Numera 33:1-56
33 KO e tau fenoga hanai he fanau a Isaraela, he o mai ai a lautolu he motu ko Aikupito ke he ha lautolu a tau kau ke he pule a Mose mo Arona.
2 Ne tohi ai e Mose e tau mena ne o mai ai a lautolu ke he tau fenoga ha lautolu ke tuga ne kupu a Iehova, Ko e ha lautolu a tau fenoga hanai ke he tau mena ne o mai ai a lautolu.
3 Ne o fenoga ai a lautolu i Ramesi ke he mahina fakamua, ke he aho hogofulu ma lima he mahina fakamua; ke he pogipogi ne mole atu ai e paseka ne o mai ai e fanau a Isaraela mo e lima malolo ki mua a Aikupito oti.
4 Ha ko e mena tanu a Aikupito e tau tama uluaki oti ne ta e Iehova kia lautolu; ne fakahala foki e Iehova ha lautolu a tau atua.
5 Ti o ai e fanau a Isaraela i Ramesi, mo e heapi ai a lautolu i Sukota.
6 Ti o a lautolu i Sukota, mo e heapi ai i Etama, ha ha he kala he tutakale.
7 Ne o ai a lautolu i Etama ti liliu atu foki a lautolu ki Pehairota, kua fehagai mo Paalasefono, mo e heapi ai a lautolu ki mua a Mikatolo.
8 Ne o a lautolu mai mua a Airota, ti o atu ai a lautolu ke he vaha loto he tahi, ti o fenoga ai a lautolu po tolu ke he tutakale ko Etama, ti heapi ai a lautolu i Mara.
9 Ti o ai a lautolu i Mara kua hohoko atu a lautolu ki Ailima; ha i ai hogofulu ma ua e vaipuna, mo e tau pama ne fitugofulu; kua he api ai a lautolu.
10 Ti o ai a lautolu i Ailima, mo e heapi a lautolu tata age ke he tahi Kula.
11 Ti o ai a lautolu he tahi Kula, mo e he api ai ke he tutakale ko Sina.
12 Ti o ai a lautolu he tutakale ko Sina, mo e he api a lautolu i Tapeka.
13 Ti o ai a lautolu i Tapeka, mo e heapi a lautolu i Alusa.
14 Ti o ai a lautolu i Alusa, mo e heapi a lautolu i Refiti; ti nakai toka ai ha vai ke he mena ia ke inu ai e motu.
15 Ti o ai a lautolu i Refiti, mo e heapi a lautolu ke he tutakale ko Sinai.
16 Ti o ai a lautolu he tutakale ko Sinai, mo e he api a lautolu i Kiperota-hatava.
17 Ti o ai a lautolu i Kiperota-hatava, mo e he api a lautolu i Haserota.
18 Ti o ai a lautolu i Haserota, mo e heapi a lautolu i Ritima.
19 Ti o ai a lautolu i Ritima, mo e heapi a lautolu i Rimoni-paresa.
20 Ti o ai a lautolu i Rimoni-paresa, mo e he api a lautolu i Lipena.
21 Ti o ai a lautolu i Lipena, mo e heapi a lautolu i Risa.
22 Ti o ai a lautolu i Risa, mo e heapi a lautolu i Kelata.
23 Ti o ai a lautolu i Kelata, mo e heapi a lautolu ke he mouga ko Safera.
24 Ti o ai lautolu e mouga ko Safera, mo e heapi a lautolu i Harata.
25 Ti o ai a lautolu i Harata, mo e heapi a lautolu i Makelota,
26 Ti o ai a lautolu i Makelota, mo e heapi a lautolu i Tahata.
27 Ti o ai a lautolu i Tahata, mo e heapi a lautolu i Tara.
28 Ti o ai a lautolu i Tara, mo e heapi a lautolu i Miteka.
29 Ti o ai a lautolu i Miteka, mo e heapi a lautolu i Hasamoni;
30 Ti o ai a lautolu i Hasamoni, mo e heapi a lautolu i Moserota.
31 Ti o ai a lautolu i Moserota, mo e heapi a lautolu i Peneakana.
32 Ti o ai a lautolu i Peneakana, mo e heapi a lautolu i Horokikata.
33 Ti o ai a lautolu i Horokikata, mo e heapi a lautolu i Iatipata.
34 Ti o ai a lautolu i Iatipata, mo e heapi a lautolu i Aperona.
35 Ti o ai a lautolu i Aperona, mo e heapi a lautolu i Etiokape.
36 Ti o ai a lautolu i Etiokape, mo e heapi a lautolu ke he tutakale ko Tisina, ko Katesa haia.
37 Ti o ai a lautolu i Katesa, mo e heapi a lautolu ke he mouga ko Horo ke he kala he motu ko Etoma.
38 Ne hake a Arona ko e ekepoa ke he mouga ko Horo, tuga ne poaki a Iehova, ti mate ai a ia ke he mena ia ke he tau fagofulu tali he o mai e fanau a Isaraela he motu ko Aikupito, ke he aho fakamua he mahina lima.
39 Ne taha teau ti uafulu ma tolu e tau a Arona ti mate ai a ia ke he mouga ko Horo.
40 Ti logona ai he patuiki ko Arata, ko e tagata Kanana, ne nofo a ia ke he motu ko Kanana, ke he fahi toga, kua o mai e fanau a Isaraela.
41 Ti o ai a lautolu he mouga ko Horo, mo e he api a lautolu i Salemoni.
42 Ti o ai a lautolu i Salemoni, mo e heapi a lautolu i Pinono.
43 Ti o ai a lautolu i Pinono, mo e heapi a lautolu i Opoto.
44 Ti o ai a lautolu i Opoto, mo e heapi a lautolu i Ieaperima, ha he tau katofia a Moapi.
45 Ti o ai a lautolu i Iima, mo e heapi a lautolu i Tipona-kato.
46 Ti o ai a lautolu i Tipona-kato, mo e heapi a lautolu i Alemoni-tipelata.
47 Ti o ai a lautolu: Alemoni-tipelata, mo e heapi a lautolu ke he tau mouga a Aperima, ne fehagai mo Nepo.
48 Ti o ai a lautolu he tau mouga a Aperima, mo e he api ke he kelekele tatai a Moapi ne tata age ki Ioritana ne fehagai mo Ieriko.
49 Ti heapi ai a lautolu tata age ki Ioritana, i Petesemota, ke hoko atu ki Apelasitima, ke he kelekele tatai a Moapi.
50 Ti vagahau mai a Iehova kia Mose ke he kelekele tatai a Moapi, he tata age ki Ioritana, ne fehagai mo Ieriko, kua pehe mai,
51 Kia vagahau atu a koe ke he fanau a Isaraela, ti pehe atu a koe kia lautolu, Ka hohoko atu a mutolu ke he fahi atu a Ioritana ke he motu ko Kanana,
52 Ti vega e mutolu ki mua ia mutolu a lautolu oti kua nonofo ke he motu, ti moumou e mutolu ha lautolu a tau fakatino oti kana; ti moumou foki e mutolu ha lautolu a tau tupua lapatoa oti ni; ko e ha lautolu a tau mena tokoluga oti kia moumou fakaoti ni e mutolu.
53 Kia vega e mutolu a lautolu he motu, mo e nonofo ai a mutolu; ha kua foaki atu e au e motu ia kia mutolu ke eke ni ma mutolu.
54 Kia tufatufa e mutolu e motu ke he vili ke eke mo tufaaga ke he ha mutolu a tau magafaoa; kia fakalahi e mutolu ha lautolu a tufaaga ke he tokologa; ka ko e tokogaogao kia fakatote kia lautolu ha lautolu a tufaaga; ko e mena ke hagao ki ai e vili he tagata to eke ia māna, ti moua ai e mutolu e fonua ma mutolu ke he tau magafaoa he ha mutolu a tau matua.
55 Kaeke ke nakai vega e mutolu mai mua ia mutolu a lautolu kua nonofo ke he motu, ti eke ni a lautolu kua toka e mutolu, mo tau mena mahukihuki ke he ha mutolu e tau mata, mo tau akau fotofoto foki ke he ha mutolu a tau kahokaho, ti fakamamahi e lautolu a mutolu ke he motu kua nonofo ai a mutolu.
56 Ti hoko foki ke eke ai e au kia mutolu tuga ne manatu e au ke eke kia lautolu.