Iosua 15:1-63
15 KO e tufaaga hanai he magafaoa he fanau a Iuta ke lata mo e tau magafaoa ha lautolu, ke hoko ke he katofia a Etoma, ko e tutakale ko Tisina, ke he fahi toga ko e mena ia ne liu mai ai ke he fahi toga.
2 Ko e ha lautolu a katofia ke he fahi toga kua kamata mai he mena ne liu mai ai e Tahi Kona, ke kamata mai foki he ava kua hagao atu ke he fahi toga;
3 Ka e o atu ke he fahi toga ke he matiketike i Akarava, mo e o atu ki Tisina, mo e hake ai ke he fahi toga ki Katesapanea, mo e fina atu ki Hasaronu, ti hake ki Atara, mo e fina age ki Karaka;
4 Ti fina atu ai ki Asemona, mo e fina atu ke he vailele i Aikupito; ko e mena ne liu mai ai e katofia ia ko e tahi haia. Ko e katofia ha mutolu ke he fahi toga haia.
5 Ko e katofia ke he fahi uta ko e Tahi Kona, ke hoko atu ke he mena ne liu mai ai a Ioritana. Ko e katofia ke he fahi tokelau ke kamata mai he ava i tahi ke he mena ne liu mai ai a Ioritana;
6 Ti hake e katofia ki Peteokela, mo e fina atu ai ke he fahi tokelau a Petearapa; ti hake foki e katofia ke he maka a Poana ko e tama tane a Reupena.
7 Ti hake ai e katofia ki Tiperi mai he pahua a Akori, ti fano ai ke he fahi tokelau ne hagao atu ki Kilikala, ne fehagai mo e matiketike i Atumema, ha ha he fahi toga he vailele; ti fina atu ai e katofi ke he vai ko Enesemesa, ko e mena ne liu mai a ia ha i Enerokelu haia.
8 Ti hake ai e katofia ke he pahua he tama tane a Hinoma ke hoko atu ke he fahi toga he tau tagata Iepusi, ko Ierusalema haia; ti hake foki e katofia ke he tapunu he mouga ne fehagai mo e pahua a Hinoma ke he fahi lalo, ha i ai ke he mena ne liu mai ai he pahua he tau tagata makimaki ke he fahi tokelau;
9 Kua tohia foki e katofia ke kamata mai he tapunu mouga, ke hoko atu ke ke vaipuna ko Nafatoa, ti fina atu ke he tau maga he mouga ko Eferona; kua tohia foki e katofia ki Paala, ko Kiriata-iarima haia.
10 Ti afe ai e katofia mai Paala ke he fahi lalo, ke hoko atu ke he mouga ko Seira, ti fina atu ai ke he tapa he mouga ko Iarima ke he fahi tokelau, ko Kasalona haia; ti hifo ai ki Petesemesa, mo e fina atu ki Timena.
11 Kua fina age e katofia ke he tapa a Ekerona ke he fahi tokelau; kua tohia foki e katofia ki Sikerona, mo e fano ai ke he mouga ko Paala, mo e fina age ki Iapenelu; ko e mena ne liu mai ai e katofia ko e tahi haia.
12 Ko e katofia ke he fahi lalo ko e tahi lahi haia mo e hana katofia. Ko e katofia haia he fanau a Iuta ne agaagai ai ke lata mo e tau magafaoa ha lautolu.
13 Kua age foki e ia kia Kalepa ko e tama a Iefuna e tufaaga fakalataha mo e fanau a Iuta, ke lata mo e kupu a Iehova kia Iosua, ko e maga a Arapa ko e matua a Anaki, ko Heperona haia.
14 Ti vega kehe e Kalepa he mena ia e tau tama tane tokotolu a Anaki, ko Sesai mo Aimano, mo Talemai ko e fanau a Anaki.
15 Ti hake ai a ia he mena ia kia lautolu ne nonofo i Tiperi; (ko e higoa foki a Tiperi ne aho mua ko Kiriata-saperu.)
16 Ti pehe age a Kalepa, Ko e tagata ke keli a Kiriata-saperu mo e moua e ia e maga, to age e au kia ia mo hoana hana haku tamafifine ko Akesa.
17 Ti moua ai e Otinielu ko e tama a Kenasi, ko e matakainaga a Kalepa; ti age e ia kia ia hana tama fifine ko Akesa mo hoana hana.
18 Kua fina atu a ia kia ia, ti fakalagalaga atu e ia a ia, ke ole e ia e fonua mai he matua tane hana. Kua hifo a ia he asini, ti pehe age a Kalepa kia ia, Ko e heigoa hau ne fia eke?
19 Ti pehe age a ia kia ia, Kia ta mai e koe kia au e mena fakaalofa; kua ta mai e koe kia au e fonua ke he fahi toga, ti ta mai foki e koe mo e tau vaipuna. Ti age e ia kia ia e tau vaipuna i luga, mo e tau vaipuna i lalo.
20 Ko e tufaaga hanai he magafaoa he fanau a Iuta, ke lata mo e ha lautolu a tau magafaoa.
21 Ko e tau maga ne tutu ke he katofia he magafaoa he fanau a Iuta, ke he katofia a Etoma ke he fahi toga, ko Kapesielu, mo Eteru, mo Iakuri,
22 Mo Kina, mo Timuna, mo Atata,
23 Mo Katesa, mo Hasora, mo Itanana,
24 Ko Tifi, mo Telema, mo Pealota,
25 Mo Hasora, mo Hatata, mo Kiriota, mo Hasaronu, ko Hasora, haia,
26 Ko Amama, mo Sema, mo Molata,
27 Mo Hasarakata, mo Hasamoni, mo Petepaleta,
28 Mo Hasara-sualo, mo Peresepa, mo Pisitia,
29 Ko Paala, mo Iima, mo Asema,
30 Mo Elitolata, mo Kesilu, mo Horema,
31 Mo Tikelaka, mo Matamana, mo Sanasana,
32 Mo Lepaota, mo Silekima, mo Aino, mo Rimoni; ko e tau maga oti ia ne uafulu ma hiva, katoa mo e ha lautolu a tau kaina he magahehala.
33 Ha ha he vaha mouga, ko Esitaola, mo Sorea, mo Asena,
34 Ko Sanoa, mo Enekanima, ko Tapua, mo Enama,
35 Ko Iaremuta, mo Atulama, ko Soko, mo Aseka,
36 Mo Saalaima, mo Atitaima, mo Ketere, mo Keteretaima; ko e tau maga ne hogofulu ma fa, katoa mo e ha lautolu a tau kaina he magahehala.
37 Ko Tinana, mo Katesa, mo Miketala-kato,
38 Mo Tileano, mo Misepa, mo Iokatielu,
39 Ko Lakisa, mo Posekata, mo Ekelona,
40 Mo Kapona, mo Lakemasa, mo Kitelisa,
41 Mo Keterota, ko Petetakona, mo Naama, mo Maketa, ko e tau maga ne hogofulu ma ono, mo e ha lautolu a tau kaina he magahehala.
42 Ko Lipena, mo Eteru, mo Asana,
43 Mo Iefeta, mo Asena, mo Nisepa,
44 Mo Kaila, mo Akasipa, mo Maresa; ko e tau maga ne hiva, mo e ha lautolu a tau maga ikiiki.
45 Ko Ekerona, mo e hana tau maga, mo e hana tau kaina he magahehala.
46 Ke kamata mai Ekerona mo e tahi, ko e tau maga oti ne tata age ki Asetota, mo e ha lautolu a tau kaina ke he magahehala.
47 Ko Asetota, mo e hana tau maga, mo e hana tau kaina ke he magahehala, ko Kasa, mo e hana tau maga, mo e hana tau kaina ke he magahehala, ke hoko atu ke he vailele a Aikupito, mo e tahi lahi, mo e hana tau katofia.
48 Ha ha he atu mouga, ko Samira, mo Iatira, mo Soko,
49 Mo Tana, mo Kiriata-sena, ko Tiperi haia,
50 Mo Anapa, mo Esitamoa, mo Anima,
51 Mo Kosena, mo Holona, mo Kilo; ko e tau maga ne hogolufu ma taha mo e ha lautolu a tau kaina he magahehala.
52 Ko Arapa, mo Tuma, mo Esiana,
53 Mo Ianuma, mo Petetapua, mo Afeka,
54 Mo Kumeta, mo Kiriata-arapa, (ko Heperona haia,) mo Siora; ko e tau maga ne hiva katoa mo e ha lautolu a tau kaina ke he magahehala.
55 Ko Maona, mo Karamelu, mo Sifi, mo Iutaa,
56 Mo Isereelu, mo Iokatama, mo Sanoa,
57 Ko Kaino, ko Kipea, mo Timena; ko e tau maga ne hogofulu katoa mo e ha lautolu a tau kaina ke he magahehala.
58 Ko Halehula, ko Petesura, mo Ketoru,
59 Mo Maarata, mo Peteanota, mo Eletakono; ko e tau maga ne ono katoa mo e ha lautolu a tau kaina he magahehala.
60 Ko Kiriata-paala, (ko Kiriata-iarima haia) mo Rapa; ua ni e maga, katoa mo e ha lautolu a tau kaina he magahehala.
61 Ha ha he tutakale, ko Petearapa, ko Mitina, mo Sikaka,
62 Mo Nivasana, mo e magamotu masima, mo Enekati; ko e tau magamotu ne ono mo e ha lautolu a tau kaina ke he magahehala.
63 Ka e nonofo e tau tagata Iepusi i Ierusalema, nakai maeke ke he fanau a Iuta ke vega a lautolu, ka e nonofo e tau tagata Iepusi mo e fanau a Iuta i Ierusalema ke hoko ke he aho nai.