Esoto 11:1-10
11 TI pehe mai ai a Iehova kia Mose, Toe agaia taha malaia ke fakahoko atu e au kia Farao katao mo Aikupito, ka mole ia ti toka ai e ia a mutolu ke o kehe mo e mena nai; ka fakatoka e ia a mutolu, ti vega fakalahi e ia a mutolu he mena nai.
2 Kia vagahau atu e koe ke he motu kia logona ai e lautolu, Kia takitokotaha mo e ole, ko e tane kia ia kua katofia a laua, mo e fifine kia ia kua katofia a laua, e tau mena ario mo e tau mena auro.
3 Kua fakatupu he Atua e fakaalofa he tau tagata Aikupito ke he motu. Ko e tagata foki nai ko Mose kua lilifu lahi a ia ke he motu ko Aikupito, ke he manatu he tau fekafekau a Farao, ke he manatu foki he motu.
4 Ti pehe atu a Mose, Kua pehe mai e vagahau a Iehova, Ka tata ke he tuloto po, ti fina atu ai au ke he vaha loto a Aikupito.
5 Ti mamate ai e tau tama uluaki oti ke he motu ko Aikupito, ke kamata ke he tama uluaki a Farao, ko ia kua nofo ke he hana nofoaiki, ti hoko ke he tama uluaki he fekafekau fifine ha i tua he makaholo, katoa mo e tau punua uluaki oti he tau manu.
6 Ti ha i ai e tagi aue lahi ke he motu oti ko Aikupito, nakai pihia tuai, ti nakai liu foki pihia.
7 Ka ko e fanau oti a Isaraela, nakai gahuahua e alelo he taha kuli ke he taha tagata po ke taha manu; kia iloa e mutolu kua mailoga e Iehova e fanau a Aikupito mo e fanau a Isaraela.
8 To hifo mai foki hau a tau fekafekau oti kana nai kia au, mo e hufeilo kia au, to pehe mai, Kia fano kehe a koe, ko koe mo e motu oti ha ne mumui atu kia koe; ka mole e tau mena ia, ti fina atu ai au. Ti fano kehe ai a ia ia Farao kua ita lahi.
9 Kua pehe mai a Iehova kia Mose, Nakai fanogonogo a Farao kia mua, kia fakaloga ai haku tau mena ke he motu ho Aikupito.
10 Ti kua eke e Mose mo Arona e tau mena oti ia ki mua a Farao, ka e fakamao e Iehova e loto a Farao, ti nakai toka e ia e fanau Isaraela ko e kehe mo e hana motu.