Isaia 12:1-6
12 TO pehe a koe ke he aho ia, Iehova na e, to fakaheke atu au kia koe, ha ko e mena ita mai a koe kia au, ka kua liu kehe hau a ita, ti kua fakamafana mai e koe au.
2 Kitiala, ko e Atua, ko e haku a fakamouiaga a ia; kua tua au kia ia, ti nakai matakutaku au; ha ko Ioha, ko Iehova, ko e haku a malolo a ia mo e haku a lologo; ti eke a ia mo fakamouiaga haku.
3 To utu vai a mutolu mo e fiafia he tau vaipuna he fakamouiaga.
4 To pehe atu foki a mutolu ke he aho ia, Kia fakaheke atu a mutolu kia Iehova, ti ui atu a mutolu ke he hana higoa; kia fakailoa atu e mutolu ke he tau motu hana tau gahua; kia talahau atu e mutolu, kua lilifu hana higoa.
5 Lologo atu a kia Iehova, kua eke e ia e mena homo atu; kia fakailoa atu a e mena ia ke he lalolagi oti.
6 Kia kalaga a, kia leo lahi mo e fiafia, ko koe na, kua nofo i Siona; ha kua mua ue atu a ia ne Tapu i Isaraela kua haele i loto ia koe.