Iosua 19:1-51
19 NE to e tufaaga ne ua aki kia Simeona, ma e magafaoa he fanau a Simeona ke lata mo e ha lautolu a tau magafaoa; kua eke ha lautolu a tufaaga ki loto he tufaaga he fanau a Iuta.
2 Kua ha ha ia lautolu ha lautolu a tufaaga ko Peresepa, ko Sepa haia mo Molata,
3 Mo Asara-suala, mo Pala, mo Asema,
4 Mo Eletolata, mo Petueli, mo Horema,
5 Mo Tikelaka, mo Petemarekapota, mo Hatara-susa,
6 Mo Petelepaota, mo Saruena; ko e tau maga ne hogofulu ma tolu, mo e ha lautolu a tau kaina ke he magahehala.
7 Ko Aino, mo Rimoni, mo Eteru, mo Asana; ko e tau maga ne fa, mo e ha lautolu a tau kaina ke he magahehala;
8 Ko e tau kaina oti foki ke he magahehala ne agaagai ai ke he tau maga ia, ke hoko ki Paalatapeeri ko Ramata ke he fahi toga. Ko e tufaaga haia he magafaoa he fanau a Simeona, ke lata mo e ha lautolu a tau magafaoa.
9 Kua fai tufaaga e fanau a Simeona mai he tufaaga he fanau a Iuta; ha ko e mena lahi e veveheaga he fanau a Iuta ma lautolu; ko e mena ia kua eke ai he fanau a Simeona ha lautolu a tufaaga ki loto he tufaaga ha lautolu.
10 Ne moua he fanau a Sepulona e tufaaga ne tolu aki, ke lata mo e ha lautolu a tau magafaoa; kua hoko e katofia he tufaaga ha lautolu ki Salita.
11 Ti hake ha lautolu a katofia ke he tahi, mo Marala, mo e hoko atu ki Tapaseta, kua hoko atu foki ke he vailele ne fehagai mo Iokeneama;
12 Ti afe mai i Sarita ke he fahi uta ke he mena ne hake ai e la, kua hoko atu ke he katofia a Kaselotapora, ti fina atu ai ki Taparata, mo e hake ki Iafia.
13 Ti fina age ai he mena ia ke he fahi uta ki Kataferu, ki Ita-kasina, ti fina atu ki Rimoni-metoara i Nea;
14 Kua takai ai he katofia ke he fahi tokelau ki Hanatonu; ti liu mai ai he pahua ko Iefitaelu;
15 Ko Katata foki, mo Nahalolo, mo Simerona, mo Itala, mo Petelehema; ko e tau maga ne hogofulu ma ua, mo e ha lautolu a tau kaina ke he magahehala
16 Ko e tufaaga haia he fanau a Sepulona, ke lata mo e ha lautolu a tau magafaoa; ko e tau maga haia, mo e ha lautolu a tau kaina he magahehala.
17 Kua to e tufaaga ne fa aki kia Isakara, ma e fanau a Isakara ke lata mo e ha lautolu a tau magafaoa.
18 Ti fehagai ha lautolu a tau katofia mo Isereelu, mo Kesulota, mo Sunema,
19 Mo Hafaraima, mo Siona, mo Anaharata,
20 Mo Rapita, mo Kiseona, mo Apesa,
21 Mo Remeta, mo Enekanima, mo Enehata, mo Petepasesa;
22 Kua hoko atu foki e katofia ki Tapora mo Sahasuma, mo Petesemesa; ti liu mai ha lautolu a katena i Ioritana; ko e tau maga ne hogofulu ma ono, mo e ha lautolu a tau kaina he magahehala.
23 Ko e tufaaga haia he magafaoa he fanau a Isakara, ke lata mo e ha lautolu a tau magafaoa, ko e tau maga mo e he lautolu a tau kaina he magahehala.
24 Kua to ke he magafaoa he fanau a Asera e tufaaga ne lima aki, ke lata mo e ha lautolu a tau magafaoa.
25 Ko e tau katofia ha lautolu ko Helekata, mo Hali, mo Petena mo Akasafa,
26 Mo Alamaleka, mo Amata, mo Misiala; kua hoko atu foki ki Karamelu ke he fahi lalo, mo Siola-lipeneta;
27 Ti afe age ai ke he mena ne hake ai e la i Petetakona, mo e hoko atu ki Sepulona, mo e pahua ko Iefita-elu ke he fahi tokelau a Petemeka, mo Neieli, mo e fina atu ki Kapulu ke he fahi hema,
28 Mo Eperona, mo Rehopo, mo Hamoni, mo Kana, ke hoko atu ki Saitonu lahi;
29 Ti afe age ai e katofia ki Rama, ke hoko atu ke he maga nofo taue ko Turo; ti afe age foki e katofia ki Hosa; ti liu mai ai he tahi, kua kamata mai he fahi ke hoko atu ki Akesipa;
30 Ko Uma foki, mo Afeka, mo Rehopo; ko e tau maga ne uafulu ma ua, mo e ha lautolu a tau kaina he magahehala.
31 Ko e tufaaga haia he magafaoa he fanau a Asera, ke lata mo e ha lautolu a tau magafaoa; ko e tau maga haia mo e ha lautolu a tau kaina he magahehala.
32 Kua to ke he fanau a Nafatali e tufaaga ne ono aki, ko e fanau a Nafatali, ke lata mo e ha lautolu a tau magafaoa,
33 Ne kamata mai i Halefa ha lautolu a tufaaga mai Aluna i Sananaima, mo Atamanekepa katoa mo Iapenelu, ke hoko atu ki Lakuma; ti liu mai ai i Ioritana.
34 Ti afe age ai e katofia ke he fahi lalo ki Aseno-tapora mo e fina atu mai he mena ia ki Hukoka, ti hoko atu ki Sepulona ke he fahi toga, ti hoko atu ki Asera ke he fahi lalo, mo Iuta i Ioritana ke he mena ne hake ai e la
35 Ko e tau maga foki kua nonofo taue, ko Sitima, ko Selo mo Hamata, ko Rakata mo Kinereta,
36 Mo Atama, mo Rama, mo Hasora,
37 Mo Katesa, mo Eterei, mo Eneasora,
38 Mo Irona, mo Miketala-elu, mo Horema, mo Peteanata, mo Petesemesa; ko e tau maga ne hogofulu ma hiva, mo e ha lautolu a tau kaina ke he magahehala.
39 Ko e tufaaga haia he magafaoa he fanau a Nafatali, ke lata mo e ha lautolu a tau magafaoa, ko e tau maga mo e ha lautolu a tau kaina ke he magahehala.
40 Kua to e tufaaga ne fitu aki ke he magafaoa he fanau a Tano, ke lata mo e ha lautolu a tau magafaoa.
41 Ko e katofia he tufaaga ha lautolu ko Saraa, mo Esetaola, mo Ieresemesa,
42 Mo Salapina, mo Ailona, mo Itala,
43 Mo Elona, mo Timenata, mo Ekerona,
44 Mo Eleteka, mo Kipetonu, mo Paalata,
45 Mo Iehuta, mo Peneperaka, mo Katarimoni,
46 Mo Meiarekono, mo Rakona, mo e katofia ne fehagai mo Iopa.
47 Kua tote e kelekele ne moua he magafaoa he fanau a Tano, ti o hake e fanau a Tano mo e tau kia Lesema, ti fofo ai e lautolu e maga, mo e keli ai e tau tagata ke he pelu; kua eke e lautolu e maga ma lautolu, mo e nonofo ai a lautolu; ti ui ai e lautolu a Lesema ko Tano, ke tuga ne higoa he matua ha lautolu ko Tano.
48 Ko e tufaaga haia he magafaoa he fanau a Tano ke lata mo e ha lautolu a tau magafaoa; ko e tau maga haia, mo e ha lautolu a tau kaina ke he magahehala.
49 Kua oti he tufatufa e motu ke lata mo e tau katofia ha lautolu, ti foaki atu ai he fanau a Isaraela e tufaaga kia Iosua ko e tama a Nuno fakalataha mo lautolu.
50 Ke lata mo e kupu a Iehova, ne age ai e lautolu kia ia e maga ne ole e ia, ko Timenatasera haia ha ha he mouga ko Efaraimo, ti ati ai e ia e maga, mo e nofo ai.
51 Ko e tau tufaaga haia ne tufatufa ma lautolu ke lata mo e vili a Eleasaro ko e ekepoa mo Iosua ko e tama a Nuno, mo e tau iki he tau matua he tau magafaoa he fanau a Isaraela, i Sailo ki mua a Iehova, ke he gutuhala he fale uta fano he tutuutaaga. Ti fakaoti ai e lautolu he vevehe e kelekele.