne ua aki kia Ietaia,
8 Ko e vili ne tolu aki kia Harima, ko e vili ne fa aki kia Siorima,
9 Ko e vili ne lima aki kia Malekia, ko e vili ne ono aki kia Meamina,
10 Ko e vili ne fitu aki kia Hakosa, ko e vili ne valu aki kia Avia,
11 Ko e vili ne hiva aki kia Iesua, ko e vili ne hogofulu aki kia Sakania,
12 Ko e vili ne hogofulu ma taha aki kia Eliasipa, ko e vili ne hogofulu ma ua aki kia Iakima,
13 Ko e vili ne hogofulu ma tolu aki kia Hupa, ko e vili ne hogofulu ma fa aki kia Iesepeapo,
14 Ko e vili ne hogofulu ma lima aki kia Pileka, ko e vili ne hogofulu ma ono aki kia Imere,
15 Ko e vili ne hogofulu ma fitu aki kia Hesira, ko e vili ne hogofulu ma valu aki kia Hafisesi,
16 Ko e vili ne hogofulu ma hiva aki kia Petakia, ko e vili ne uafulu aki kia Esekielu,
17 Ko e vili ne uafulu ma taha aki kia Iakina, ko e vili ne uafulu ma ua aki kia Kamula,
18 Ko e vili ne uafulu ma tolu aki kia Tilaia, ko e vili ne uafulu ma fa aki kia Maasia.
19 Ko e kotofaaga ha lautolu ia ke he tau gahua ha lautolu ke o atu ke he fale a Iehova, ke lata mo e mahani ha lautolu mai ia Arona ha lautolu a matua, tuga ne poaki mai kia ia e Iehova ko e Atua a Isaraela.
20 Ko lautolu hanai ne toe he fanau a Levi; mai he tau tama tane a Amaramo, ko Supaelu; mai he tau tama tane a Supaelu, ko Ietaia.
21 Ko Rehapea; ko e tau tama foki a Rehapea, ko Isea ko e iki.
22 Ko e fanau a Isara; ko Silomita; ko e tama a Silomita, ko Iata.
23 Ko e tau tama a Heperona, ko Ieria ko e iki, ko Amaria ne tokoua aki, ko Iahasielu ne tokotolu aki, ko Ikamamo ne tokofa aki.
24 Ko e tama a Usialu, ko Mika; ko e tama a Mika ko Samira.
25 Ko e matakainaga a Mika, ko Isea; ko e tama a Isea, ko Sakaria.
26 Ko e tau tama a Merari, ko Mahali, mo Muse; ko e tama a Iaasia ko Peno.
27 Ko e tau tama a Merari ne tupu mai ia Iaasia, ko Peno, mo Sohama, mo Sakuro, mo Iperi.
28 Ko Mahali, ko e tama hana ko Eleasaro, kua nakai fai tama a ia.
29 Ko Kiso; ko e tama a Kiso, ko Ieramaelu.
30 Ka ko e tau tama a Muse, ko Mahali, mo Eteru, mo Ieremota. Ko e fanau ia he tau tagata Levi, ke lata mo e magafaoa he tau matua tane ha lautolu.
31 Ne eke foki e lautolu e vili, tuga ne tau matakainaga ha lautolu ko e fanau a Arona ki mua he patuiki ko Tavita, mo Satoka, mo Ahimeleke, mo e tau tui ne mua he tau ekepoa, mo e tau tagata Levi, ko e tau tui ne mua katoa mo e tau matakainaga fakamui ha lautolu.