Hosea 6:1-11
6 O MAI a, kia liliu atu a tautolu kia Iehova ha kua hēhē e ia a tautolu, to fakamalolo foki e ia a tautolu; kua ta e ia a tautolu, to taute foki e ia a tautolu.
2 Ka mole atu ua e aho to fakamoui e ia a tautolu; ka hoko ke he aho tolu to fakatutu ai e ia a tautolu, to momoui foki a tautolu ki mua hana.
3 To iloa foki e tautolu, to lali ai a tautolu ke iloa a Iehova; kua mau hana haele atu tuga ne matafatafa ata he aho, to haele mai foki a ia kia tautolu tuga ne uha fakamui ne fakamalu aki e kelekele.
4 Efaraimo na e, ko e heigoa kia ke eke e au kia koe? Iuta na e, ko e heigoa kia ke eke e au kia koe? ha kua tuga ne aolu ke he pogipogi e mahani mitaki ha mutolu, tuga ne hahau foki ne mole atu ke he magaaho pogipogi.
5 Ko e mena ia ne talai ai e au a lautolu ke he tau perofeta, ne kelipopo e au a lautolu ke he tau kupu he haku gutu; ko e hau a tau fakafiliaga foki ko e maama kua fina atu haia.
6 Ha kua loto au ke he fakaalofa ka e nakai ko e poa; ke iloa e Atua foki kua mua ia ke he haku a manatu ke he tau poa huhunu.
7 Ka kua holi e lautolu e maveheaga tuga a Atamu; kua pikopiko a lautolu kia au ke he mena ia.
8 Ko Kiliata ko e maga haia ha lautolu kua eke e mahani kelea, kua kelea ai ke he toto.
9 Tuga ne takahao ke he tagata e tau kau he tau tagata fofo mena, kua pihia foki e kau he tau ekepoa kua keli e lautolu e tau tagata ke he puhala ki Sikema; ha kua mahani kelea a lautolu.
10 Kua kitia e au ke he magafaoa a Isaraela e mena vihiatia lahi; ha ha i ai e mahani feuaki a Efaraimo, kua kelea a Isaraela.
11 Iuta na e, kua kotofa foki e heleheleaga saito māu ka liuaki mai e au e paeaaga he haku motu.