Efeso 1:1-23
1 KO au ko Paulo, ko e aposetolo a lesu Keriso ke he finagalo he Atua, ko e haku a tohi hanai ke he tau tagata tapu ha ha i Efeso, mo lautolu foki kua tua ha ia Keriso Iesu.
2 Kia ha ha ia mutolu e fakaalofa noa mo e monuina mai he Atua ha tautolu a Matua, katoa mo e Iki ko Iesu Keriso.
3 Kia fakaaue atu ke he Atua, ko e Matua he Iki ha tautolu ko Iesu Keriso, ko ia kua fakamonuina mai a tautolu ke he tau mena oti ke monuina ai ke lata mo e Agaga ke he tau mena ha he lagi ia Keriso;
4 Tuga ne fifili e ia a tautolu ia ia, ka e nakala fakave e lalolagi kia tapu a tautolu mo e nakai fai kelea ki mua hana ke he fakaalofa.
5 Kua kotofa e ia a tautolu i tuai ke eke mo tau tama hiki māna kia Iesu Keriso, ke lata mo e pule totonu he hana finagalo;
6 Kia fakaheke ai ke he lilifu he hana fakaalofa noa kua foaki noa mai ai e ia kia tautolu ia ia ni kua ofania;
7 Ha ia ia foki kua moua ai e tautolu e lukutoto ke he hana toto, ko e fakamagaloaga he tau hala, ke lata mo e lahi ue atu he hana fakaalofa noa;
8 Ne foaki fakalahi mai ai e ia kia tautolu ke he pulotu ni katoa mo e iloilo;
9 Ha kua fakailoa mai e ia kia tautolu e mena galo he hana finagalo, ke lata mo e pule totonu hana kua manatu ai a ia ke he hana finagalo;
10 Kia fakamaopoopo ai e ia e tau mena oti kia Keriso ka hoko mai e katoatoaga he tau tau ne kotofa, ko e tau mena ha he lagi katoa mo e tau mena ha he lalolagi, ha ia ia ni;
11 Ha ia ia ne fifili foki a tautolu ke eke māna ko tautolu ne kotofa tuai ke lata mo e finagalo hana kua gahua ni e tau mena oti ke lata mo e pule he hana finagalo.
12 Kia uta a mautolu mo mena ke fakaheke ai ke he hana lilifu, ko mautolu haia ne amaamanaki fakamua kia Keriso.
13 Ha ha ia ia foki a mutolu tali mai he fanogonogo a mutolu ke he kupu he mena moli, ko e vagahau mitaki haia he fakamouiaga ha mutolu; ha ia ia foki, kua tua tuai a mutolu, ti fakamau fakamailoga ai a mutolu he Agaga Tapu, ko ia ne talahaua mai,
14 Ko e fakamoli haia he mena ke eke ma tautolu, ato oti he fakamomoui a lautolu ne fakafua ke eke mana, kia eke mo fakahekeaga ke he hana lilifu.
15 Kua fanogonogo au ke he ha mutolu a tua ke he Iki, ko Iesu, mo e fakaalofa foki ha mutolu ke he tau tagata tapu oti kana,
16 Ko e mena ia nakai okioki ai au he fakaaue atu ha ko mutolu, kua totoku a mutolu ke he haku a tau liogi,
17 Kia foaki age kia mutolu he Atua he Iki ha tautolu ko Iesu Keriso, ko e Matua hana e lilifu, e Agaga ha i ai e iloilo mo e fakakiteaga, kia iloa mitaki ai e mutolu a ia;
18 Kia fakamaamatia foki e tau mata he tau loto ha mutolu, kia iloa ai e mutolu po ke heigoa e amaamanaki ha ha i ai ke he hana a ui mai, po ke heinoa foki e lahi ue atu he mena homo atu kua eke māna ke he tau tagata tapu;
19 Po ke heigoa foki e lahi ue atu he hana malolo mai kia tautolu kua tua, ke lata mo e gahua malolo he hana a mana,
20 Ne gahua ai ni e ia ia Keriso, he fakatu a ia mai ia lautolu kua mamate, mo e fakanofo a ia ke he hana fahi matau ke he tau mena ha he lagi,
21 Kua mua ke he tau iki lalahi oti kana, mo e tau pule, mo e tau toa, mo e tau iki, katoa mo e tau higoa oti kana kua talahaua, nakai kuenaia he mouiaga nai, ka kua hoko foki ke he mouiaga ne tatali;
22 Kua tuku hifo foki e ia e tau mena oti kana ki lalo he na ve hana, ti tuku atu a ia ke eke mo ulu he tau mena oti ke he ekalesia;
23 Ko e hana tino haia, ko e puke foki hana kua fakapuke e tau mena oti ke he tau mena oti kana.