1 Nofoaga he Tau Patuiki 26:1-32
26 KO e tau vahega he tau tagata leoleo gutuhala. Mai he tau tagata Koru, ko Meselemia, ko e tama tane a Kore, mai he fanau a Asafo.
2 Ko e tau tama tane a Meselemia; ko Sakaria ko e tama uluaki, ko Ietielu ne tokoua aki, ko Sepatia ne tokotolu aki, ko Iatanielu ne tokofa aki,
3 Ko Elama ne tokolima aki, ko Iohanana ne tokoono aki, ko Elionai ne tokofitu aki.
4 Ko e tau tama tane a Opeta-etoma; ko Semaia ko e tama uluaki, ko Iosapa ne tokoua aki, ko Ioaha ne tokotolu aki, ko Sakaru ne tokofa aki, mo Natanielu ne tokolima aki.
5 Ko Amueli ne tokoono aki, ko Isakara ne tokofitu aki, ko Pulati ne tokovalu aki; ha kua fakamonuina he Atua a ia.
6 Ne fanau ai foki e tau tama tane ke he tama hana ko Semaia, ne pule a lautolu ke he magafaoa he matua tane ha lautolu; ha ko e tau tagata malolo a lautolu.
7 Ko e tau tama tane a Semaia; ko Oteni, mo Refaelu, mo Opeta, ko Elesapata, ko e tau matakainaga hana ko e tau tagata malolo, ko Elihu, mo Semakia.
8 Ko lautolu oti na he fanau a Opetaetoma; ko lautolu, mo e tau tama tane ha lautolu, mo e tau matakainaga ha lautolu, ko e tau tagata malolo a lautolu ke he gahua, ne tokoonogofulu ma ua e tagata a Opeta-etoma.
9 Ha ha ia Meselemia foki e tau tama tane mo e tau matakainaga, ko e tau tagata malolo ne tokohogofulu ma valu a lautolu.
10 Ko Hosa foki he tau tama tane a Merari, ha ha ia ia e tau tama tane; ko Semeri ko e tui, nakai ko e tama uluaki a ia, ka e kotofa he matua tane a ia ke eke mo tui.
11 Ko Hilikia ne tokoua aki a ia, ko Tipelia ne tokotolu aki, ko Sakaria ne tokofa aki; ko e tau tama tane ori mo e tau matakainaga a Hosa ne tokohogofulu ma tolu a lautolu.
12 Ha ha ia lautolu e tau vahega he tau tagata leoleo gutuhala, ko e tau tui ne mua, ko e tau tagata ne kotofa tuga ne tau matakainaga ha lautolu ke fekafekau ai ke he fale a Iehova.
13 Ne eke e lautolu e vili, ma e tau tagata fakamui, katoa mo e tau tagata fakamua, ke he tau magafaoa he tau matua ha lautolu, ma e taha gutuhala mo e taha gutuhala.
14 Ko e vili ma e fahi uta ne hagao ia kia Selemia. Ti eke ai e lautolu e vili ma e tama hana ko Sakaria, ko e pule pulotu a ia, ne hagao hana kotofaaga ke he fahi tokelau.
15 Ne hagao atu kia Opeta-etoma ke he fahi toga, mo e hana tau tama tane ke he fale ne tatanaki ai e tau mena.
16 Ne hagao atu kia Supima mo Hosa ke he fahi lalo, ma e gutuhala a Saleketa, ke he puhala tu ne hake ai, ko e leoleoaga kua fakafehagai mo e leoleoaga.
17 Ne tokoono e tagata Levi ke he fahi uta, ne takitokofa he aho ke he fahi tokelau, ti takitokofa he aho ke he fahi toga; mo e tokoua ne fetogiaki mo e tokoua ke he fale ne tatanaki ai e tau mena.
18 Ha ha i Paravara ke he fahi lalo, ko e tokofa ke he puhala tu, ti tokoua i Paravara.
19 Ko e tau vahega haia he tau leoleo gutuhala, ne tokai ke he fanau a Koru, mo e fanau a Merari.
20 Ko e tau tagata Levi; ko Ahia ne leveki e tau koloa he fale he Atua, mo e tau koloa kua fakatapu.
21 Ko e tau tama tane a Latana, ko e tau tama he tau tagata Keresona ia Latana, ko e tui ne mua, mai ia Latana foki he tau tagata Keresona, a Ikieli.
22 Ko e tau tama tane a Ikieli; ko Satama, mo e matakainga hana ko Ioelu ne leveki e tau koloa he fale a Iehova.
23 Ko e tau tagata Amaramo, mo e tau tagata Isara, mo e tau tagata Heperona, mo e tau tagata Usieli;
24 Ko Supaelu foki ko e tama a Keresoma, ko e tama ia a Mose, ko e iki a ia kia lautolu ne leveki e tau koloa.
25 Ko e tau matakainaga hana foki ko e fanau a Eleisera; ko Rehapea hana tama, mo Isaia hana tama, mo Ioramo hana tama, mo Sikeri hana tama, mo Silomita hana tama.
26 Ko Silomita na mo e hana tau matakainaga ne leveki e tau koloa tapu oti, ne fakatapu he patuiki ko Tavita, mo e hana tau tui ne mua, ko e tau iki he tau takiafe, mo e tau iki he tau takiteau, mo e tau takitaki kau.
27 Ne fakatapu e lautolu e tau mena mai he tau, mo e tau mena ne moua he tau ke eke aki e fale a Iehova.
28 Ko e tau mena oti ne fakatapu e Samuela ko e tagata kitekite, mo Saulo ko e tama a Kiso, mo Apineru ko e tama a Neru, mo Ioapo ko e tama a Seruia; ko e tau mena oti ne fakatapu ne leveki e Silomita mo e hana tau matakainaga.
29 Ko e tau tagata Isara; ko Kenania mo e hana tau matakainaga ne kotofa ke he tau gahua ne lata ai mo e kautu a Isaraela, ne eke a lautolu mo tau takitaki mo e tau fakafili.
30 Ko e tau tagata Heperona; ko Hasapea mo e hana tau matakainaga, ko e tau tagata malolo, ne taha e afe mo e fitu e teau ne pule kia Isaraela ke he fahi mai nai a Ioritana ki lalo ke he tau gahua oti a Iehova, katoa foki mo e tau fekau he patuiki.
31 Ko Ieria, ko e tui ne mua a ia he tau tagata Heperona, ko e tau tagata Heperona ke lata mo e tau hau ha lautolu he tau magafaoa he tau matua. Ko e tau tau fagofulu he patuiki ai a Tavita, ne kumi kia lautolu, ti moua ai ia lautolu e tau toa malolo, i Iasaru i Kiliata.
32 Ko e tau matakainaga hana foki, ko e tau tagata malolo, ne ua e afe ti fitu e teau tagata, ko e tau tui ne mua, ne kotofa he patuiki ko Tavita a lautolu ke pule ke he tau tagata Reupena, mo e tau tagata Kato, mo e taha veveheaga he magafaoa a Manase, ke he tau mena oti he Atua katoa mo e tau mena he patuiki.