Iopu 14:1-22
14 KO e tagata ne fanau ai he fifine, kua gahoa hana tau aho, ti puke ai ke he fakaatukehe.
2 Ne tupu hake a ia tuga ne fiti lakau, ka e helehele ai; ne mole atu foki a ia tuga ne ata, mo e nakai tumau a ia.
3 Ko e tagata pehena kia kua kitekite ki ai hau a tau fofoga, mo e ta mai e koe au ke fakafili ai fakalataha mo koe?
4 Po ko hai kia ke ta mai e mena mea mai he mena nakai mea? nakai fakai taha.
5 Kua kotofa e koe hana tau aho; ha ha ia koe e totouaga he hana tau mahina po ke fiha; kua fakatoka e koe hana tau katofia nakai laka ai e ia.
6 Kia haga kehe a koe ia ia, kia toka ai a ia, ato fakakatoatoa ai e ia hana tau aho, ke tuga ne fekafekau palepale.
7 Ko e mena ka hio e akau kua amaamanaki ai ke tuputupu foki, ke tuputupu hake nakai noa foki hana tau hoe.
8 Pete he leva hana tau vaka ke he kelekele, mo e mate ai hana tagutugutu ke he kelekele,
9 Ka to liu tupu hake ai he puke vai he vai, mo e tuputupu ai hana tau la, tuga ne lakau mui.
10 Ka ko e tagata kua mate a ia, mo e oti ai ni, kua fakaoti e fafagu he tagata, to ha i fe kia a ia?
11 Tuga ne mamiti ai e puke vai mai he vai, kua momo foki e vailele, mo e pakupaku.
12 Kua takoto foki e tagata mo e nakai tuai matike a ia, nakai ni aala a lautolu ato mole atu e lagi, nakai fafagu foki a lautolu he momohe ha lautolu.
13 Ane fufu e koe au i Seoli, mo e fakagalo ai e koe au ato mole atu hau a ita po kua mitaki; kia kotofa mai e koe e tau aho maku, mo e manatu mai e koe au.
14 Ka mate e tagata to liu moui mai kia a ia? To tatali atu au he tau aho oti ne kotofa ke tau ai au, ato hoko mai a ia ke hukui aki au.
15 Kia ui mai a koe, ti tali atu au kia koe; kia finagalo fakaalofa a koe ke he gahua he hau a tau lima.
16 Ka kua totou e koe haku a tau lakaaga, nakai kia lamalamati e koe ke he haku a tau hala?
17 Kua fakamau fakamailoga ai ke he kato haku a tau holifono; mo e lafi fakalataha e koe haku a tau mahani kelea.
18 Ko e moli kua mole atu e mouga kua malŏlŏ, kua lagaaki foki e maka tumau mai he mena ha ha i ai a ia.
19 Kua olooloi he vai e tau maka; kua tafia e kelekele he fonua he fakapuke; kua fakaoti foki e koe e amaamanaki he tagata.
20 Kua kautu fakaoti a koe kia ia, ti fano kehe a ia; kua liliu kehe e koe hana mata mo e fakafano atu e koe a ia.
21 Ne moua he fanau hana e lilifu, ka e nakai iloa e ia; kua eke foki a lautolu mo tau lalo tagata ka e nakai logona e ia.
22 Ka e mamahi ni hana tino, mo e manu ai hana loto.