Numera 26:1-65
26 KUA mole atu e tatalu, ti vagahau mai ai a Iehova kia Mose mo Eleasaro ko e tama a Arona ko e ekepoa, kua pehe mai,
2 Kia totou e mua e fakapotopotoaga katoa he fanau a Isaraela ko lautolu oti kua lata ke totou, ke kamata mai he tau tagata ne uafulu ha lautolu a tau tau, katoa mo lautolu ne fakamua atu ke he tau magafaoa he ha lautolu a tau matua; ko lautolu oti kua malolo ke o atu ke tau i Isaraela.
3 Ti pehe atu a Mose mo Eleasaro ko e ekepoa kia lautolu ke he kelekele tatai a Moapi, ne tata age ki Ioritana, ne fehagai mo Ieriko, kua pehe atu,
4 Kia totou e mutolu e tau tagata ke kamata mai ia lautolu ne uafulu ha lautolu a tau tau, katoa mo lautolu ne fakamua atu; tuga ne poaki mai ai e Iehova kia Mose mo e fanau a Isaraela, ne o mai he motu ko Aikupito.
5 Ko Reupena ko e tama uluaki a Isaraela; ko e fanau a Reupena; ko Hanoka, ne tupu mai ai he tau tagata Hanoka; ko Falū ne tupu mai ai e magafaoa he tau tagata Falū;
6 Ko Hesarona ne tupu mai ai e magafaoa he tau tagata Hesarona; ko Karame ne tupu mai ai e magafaoa he tau tagata Karame.
7 Ko e tau magafaoa haia he tau tagata Reupena; ko lautolu ne totou ai ne fagofulu ma tolu e afe mo e fitu e teau ti tolugofulu e tagata.
8 Ko e tama foki a Falū, ko Eliapo.
9 Ko e tau tama foki a Eliapo, ko Nemueli, mo Tatano, mo Apiramo; ko Tatano mo Apiramo ia ne talahaua ke he fakapotopotoaga, ne taufetoko ai a lautolu kia Mose mo Arona, fakalataha mo e fakapotopotoaga a Koru, he tau a lautolu kia Iehova.
10 Ti fakamaga ai e gutu he kelekele mo e folo fua ai a lautolu fakalataha mo Koru, he mamate ai e fakapotopotoaga, ka kua fakaotioti ai he afi e tau tagata ua e teau mo e limagofulu; ti eke ai a lautolu mo fakamailoga.
11 Ka ko e fanau a Koru nakai mamate ai a lautolu.
12 Ko e fanau a Simeona ke he ha lautolu a tau magafaoa; ko Nemuelu ne tupu mai ai e magafaoa he tau tagata Nemuelu; ko Iaminu ne tupu mai ai e magafaoa he tau tagata Iaminu; ko Iakinu ne tupu mai ai e magafaoa he tau tagata Iakinu;
13 Ko Sara ne tupu mai ai e magafaoa he tau tagata Sara; ko Saulo ne tupu mai ai e magafaoa he tau tagata Saulo.
14 Ko e tau magafaoa haia he tau tagata Simeona, ne uafulu ma ua e afe ti ua e teau e tagata.
15 Ko e fanau a Kato ke he ha lautolu a tau magafaoa; ko Sifiono ne tupu mai ai e magafaoa he tau tagata Sifiono; ko Haki ne tupu mai ai e magafaoa he tau tagata Haki; ko Suni ne tupu mai ai e magafaoa he tau tagata Suni;
16 Ko Otini ne tupu mai ai e magafaoa he tau tagata Otini; ko Erī ne tupu mai ai e magafaoa he tau tagata Erī;
17 Ko Aroti ne tupu mai ai e magafaoa he tau tagata Aroti; ko Areli ne tupu mai ai e tau tagata Areli.
18 Ko e tau magafaoa haia he fanau a Kato; ko lautolu ne totou ai ne fagofulu e afe ti lima e teau e tagata.
19 Ko e fanau a Iuta, ko Eru mo Onani; ti mamate ai a Eru mo Onani ke he motu ko Kanana.
20 Ko e fanau foki a Iuta ke he ha lautolu a tau magafaoa; ko Sila ne tupu mai ai e magafaoa he tau tagata Sila; ko Faresa ne tupu mai ai e magafaoa he tau tagata Faresa; ko Siraha ne tupu mai ai e magafaoa he tau tagata Siraha.
21 Ko e fanau foki a Faresa; ko Hesarona ne tupu mai ai e magafaoa he tau tagata Hesarona; ko Hamulu ne tupu mai ai e magafaoa he tau tagata Hamulu.
22 Ko e tau magafaoa haia a Iuta; ko lautolu ne totou ai, ne fitugofulu ma ono e afe ti lima e teau e tagata.
23 Ko e fanau a Isakara ke he ha lautolu a tau magafaoa; ko Tulaga ne tupu mai ai e magafaoa he tau tagata Tulaga; ko Pua ne tupu mai ai e magafaoa he tau tagata Pua;
24 Ko Iasuvi; ne tupu mai ai e magafaoa he tau tagata Iasuvi; ko Semarona ne tupu mai ai e magafaoa he tau tagata Semarona.
25 Ko e tau magafaoa haia a Isakara; ko lautolu ne totou ai, ne onogofulu ma fa e afe ti tolu e teau e tagata.
26 Ko e fanau a Sepulona ke he ha lautolu a tau magafaoa; ko Sereta ne tupu mai ai e magafaoa he tau tagata Sereta; ko Aluna ne tupu mai ai e magafaoa he tau tagata Aluna; ko Ihalelu ne tupu mai ai e magafaoa he tau tagata Ihalelu.
27 Ko e tau magafaoa haia he tau tagata Sepulona; ko lautolu ne totou ai, ne onogofulu e afe ti lima e teau e tagata.
28 Ko e fanau a Iosefa ke he ha lautolu a tau magafaoa, ko Manase mo Efaraimo.
29 Ko e fanau a Manase; ko Makiro ne tupu mai ai e magafaoa he tau tagata Makiro; ne fanau foki e Makiro a Kiliata; ti tupu mai ia Kiliata e magafaoa he tau tagata Kiliata.
30 Ko e fanau hanai a Kiliata; ko Ieseru ne tupu mai ai e magafaoa he tau tagata Ieseru; ko Eleka ne tupu mai ai e magafaoa he tau tagata Eleka;
31 Ko Aserieli ne tupu mai ai e magafaoa he tau tagata Aserieli; ko Sekema ne tupu mai ai e magafaoa he tau tagata Sekema,
32 Ko Semita ne tupu mai ai e magafaoa he tau tagata Semita; ko Heferu ne tupu mai ai e magafaoa he tau tagata Heferu.
33 Ko Selofeata foki ko e tama a Heferu nakai fai tama tane a ia ka ko e tau tama fifine; ko e tau higoa foki he tau tama fifine a Selofeata hanai, ko Maala mo Noa, mo Hakelā, mo Meleka mo Tiresa,
34 Ko e tau magafaoa haia a Manase; ko lautolu ne totou ai, ne limagofulu ma ua e afe ti fitu e teau e tagata.
35 Ko e fanau hanai a Efaraimo ke he ha lautolu a tau magafaoa; ko Sutelu ne tupu mai ai e magafaoa he tau tagata Sutelu; ko Pekaru ne tupu mai ai e magafaoa he tau tagata Pekaru; ko Tahana ne tupu mai ai e magafaoa he tau tagata Tahana.
36 Ko e fanau hanai a Sutelu; ko Erana ne tupu mai ai e magafaoa he tau tagata Erana.
37 Ko e tau magafaoa ia he fanau a Efaraimo; ko lautolu ne totou ai, ne tolugofulu ma ua e afe ti lima e teau e tagata. Ko e fanau haia a Iosefa ke he ha lautolu a tau magafaoa.
38 Ko e fanau a Peniamina ke he ha lautolu a tau magafaoa; ko Pila ne tupu mai ai e magafaoa he tau tagata Pila; ko Asepelu ne tupu mai ai e magafaoa he tau tagata Asepelu, ko Ahiramo ne tupu mai ai e magafaoa he tau tagata Ahiramo;
39 Ko Supimo ne tupu mai ai e magafaoa he tau tagata Supimo; ko Hupimo ne tupu mai ai e magafaoa he tau tagata Hupimo;
40 Ko e tau tama hanai a Pilā, ko Aratu mo Naamanu; ne tupu mai ai Aratu e magafaoa he tau tagata Aratu; ne tupu mai ia Naamanu e magafaoa he tau tagata Naamanu;
41 Ko e fanau haia a Peniamina ke he ha lautolu a tau magafaoa; ko lautolu ne totou ai, ne fagofulu ma lima e afe ti ono e teau e tagata.
42 Ko e fanau hanai a Tano ke he ha lautolu a tau magafaoa; ko Suama ne tupu mai ai e magafaoa he tau tagata Suama. Ko e tau magafaoa haia a Tano ke he ha lautolu a tau magafaoa.
43 Ko e tau magafaoa oti he tau tagata Suama, ko lautolu ne totou ai, ne onogofulu ma fa e afe ti fa e teau e tagata.
44 Ko e fanau a Asera ke he ha lautolu a tau magafaoa; ko Iemina ne tupu mai ai e magafaoa he tau tagata Iemina; ko Iesivi; ne tupu mai ai e tau tagata Iesivi; ko Peria ne tupu mai ai e tau tagata Peria.
45 Ko e fanau a Peria; ko Kaveru ne tupu mai ai e magafaoa he tau tagata Kaveru; ko Mekielu ne tupu mai ai e magafaoa he tau tagata Mekielu.
46 Ko e higoa foki he tama fifine a Asera ko Sera haia.
47 Ko e tau magafaoa haia he fanau a Asera, ko lautolu ne totou ai, ne limagofulu ma tolu e afe ti fa e teau e tagata.
48 Ko e fanau a Nafatali ke he ha lautolu a tau magafaoa; ko Ihasielu ne tupu mai ai e magafaoa he tau tagata Ihasielu; ko Guni ne tupu mai ai e magafaoa he tau tagata Guni;
49 Ko Iesaru ne tupu mai ai e magafaoa he tau tagata Iesaru; ko Silemo ne tupu mai ai e magafaoa he tau tagata Silemo.
50 Ko e tau magafaoa haia a Mafatali ke he ha lautolu a tau magafaoa; ko lautolu ne totou ai, ne fagofulu ma lima e afe ti fa e teau e tagata.
51 Ko lautolu hanai ne totou ai he fanau a Isaraela, ko e ono e teau e afe ti taha e afe mo e ono e teau ti tolugofulu e tagata.
52 Ti vagahau mai a Iehova kia Mose, kua pehe mai,
53 Ko lautolu haia ne tufatufa atu ki ai e motu ke eke mo tufaaga ma lautolu, kia fakalata ke he tau higoa ha lautolu ka totou ai;
54 Kia fakalahi ai e tufaaga ke he tau tagata ne tokologa, ka ko lautolu ne tokogaogao, Kia uta ki ai e tufaaga tote; kia tufa atu ke he tagata e kelekele ke eke mana fakalataha ke he tau tagata ka totou ha ha ia ia.
55 Ka eke e vili ke tufa ai e motu; ti eke foki e lautolu ha lautolu a tau tufaaga fakalata ke he tau higoa he tau magafaoa he ha lautolu a tau matua;
56 Ti tufatufa ai foki fakalata ke he vili ko e tufaaga lahi katoa mo e e tufaaga tote.
57 Ko lautolu foki hanai ne totou ai he tau tagata Levi ke he ha lautolu a tau magafaoa; ko Keresoma ne tupu mai ai e magafaoa he tau tagata Keresoma; ko Koato ne tupu mai ai e magafaoa he tau tagata Koata; ko Merari ne tupu mai ai e magafaoa he tau tagata Merari.
58 Ko e tau magafaoa a Levi hanai; ko e magafaoa he tau tagata Lepeni, ko e magafaoa he tau tagata Heperona, ko e magafaoa he tau tagata Mahali, ko e magafaoa he tau tagata Muse, ko e magafaoa he tau tagata Koru. Ne fanau ai foki e Koato a Amaramo.
59 Ko e higoa foki he hoana a Amaramo ko Iokapeta, ko e tamafifine a Levi haia, ne fanau ai a ia kia Levi i Aikupito; ne fanau foki e ia kia Amaramo a Arona, mo Mose, mo e ha laua a mahakitaga ko Miriama.
60 Ne fanau ai foki kia Arona a Natapu mo Avihu, ko Eleasaro mo Itamaro.
61 Ka e mamate a Natapu mo Avihu he uta ai e laua e afi kehe ki mua a Iehova.
62 Ko lautolu foki ne totou ai ne uafulu ma tolu e afe, ko e tau tane oti, ke kamata mai ia lautolu ne taha ha lautolu a mahina katoa mo lautolu ne fakamua atu; ko e mena nakai totou a lautolu fakalataha mo e fanau a Isaraela, ha kua nakai fai tufaaga a lautolu fakalataha mo e fanau a Isaraela.
63 Ko lautolu haia ne totou ai e Mose mo Eleasaro ko e ekepoa; ko laua ne totou e fanau a Isaraela ke he kelekele tatai a Moapi, ne tata age ki Ioritana, ne fehagai mo Ieriko.
64 Ka e nakai ha ia lautolu na ha tagata tokotaha ne totou e Mose mo Arona ke e ekepoa he totou ai e laua e fanau a Isaraela ke he tutakale ko Sinai.
65 Ha ko e mena ne pehe mai a Iehova kia lautolu, Ke mamate ni a lautolu ke he tutakale. Nakai toe ha tagata tokotaha ia lautolu; ka ko Kalepa ko e tama a Iefuna, mo Iosua ko e tama a Nuno.