Iopu 35:1-16
35 KUA tali age foki Elihu, kua pehe age,
2 Kua manatu kia a koe kua tonu e mena nai, ne pehe mai a koe, Kua mua haku a tututonu ke he tututonu he Atua?
3 He pehe mai a koe, Kua aoga ha ha ia kia koe? ko e heigoa foki e mena ke moua e au nakai moua ai ane mai kua hala au?
4 To tali atu au kia koe, katoa mo e hana tau kapitiga fakalataha mo koe.
5 Kia haga hake a koe ke he lagi, mo e kitekite a; mo e kitekite a koe ke he tau aolagi ne tokoluga ki luga hau.
6 Kaeke kua hala a koe, ko e heigoa kia kua eke e koe kia ia? Kaeke foki ke fakaloga ai hau a tau holifono, ko e heigoa kia kua eke e koe kia ia?
7 Kaeke kua mahani tututonu a koe ko e heigoa kia e mena kua age e koe kia ia? ko e heigoa foki e mena kua moua mai e ia he lima hau?
8 Na ko e mamahi ai e tagata tuga na koe he mahani kelea hau; na kua aoga foki ke he tagata hau a mahani tututonu,
9 Ko e loga e mena favale ti fakatutu ai e tau tagata; kua tagi a lautolu ha ko e tau lima he tau tagata malolo.
10 Ka e nakai pehe taha, Ko fe kia e Atua ne eke ai au? Ko ia ne foaki mai ai e tau lologo he tau po.
11 Ko ia kua fakaako mai kia tautolu ke mua a tautolu he tau manu he vao, mo e foaki mai e ia kia tautolu e iloilo ne homo atu ke he tau manu lele he pulagi.
12 Ne tagi atu a lautolu he mena ia, ka e nakai tali mai a ia, ha ko e fakatokoluga he tau tagata mahani kelea.
13 Ko e moli nakai fanogonogo mai e Atua ke he tau tagata mahani fakateaga; nakai haga mai ai a Ia hana e malolo oti kana,
14 Ti au atu he nakai fanogonogo mai a ia he pehe a koe nakai kitia e koe a ia, ha ha ia ia e fakafiliaga; ko e mena ia kia tatali atu a koe kia ia.
15 Ka ko ainei kua nakai aahi mai e ia mo e ita hana, mo e nakai kitekite fakamakutu mai a ia ke he mahani fakatokoluga;
16 Ko e mena ia kua vagahau fakahanoa mai a Iopu; kua fakaloga ai e ia e tau kupu ha ko e hana a nakai iloa.