Amosa 2:1-16
2 NE tolu e holifono a Moapi, ti fa foki, to nakai liliu kehe ai e au hana fakahala; he huhunu e ia e tau hui atua he patuiki a Etoma ti eke ai mo puga.
2 Ka to tuku atu e au e afi ki Moapi, ti fakaoti ai e tau fale iki i Kiriota; ti mate a Moapi mo e go lahi, mo e kalaga, mo e leo he pu.
3 To fakaoti e au e fakafili ha ha i ai he mena ia, to kelipopo e au fakalataha mo ia e tau iki oti, kua pihia mai a Iehova.
4 Kua pehe mai e vagahau a Iehova, Ne tolu e holifono a Iuta, ti fa foki, to nakai liliu kehe ai e au hana fakahala; ha kua tiaki e lautolu e tau poakiaga a Iehova, ti nakai omaoma foki a lautolu ke he hana tau fakatufono; ne fakahehe ai a lautolu he tau mena pikopiko ha lautolu, ne mumui atu ki ai e tau matua ha lautolu.
5 Ka to tuku atu e au e afi kia Iuta, ti fakaoti ai e tau fale iki i Ierusalema.
6 Kua pehe mai e vagahau a Iehova, Ne tolu e holifono a Isaraela, ti fa foki, to nakai liliu kehe ai e au hana fakahala; ha kua fakafua atu e lautolu e tagata tututonu ke he tau ario, mo e tagata lolelole ke he na afialoalohui ua.
7 Ko lautolu ne manako ke he efuefu he kelekele ke he tau ulu he tau tagata nonofogati, mo e liliu e lautolu e puhala he tau tagata matematekelea; kua o age foki e tagata katoa mo e hana matua tane ke he tama fifine taha, ke holitu ai haku a higoa tapu.
8 Kua tatakoto foki a lautolu ke he tau tapulu ne fakamau aki e fakafua ke he tapa he tau fatapoa oti; mo e inu ai e lautolu e uaina ha lautolu ne fakahala ke he tau fale he tau atua ha lautolu.
9 Ka ko au, ne fakamahakava e au e tau tagata Amori ki mua ha lautolu, ko e hana tokoluga ne tuga e tokoluga he tau arasi haia, ne malolo foki a ia tuga ne tau aluna; ne fakaoti foki e au hana tau fua i luga mo e hana tau vaka i lalo.
10 Ne ta hake foki e au a mutolu mai he motu ko Aikupito; ne takitaki e au a mutolu fagofulu e tau ke he tutakale ke moua ai e motu he tau tagata Amori.
11 Ne fakatu e au falu he tau tama tane ha mutolu ke eke mo tau perofeta, mo e falu he tau fuata ha mutolu ke eke mo tau naseri. Ko e fanau a Isaraela na e, kua nakai kia pihia? kua pihia mai a Iehova.
12 Ka e age e mutolu e uaina ke inu ai e tau naseri, mo e poaki a mutolu ke he tau perofeta, kua pehe age, Aua neke perofeta mai a mutolu.
13 Kitiala, to pehi e au a mutolu ke he mena kua nonofo ai a mutolu, tuga ne pehia e kelekele he fatafakataveli ne puke ai ke he tau fuhi saito.
14 To nakai ni aoga foki e hola he tagata mafiti, to nakai fakalahi ai e ia ne malolo hana malolo; ko e toa foki nakai ni laveaki e ia a ia.
15 Ko ia ne eke kaufana nakai tumau a ia; mo ia ne mafiti lahi nakai hao ai a ia; ko ia foki ne heke solofanua nakai ni laveaki e ia a ia.
16 Ko e tagata he tau toa ne mua hana a fakamanavalahi, to hola a ia mo e nakai fai felevehi ke he aho ia, kua pihia mai a Iehova.