Numera 2:1-34
2 KUA vagahau mai foki a Iehova kia Mose, kua pehe mai,
2 Kia heapi ai e fanau a Isaraela ko e tagata ke he mena ne tokai hana matini mo e fakamailoga he faoa he hana matua; kia heapi fakafehagi a lautolu ke pa takai ai e fale uta fano he tutuutaga.
3 Ko e fahi uta ke he mena kua hake ai e la, ke heapi ai a lautolu he matini he heaga api a Iuta ke he ha lautolu a tau kau; ko e iki he fanau a Iuta, ko Nasona haia ko e tama a Aminatapu.
4 Ko e hana kau foki ko lautolu ne totou ai ne fitugofulu e afe ti fa e afe mo e ono teau.
5 Ko lautolu foki ne heapi ai ke katofia mo ia, ko e magafaoa a Isakara haia; ko e iki foki he fanau a Isakara ko Natanielu ko e tama a Sualo haia.
6 Ko e kau hana foki, ko lautolu ne totou ai, ne limagofulu e afe ti fa e afe mo e fa e teau.
7 Ti hoko atu ai ke he magafaoa a Sepulona; ko e iki foki he fanau a Sepulona, ko Eliapo ko e tama a Helona haia.
8 Ko e hana kau foki, ko e tau tagata ne totou ai, ko e limagofulu e afe ti fitu e afe, mo e fa e teau.
9 Ko lautolu oti ni ne totou ai he heagaapi a Iuta ko e taha e teau e afe, ti valugofulu ma ono e afe, ti fa e teau, ke he tau kau ha lautolu; ti fenoga mua atu a lautolu.
10 Ha he fahi toga e matini he heagaapi a Reupena ke he ha lautolu a tau kau; ko e iki foki he fanau a Reupena ko Elisura ko e tama a Seturo haia.
11 Ko e hana kau foki, ko lautolu ne totou ai ia lautolu, ko e fagofulu e afe ti ono e afe, mo e lima e teau.
12 Ko lautolu ne heapi ai ke katofia mo ia ko e magafaoa a Simeona haia; ko e iki foki he fanau a Simeona, ko Salumielu ko e tama a Surisatai haia.
13 Ko e hana kau foki, ko lautolu ne totou ai, ko e limagofulu e afe ti hiva e afe mo e tolu e teau.
14 Ti hoko atu ai ke he magafaoa a Kato, ko e iki he fanau a Kato, ko Elisafo ko e tama a Tuelu haia.
15 Ko e hana kau foki, ko lautolu ne totou ai, ko e fagofulu e afe ti lima e afe, mo e fa e teau ti limagofulu.
16 Ko lautolu oti ne totou ai he heagaapi a Reupena, ko e taha e teau e afe, ti limagofulu ma taha e afe, mo e fa e teau ti limagofulu, ke he ha lautolu a tau kau; ti o ni a lautolu ke mumui age kia lautolu ne mumua.
17 Ti o ai e heagaapi a Levi mo e fale uta fano he tutuutaga ke he vaha loto he heagaapi; tuga ne heapi ai a lautolu ke pihia ha lautolu a o fenoga, ko e tagata ke he hana mena ne kotofa ki ai mo e mena ne ha i ai ha lautolu a matini.
18 Ha he fahi lalo e matini he heagaapi a Efaraimo ke he tau kau ha lautolu; ko e iki foki he fanau a Efaraimo, ko Elisama ko e tama a Amihuta haia.
19 Ko e hana kau foki, ko lautolu ne totou ai, ko e fagofulu e afe, ti lima e teau.
20 Ti katofia foki mo ia e magafaoa a Manase; ko e iki foki he fanau a Manase ko Kamelielu ko e tama a Petasuro haia.
21 Ko e hana kau foki, ko lautolu ne totou ai, ko e tolugofulu e afe ti ua e afe, mo e ua e teau.
22 Ti hoko atu ai ke he magafaoa a Peniamina; ko e iki foki he fanau a Peniamina, ko Apitano ko e tama a Kitione.
23 Ko e hana kau foki, ko lautolu ne totou ai, ko e tolugofulu e afe ti lima e afe mo e fa e teau.
24 Ko lautolu oti ne totou ai he heagaapi a Efaraimo ko e taha e teau e afe ti valu e afe, mo e taha e teau ke he ha lautolu a tau kau; ko e vahega ne tolu aki hanā ka o fenoga a lautolu.
25 Ha he fahi tokelau e matini he heagaapi a Tano ke he ha lautolu a tau kau, ko e iki foki he fanau a Tano, ko Ahieseru ko e tama a Amisatai haia.
26 Ko e hana kau foki, ko lautolu ne totou ai, ko e onogofulu e afe ti ua e afe mo e fitu e teau.
27 Ko lautolu ne heapi ai ke katofia mo ia ko e magafaoa a Asera ia; ko e iki foki he fanau a Asera ko Pagielu ko e tama a Okirano haia.
28 Ko e hana kau foki, ko lautolu ne totou ai, ko e fagofulu e afe ti taha e afe mo e lima e teau.
29 Ti hoko atu ai ke he magafaoa a Nafatali; ko e iki foki he fanau a Nafatali, ko Akira ko e tama a Enano haia.
30 Ko e hana kau foki, ko lautolu ne totou ai, ko e limagofulu e afe ti tolu e afe mo e fa e teau.
31 Ko lautolu oti ne totou ai he heagaapi a Tano ko e taha teau e afe ti limagofulu ma fitu e afe mo e ono e teau; ti fakamui fakaoti a lautolu ka o fenoga, fakalata ke he tau matini ha lautolu.
32 Ko lautolu hanai ne totou ai he fanau a Isaraela, mo e faoa he ha lautolu a tau matua; ko lautolu oti he tau heagaapi kua totou ke he tau kau ha lautolu, ko e ono e teau e afe ti tolu e afe, mo e lima e teau ti limagofulu.
33 Ka e nakai totou e tau tagata Levi fakalataha mo e fanau a Isaraela, tuga ne poaki mai ai e Iehova kia Mose.
34 Ti eke ni he fanau a Isaraela e tau mena oti tuga ne poaki mai ai e Iehova kia Mose; ne pihia ha lautolu a heapi ai fakalata ke he tau matini ha lautolu, ne pihia foki ha lautolu a o fenoga, ko e tagata mo e hana ni a magafaoa, mo e faoa ni he hana tau matua.