Mataio 1:1-25
1 KO e tohi he matohiaga a Iesu Keriso, ko e tama a Tavita, ko e tama a Aperahamo.
2 Ne fanau e Aperahamo a Isaako; ne fanau e Isaako a Iakopo; ne fanau e Iakopo a Iuta mo e hana tau matakainaga;
3 Ne fanau e Iuta a Faresa mo Siraha ia Tamara; ne fanau e Faresa a Heseroma; ne fanau e Heseroma a Arama;
4 Ne fanau e Arama a Aminatapu; ne fanau e Aminatapu a Nasona; ne fanau e Nasona a Salemona;
5 Ne fanau e Salemona a Poasa ia Raava; ne fanau e Poasa a Opeta ia Ruta; ne fanau e Opeta a Iese;
6 Ne fanau e Iese e patuiki ko Tavita; ne fanau he patuiki ko Tavita a Solomona ke he hoana a Uria;
7 Ne fanau e Solomona a Rehopoamo; ne fanau e Rehopoamo a Avia; ne fanau e Avia a Asa;
8 Ne fanau e Asa a Iehosafata; ne fanau e Iehosafata a Ioramo; ne fanau e Ioramo a Usia;
9 Ne fanau e Usia a Iotamo; ne fanau e Iotamo a Ahasa; ne fanau e Ahasa a Hesekia;
10 Ne fanau e Hesekia a Manase; ne fanau e Manase a Amona; ne fanau e Amona a Iosia;
11 Ne fanau e Iosia a Iekonia mo e hana tau matakainaga, ko e paea ne fai ki Papelonia.
12 Kua hoko he paea ki Papelonia, ati fanau ai e Iekonia a Salatielu; ne fanau e Salatielu a Serupapelu;
13 Ne fanau e Serupapelu a Apiuta; ne fanau e Apiuta a Eliakimo; ne fanau e Eliakimo a Asora;
14 Ne fanau e Asora a Satoka; ne fanau e Satoka a Akeimo; ne fanau e Akeimo a Eliuta;
15 Ne fanau e Eliuta a Eleasaro; ne fanau e Eleasaro a Matano; ne fanau e Matano a Iakopo;
16 Ne fanau e Iakopo a Iosefa, ko e tane a Maria ne fanau ai a Iesu, ne ui ko e Keriso.
17 Hanai, ko e atu hau oti kua kamata mai ia Aperahamo ato hoko kia Tavita hogofulu ma fa e atu hau ia; kua kamata mai foki ia Tavita ato hoko ke he paeaaga ki Papelonia, hogofulu ma fa e atu hau ia; kua kamata mai foki he paeaaga ki Papelonia ato hoko ke he Keriso, hogofulu ma fa e atu hau ia.
18 Ne pehe e fanau mai a Iesu Keriso Mena fakatu tane hana matua fifine ko Maria kia Iosefa, ti kitia kua fatu a ia ke he Agaga Tapu, ka e nakaila fakalataha a laua.
19 Ko Iosefa foki hana tane ko e tagata tututonu a ia, nakai loto foki a ia ke fakama a ia ki mua he tau tagata, kua manatu a ia ke fakafano fakatekiteki atu a ia.
20 Kua manamanatu a ia ke he tau mena na, kitiala, kua fakakite mai kia ia e agelu he Iki ke he miti, kua pehe mai, Iosefa na e, ko e tama a Tavita, aua neke matakutaku a koe ke ta mai hau a hoana ko Maria; ha ko e Agaga Tapu kua fatu ai a ia.
21 To fanau mai e ia e tama tane, to fakahigoa foki e koe a ia ko Iesu; ha ko e mena fakamoui e ia hana tau tagata mai he tau hala ha lautolu.
22 Kua hoko e tau mena oti nai ke fakamoli aki e kupu ne talahaua mai he Iki ke he perofeta, kua pehe mai,
23 Kitiala, to fatu e tamafine tote, mo e fanau mai e tama tane, to fakahigoa e lautolu a ia ko Emanuela, ko e hana kakano ka fakamatala, Ha ha ia tautolu e Atua.
24 Kua ala a Iosefa ne mohe, ati eke ai e ia tuga ne talahau mai he agelu he Iki kia ia; kua ta mai e ia hana hoana;
25 Ka e nakala fakalataha a laua kua hoko ni he fanau mai e ia hana tama tane uluaki; ne fakahigoa foki e ia a ia ko Iesu.