Iosua 12:1-24
12 KO e tau patuiki he motu ne keli he fanau a Isaraela hanai, ti eke ni ma lautolu ha lautolu a kelekele ke he fahi atu a Ioritana, ke he mena ne hake ai e la, ke kamata mai he vailele ko Aranona, ke hoko atu ke he mouga ko Heremoni, mo e kelekele tatai oti ke he fahi uta.
2 Ko Sikono ko e patuiki he tau tagata Amori, ne nofo i Hesepona, ne pule ai a ia ke kamata mai i Aroeru, ha he kauvai he vailele ko Aranona, mo e lotoga foki he vailele, mo e taha fahi a Kiliata, ke hoko atu ke he vailele ko Iapoka, ko e katofia haia he fanau a Amoni.
3 Ko e kelekele tatai foki ke hoko atu ke he vai ko Kinereta ke he fahi uta, ke hoko atu foki ke he tahi he kelekele tatai, ko e Tahi Kona ke he fahi uta haia, ko e puhala ki Petesemota, ke kamata mai foki he fahi toga ki lalo a Asetota-peseka;
4 Mo e katofia a Oko ko e patuiki a Vasana, ne toe ai a ia he tau tagata makimaki, ne nofo ai a ia i Aserota mo Eterei;
5 Ne pule a ia ke he mouga ko Heremoni, mo Saleka, mo Vasana oti ke hoko atu ke he katofia a Kesuri, mo Maaka, mo e taha fahi a Kiliata, ko e katofia a Sikono ko e patuiki a Hesepona.
6 Ne keli a lautolu e Mose ko e fekafekau a Iehova, mo e fanau a Isaraela, ti foaki atu ai e Mose ko e fekafekau a Iehova e motu ke eke ma e tau tagata Reupena, mo e tau tagata Kato, mo e taha veveheaga he magafaoa a Manase.
7 Ko e tau patuiki he motu hanai, ne keli e Iosua mo e fanau a Isaraela ke he fahi mai nai a Ioritana ke he fahi lalo, ke kamata i Paalakato ke he pahua a Lepanona, ke hoko atu ke he mouga ko Kalaka, ke hake ai ki Seira; ne tuku atu ai e Iosua ke he tau magafaoa a Isaraela ke eke ma lautolu fakalata ke he tau veveheaga ha lautolu;
8 Ko lautolu ha ha he atu mouga, mo e tau vaha mouga, mo e kelekele tatai, mo e mena ne toka ai e tau vai puna, mo e tutakale, mo e fahi toga; Ko e tau tagata Heti, ko e tau tagata Amori, mo e tau tagata Kanana, ko e tau tagata Perisi, ko e tau tagata Hivi, mo e tau tagata Iepusi.
9 Ko e patuiki i Ieriko taha; ko e patuiki i Ai ne fehagai mo Peteli taha;
10 Ko e patuiki i Ierusalema taha, ko e patuiki i Heperona taha;
11 Ko e patuiki i Iaremuta taha; ko e patuiki i Lakisa taha;
12 Ko e patuiki i Ekelona taha; ko e patuiki i Kasera taha;
13 Ko e patuiki i Tiperi taha; ko e patuiki i Ketere taha;
14 Ko e patuiki i Horema taha; ko e patuiki i Arata taha;
15 Ko e patuiki i Lipena taha; ko e patuiki i Atulama taha;
16 Ko e patuiki i Maketa taha; ko e patuiki i Peteli taha;
17 Ko e patuiki i Tapua taha; ko e patuiki i Heferu taha;
18 Ko e patuiki i Afeka taha; ko e patuiki i Sarona taha;
19 Ko e patuiki i Matono taha; ko e patuiki i Hasora taha;
20 Ko e patuiki i Simerona-merona taha; ko e patuiki i Akasafa taha;
21 Ko e patuiki i Tanaka taha; ko e patuiki i Mekito taha;
22 Ko e patuiki i Katesa taha; ko e patuiki i Iokeneama i Karamelu taha;
23 Ko e patuiki i Toro ke he mena tokoluga i Toro taha; ko e patuiki he tau motu i Kilikala taha;
24 Ko e patuiki i Tiresa taha; ko e katoatoa he tau patuiki oti ko e tokotolugofulu ma taha.