1 Nofoaga he Tau Patuiki 4:1-43
4 KO e tau tama tane a Iuta; ko Faresa, ko Hesarona, mo Karame, mo Huro, mo Sovala.
2 Ne fanau e Reaia ko e tama tane a Sovala a Iahata; ne fanau e Iahata, a Ahumai, mo Lahata, ko e tau magafaoa he tau tagata Soraa haia.
3 Ko lautolu hanai ko e tau tama tane he matua tane a Etama, ko Isereelu, mo Isema, mo Itapasa; ko e higoa foki he mahakitaga ha lautolu ko Hatileponi;
4 Ko Penueli foki ko e matua tane a Ketori, mo Esera ko e matua tane a Husa. Ko e tau tama tane ia a Huro, ko e tama uluaki a Efarata, ko e matua tane a Petelehema.
5 Ko Asura foki ko e matua tane a Tikoa ne tokoua e hoana hana, ko Helea, mo Naara.
6 Ne fanau e Naara kia ia a Akusama, mo Heferu, mo Timani, mo Hakasatari; ko e fanau ia a Naara.
7 Ko e tau tama tane a Helea, ko Sarata, mo Soaro, mo Atenano.
8 Ne fanau e Kosa a Anuva, mo Sopepa, mo e tau magafaoa a Akarahela ko e tama a Haruma.
9 Ne mua e lilifu a Iapesa ke he hana tau matakainaga; ne ui foki he matua fifine hana a ia ko Iapesa, ne pehe a ia, Ne fanau e au a ia mo e mamahi.
10 Ne ui atu a Iapesa ke he Atua a Isaraela, kua pehe atu, Kia fakamonuina mai e koe au mo e fakalaulahi ai e koe haku a kelekele, kia ha ha ia au foki hau a lima, mo e laveaki mai e koe au he mena kelea, neke mamahi ai au. Ti eke ai he Atua mānā e mena ne ole ai e ia.
11 Ne fanau e Kalupo ko e matakainaga a Sua a Mekira, ko e matua tane a ia a Esitonu.
12 Ne fanau e Esitonu a Peterafa, mo Pasea, mo Tikina ko e matua tane a Irenehasa. Ko e tau tagata Raka hanā.
13 Ko e tau tama tane a Kenasi; ko Otinielu mo Seraia; ko e tama tane a Otinielu ko Hatata.
14 Ne fanau foki e Meonotai a Ofira; ne fanau e Seraia a Ioapo, ko e tupuna a ia he tau tagata he pahua he tau tufuga; ha ko e tau tufuga a lautolu.
15 Ko e tau tama tane a Kalepa ko e tama a Iefuna; ko Iru, ko Ela, mo Naama; ko e tane foki a Ela ko Kenasi ni
16 Ko e tau tama tane a Iehaleelu ko Sifi, mo Sifaha, ko Tiria, mo Asareelu.
17 Ko e tau tama tane foki a Esera, ko Ieteru, mo Mereta, mo Eferu, mo Ialona. Ne fanau e ia a Miriama, mo Samai, mo Isapeka ko e matua tane a Esitamoa.
18 Ka ko e hoana hana ko e fifine he magafaoa a Iuta ne fanau e ia a Iereta, ko e matua tane a Ketoro, mo Keveru ko e matua tane a Soko, mo Iekutielu ko e matua tane a Sanoa. Ko e fanau ia a Pitia ko e tama fifine a Farao, ne uta ai e Mereta mo hoana hana.
19 Ko e tau tama tane he hoana a Hotia ko e mahakitaga a Naama, ko e matua tane a Kaila ko e tagata Karami, mo Esitamoa ko e tagata Maaka.
20 Ko e tau tama tane a Simona; ko Amanono, mo Rina, mo Penikanana, mo Tilona. Ko e tau tama tane foki a Isai; ko Soketa, mo Penisoketa.
21 Ko e tau tama tane a Sila ko e tama a Iuta; Ko Eru ko e matua tane a Lekaha, mo Laata ko e matua tane a Maresa, mo e tau tagata he tau magafaoa ha lautolu ne eke e tau ie lino ko e tau tagata he magafaoa a Asapea.
22 Ko Iokima foki mo e tau tagata Koseva, mo Ioasa, mo Sarafa ne pule a laua i Moapi, mo Iasuvilehema. Ko e tau mena tuai haia.
23 Ko e tau tagata eke kapiniu kelekele hanā, mo lautolu ne nonofo i Netaima mo Ketere. Ne nonofo a lautolu mo e patuiki ke eke hana tau gahua.
24 Ko e tau tama tane a Simeona, ko Nemuela, mo Iaminu, ko Iaripa, ko Saraha, ko Saulo.
25 Ko e tama hana ko Saluma, ko e tama hana ko Mipesama, ko e tama hana ko Misema.
26 Ko e tama a Misema; ko e hana tama ko Hamuelu, ko e tama hana ko Sakuro, ko e tama hana ko Semi.
27 Ko e tau tama tane a Semi ne tokohogofulu ma ono, ti tokoono foki e tama fifine hana; ka e nakai fai tama tokologa e tau matakainaga hana, nakai tolotologa ai e tau magafaoa oti ha lautolu tuga ne fanau a Iuta.
28 Ne nonofo a lautolu i Peresepa, mo Molata, mo Asara-suala,
29 Mo Pala, mo Asema, mo Tolata,
30 Mo Petueli, mo Horema, mo Tikelaka,
31 Mo Petemarekapota, mo Hatara-susa, mo Petepirei, mo Saaraima. Ko e tau maga ha lautolu haia, ke hoko ke he vaha ne patuiki ai a Tavita.
32 Ko e tau maga ikiiki ha lautolu, ko Etama, mo Aino, ko Rimoni, mo Tokena, mo Asana, ne lima e maga ia;
33 Ko e tau maga ikiiki oti ne agaagai ai ke he tau maga ia ke hoko atu ki Paala. Ko e tau maga ia ne nonofo ai a lautolu, ha ha ia lautolu foki e tau tohi he matohiaga ha lautolu.
34 Ko Mesopapa foki, mo Iameleke, mo Iosa ko e tama a Amasia,
35 Ko Ioelu foki, mo Iehu ko e tama a Iosivia, ko e tama a ia a Seraia, ko e tama a ia a Asielu,
36 Ko Elioenai foki, mo Iaakopa, mo Iesokaia, mo Asaia, mo Atielu, mo Isimielu, mo Penaia,
37 Ko Sisa foki ko e tama a Sepi, ko e tama a Aluna, ko e tama a Ietaia, ko e tama a Simeri, ko e tama a Semaia.
38 Ko lautolu na kua talahau ai ke he tau higoa ha lautolu, ko e tau iki a lautolu he tau magafaoa ha lautolu; ne tolotologa lahi ni e tau magafaoa he tau matua tane ha lautolu.
39 Ti o atu a lautolu ke he puhala kua fina atu ai ki Ketoru, ke he faahi atu he pahua, ke kumi ai e tau mena kai ma e tau fuifui mamoe ha lautolu.
40 Ti moua ai e lautolu e mena ne toka ai e tau vao mui loga mo e mitaki, ne laulahi foki e kelekele, ne nonofo fakatekiteki ai mo e mafola; he nonofo fakamua e tau tagata Hamo ke he mena ia.
41 Ne o age a lautolu na ne tohi ha lautolu a tau higoa, ke he vaha ia Hesekia ko e patuiki a Iuta, ti moumou e lautolu ha lautolu a tau fale ie, mo e keli e lautolu e tau tagata Meona, ne moua ai e lautolu he mena ia, ne fakaoti e lautolu a lautolu ke hoko mai ke he vaha nai, kua nonofo ai a lautolu mo e eke ma lautolu e motu; he ha ha i ai e tau mena kai ke lata mo e tau fuifui mamoe ha lautolu.
42 Ne o atu foki falu ia lautolu, ko e fanau a Simeona, ko e tau tagata ne lima e teau, ke he mouga ko Seira, ko e tau takitaki kau ha lautolu hanai, ko Peletia, mo Nearia, mo Refaia, mo Usialu, ko e tau tama a Isai.
43 Ti keli e lautolu e tau tagata Amaleka ne toe, ko lautolu ne hao; ti nonofo ai a lautolu he mena ia ke hoko mai ke he aho nai.