1 Nofoaga he Tau Patuiki 27:1-34
27 KO e fanau a Isaraela ke lata mo e tau tagata ha lautolu he totou, ko e tau tui ne mua, mo e tau iki he tau takiafe, mo e tau iki he tau taki teau, mo e tau takitaki ha lautolu ne fekafekau ke he patuiki ke he tau mena oti he tau vahega, ne o mai fetogiaki a lautolu ke he taha mahina mo e taha mahina ke he tau mahina oti he tau, ne taki uafulu e afe ti fa e afe tagata he tau vahega.
2 Ne pule a Iasapama ko e tama a Sapatielu ke he vahega fakamua he mahina fakamua. Ha ha i ai ke he vahega hana uafulu e afe ti fa e afe tagata.
3 Ko e taha he fanau a Faresa a ia, ko e iki ne mua a ia he tau takitaki kau oti he mahina fakamua.
4 Ne pule foki a Toto ko e tama a Akoki ke he vahega he ua mahina, ha i ai foki ke he vahega hana e iki ko Mekelota. Ha ha i ai ke he vahega hana uafulu e afe ti fa e afe tagata.
5 Ko Penaia ko e tama a Iehoiata, ko e ekepoa, ko e tui ne mua a ia, ko e takitaki kau ne, tokotolu aki a ia ke he tolu mahina. Ha ha i ai foki ke he vahega hana uafulu e afe ti fa e afe tagata.
6 Ko Penaia hanā, ko e toa a ia he tokotolugofulu, ne pule foki a ia ke he tokotolugofulu. Ha i ai foki ke he hana vahega hana tama ko Amisapata.
7 Ko e takitaki kau ne tokofa aki ke he fa mahina, ko Asaelu ko e matakainaga a Ioapo a ia, ka ko e tama hana ko Sepetia ne mui age kia ia. Ha ha i ai foki ke he vahega hana uafulu e afe ti fa e afe tagata.
8 Ko e takitaki kau ne tokolima aki ke he lima mahina, ko Sama ko e tagata Esera. Ha ha i ai foki ke he hana vahega uafulu e afe ti fa e afe tagata.
9 Ko e takitaki kau ne tokoono aki ke he ono mahina, ko Ira ko e tama a Ikesa ko e tagata Tikoa. Ha ha i ai foki ke he vahega hana ua e afe ti fa e afe tagata.
10 Ko e takitaki kau ne tokofitu aki ke he fitu mahina, ko Helesa ko e tagata Pelone ko e taha he fanau a Efaraimo. Ha ha i ai foki ke he hana vahega uafulu e afe ti fa e afe tagata.
11 Ko e takitaki kau ne tokovalu aki ke he valu mahina, ko Sipekai ko e tagata Usa, ko e taha he tau tagata Sarā. Ha he i ai foki ke he vahega hana uafulu e afe ti fa e afe tagata.
12 Ko e takitaki kau ne tokohiva aki ke he hiva mahina, ko Apiesera ko e tagata Anatota, ko e taha he tau tagata Peniamina. Ha ha i ai foki ke he vahega hana uafulu e afe ti fa e afe tagata.
13 Ko e takitaki kau ne tokohogofulu aki ke he hogofulu mahina, ko Maharai ko e tagata Netopā, ko e taha he tau tagata Sarā. Ha ha i ai foki ke he vahega hana uafulu e afe ti fa e afe tagata.
14 Ko e takitaki kau ne tokohogofulu ma taha aki ke he mahina hogofulu ma taha, ko Penaia ko e tagata Piratonu, ko e taha he tau tagata Efaraimo. Ha ha i ai foki ke he vahega hana uafulu e afe ti fa e afe tagata.
15 Ko e takitaki kau ne tokohogofulu ma ua aki ke he mahina hogofulu ma ua, ko Heletai ko e tagata Netopā, ko e taha he tau tagata Otinielu. Ha ha i ai foki ke he vahega hana uafulu e afe ti fa e afe tagata.
16 Ko e tau pule foki ke he tau magafaoa a Isaraela, ko e iki he tau tagata Reupena, ko Elisara ko e tama a Sikeri; ko e iki he tau tagata Simeona, ko Safatiao ko e tama a Maaka;
17 Ko e iki he magafaoa a Levi, ko Hasapea ko e tama a Kemueli; ko e iki he magafaoa a Arona, ko Satoka;
18 Mai he magafaoa a Iuta, ko Elihu, ko e taha ia he tau matakainaga a Tavita; mai he magafaoa a Isakara, ko Omeri, ko e tama a Mekaeli;
19 Mai he magafaoa a Sepulona, ko Iesemaia, ko e tama a Opetaia; mai he magafaoa a Nafatali, ko Ieremoto ko e tama a Asarielu;
20 Mai he magafaoa a Efaraimo, ko Hosea ko e tama a Asasau; mai he taha veveheaga he magafaoa a Manase, ko Ioelu ko e tama a Petaia;
21 Mai he taha veveheaga he fanau a Manase i Kiliata, ko Ito ko e tama a Sakaria; mai he magafaoa a Peniamina, ko Iasielu ko e tama a Apineru;
22 Mai he magafaoa a Tano, ko Asarielu ko e tama a Ierohama. Ko e tau iki haia he tau magafaoa a Isaraela.
23 Ka e nakai totou e Tavita a lautolu ne uafulu ha lautolu a tau tau, mo lautolu ne tatao hifo ai; he pehe mai a Iehova to fakatokologa ai e ia a Isaraela ke tuga ne tau fetu he lagi.
24 Ne kamata ai e Ioapo ko e tama a Seruia ke totou, ka e nakai fakaoti ai e ia; ha ko e mena na ne hoko mai ai e ita kia Isaraela, ti nakai tohi foki e katoatoa he tau tagata ne totou ke he tohi ne tohi ai e tala ke he tau aho he Patuiki ko Tavita.
25 Ko Asemaveta ko e tama a Atielu ne leveki e tau koloa he patuiki; ko e tau tatanakiaga foki he tau mena kai ne toka ai ke he tau fonua, mo e tau maga, mo e tau maga ikiiki, mo e tau kolo, ne leveki ai e Ionatana ko e tama a Usia;
26 Ne pule a Eseri ko e tama a Kelupo kia lautolu ne eke gahua ke he fonua, ko lautolu ne gahua ai ke he kelekele;
27 Ne leveki e Semi ko e tagata Rama e tau uluvine; ko Sapata ko e tagata Sifana ne leveki e ia e tau fua vine ne tuku ai ke he tau mena ne toka ai e uaina.
28 Ko Paala-hanana ko e tagata Keteri, ne leveki ai e ia e tau akau ko e tau olive, mo e tau akau ko e tau sukamora ke he tau mena toka ai e puke lolo;
29 Ne leveki e Sitari ko e tagata Sarona e tau povi ne totolo i Sarona; ko Safata ko e tama a Atalai foki ne leveki e tau povi ha ha he tau pahua;
30 Ne leveki e Opili ko e tagata Isamaeli e tau kamela; ko Ietaia ko e tagata Merona ne leveki e ia e tau asini;
31 Ne leveki e Iasisi ko e tagata Hakara e tau mamoe. Ko e tau iki oti ne leveki e tau koloa he patuiki ko Tavita.
32 Ko Ionatana ko e matakainaga he matua tane a Tavita, ko e pule, ko e tagata pulotu, ko e tohikupu foki a ia; ko Ikielu ko e tama a Hakemoni ne ha i ai a ia mo e tau tama tane he patuiki;
33 Ko Aitofele foki ko e pule a Tavita; ko Husai ko e tagata Araki ko e kapitiga a ia he patuiki.
34 Ti mumui age kia Aitofele a Iehoiata ko e tama a Penaia, mo Aviata; ko Ioapo foki ko e iki ne pule ke he tau kau he patuiki haia.