Numera 7:1-89
7 KUA hoko ke he aho ne fakaoti ai e Mose e faituga he fakatu, mo e fakauku ai, mo e fakatapu ai, mo e tau mena oti ha i ai, ko e fatapoa foki mo e hana tau mena oti ne fakauku ai e ia mo e fakatapu ai.
2 Ti ekepoa ai he tau iki a Isaraela, ko e tau patu he faoa he ha lautolu a tau matua, ko e tau iki a lautolu he tau magafaoa ha lautolu, ko lautolu ia ne pule kia lautolu ne totou,
3 Kua ta mai e lautolu ha lautolu a tau poa ki mua a Iehova, ko e ono e fata fakataveli kua ufiufi, mo e tau povi ne hogofulu ma ua; ko e takitokoua e iki mo e taha fata fakataveli, mo e ha lautolu a tau povi ne takitaha; kua ta mai e lautolu e tau mena oti ia ki mua he faituga.
4 Ti tala mai e Iehova kia Mose, kua pehe mai,
5 Kia talia e koe e tau mena ia ia lautolu, kia eke ai e tau gahua he fale uta fano he tutuutaga; ti tuku atu ia ke he tau tagata Levi, ko e tagata mo e mena ke lata mo e hana gahua.
6 Ti talia ai e Mose e tau fata fakataveli mo e tau povi, mo e tuku atu ai ke he tau tagata Levi.
7 Ne tuku atu e ia ua e fata fakataveli mo e fa e povi ke he fanau a Keresoma, fakalata ke he ha lautolu a tau gahua.
8 Ko e fa foki e fata fakataveli mo e valu e povi ne tuku atu e ia ke he fanau a Merari, fakalata ke he ha lautolu a tau gahua ke he pule a Itamaro ko e tama a Arona ko e ekepoa.
9 Ka e nakai tuku atu e ia ha mena ke he fanau a Koato; ha ko e gahua he faituga ne toka kia lautolu, ne tauloto ia ke he tau fulima ha lautolu.
10 Kaa eke poa foki he tau iki ke fakatapu ai e fatapoa ke he aho ne koukou ai ti ta mai ai he tau iki ha lautolu a tau poa ki mua he fatapoa.
11 Ti pehe mai a Iehova kia Mose, kia takitaha e iki mo e hana aho ke ta mai ai e lautolu ha lautolu a tau poa ke he mene ne fakatapu ai e fatapoa.
12 Ko ia ne ta mai ai hana poa ke he aho fakamua, ko Nasona ia ko e tama a Aminatapu, he magafaoa a Iuta;
13 Ko e hana poa foki ko e taha kapiniu lapalapa ario, ko e hana mamafa ne taha e teau to tolugofulu e sikeli; ti taha foki e kapiniu ario, ne fitugofulu e sikeli hana mamafa, fakalata ke he sikeli he faituga; kua puke e na mena ua ia ke he falaoa mitaki kua laku mo e puke lolo ke eke mo poa mena kai;
14 Ko e taha kapiniu ahu auro, ne hogofulu e sikeli hana mamafa, kua puke ke he mena manogi ke huhunu;
15 Ko e taha punua povi mo e mamoe tane, mo e taha punua mamoe tau taha, ke eke mo poa huhunu;
16 Ko e taha koti tane, ke eke mo poa ha ko e hala;
17 Ti ua foki e povi, ko e tau mamoe tane ne lima, ko e tau koti tane ne lima, mo e tau punua mamoe ne lima tau taha, ke eke mo poa fakaaue; ko e poa haia a Nasona ko e tama a Aminatapu.
18 Ko e aho ua ne ta mai ai e Natanielu ko e tama a Suaro, ko e iki a Isakara hana mena;
19 Ne tamai ai e ia hana poa, ko e taha kapiniu lapalapa ario, ne taha e teau ti tolugofulu e sikeli hana mamafa, ko e taha kapiniu ario ne fitugofulu e sikeli hana mamafa, fakalata ke he sikeli he faituga; kua puke e na mena ua ia ke he falaoa mitaki kua laku mo e puke lolo ke eke mo poa mena kai.
20 Ko e taha kapiniu ahu auro, ne hogofulu e sikeli hana mamafa kua puke ke he mena manogi ke huhunu;
21 Ko e taha punua povi tane, ko e taha mamoe tane, mo e taha punua mamoe tau taha ke eke mo poa huhunu;
22 Ko e taha koti tane, ke eke mo poa ha ko e hala;
23 Ti ua foki e povi, ko e lima e mamoe tane, ko e lima e koti tane, mo e tau punua mamoe ne lima tau taha, ke eke mo poa fakaaue; ko e poa haia a Natanielu ko e tama a Suaro.
24 Ko e aho tolu ne eke poa ai he iki he fanau a Sepulona, ko Eliapo haia ko e tama a Helona;
25 Ko e hana poa ko e taha kapiniu lapalapa ario, ko e hana mamafa ne taha e teau ti tolugofulu e sikeli, ko e taha kapiniu ario, ne fitugofulu e sikeli hana mamafa, fakalata ke he sikeli he faituga; kua puke ai e na mena ua ia ke he falaoa mitaki kua laku mo e puke lolo ke eke mo poa mena kai;
26 Ko e taha kapiniu ahu auro, ko e hogofulu e sikeli hana mamafa, kua puke ai ke he mena manogi ke huhunu;
27 Ko e taha punua povi tane, ko e taha mamoe tane, mo e taha punua mamoe tau taha, ke eke mo poa huhunu;
28 Ko e taha koti tane, ke eke mo poa ha ko e hala;
29 Ti ua foki e povi, ko e tau mamoe tane ne lima, ko e tau koti tane ne lima, mo e tau punua mamoe ne lima kua tau taha; ke eke mo poa fakaaue ko e poa haia a Eliapo ko e tama a Helona.
30 Ko e aho fa ne eke poa ai he iki he fanau a Reupena, ko Elisura haia ko e tama a Seturo;
31 Ko e hana poa ko e taha kapiniu lapalapa ario, ko e hana mamafa ko e taha teau ti tolugofulu e sikeli, ko e taha kapiniu ario, ne fitugofulu e sikeli hana mamafa, fakalata ke he sikeli he faituga; kua puke ai e na mena ua ia ke he falaoa mitaki kua laku mo e puke lolo ke eke mo poa mena kai;
32 Ko e taha kapiniu ahu auro, ne hogofulu e sikeli hana mamafa, kua puke ai ke he mena manogi ke huhunu;
33 Ko e taha punua povi tane, ko e taha mamoe tane, mo e taha e punua mamoe tau taha, ke eke mo poa huhunu;
34 Ko e taha koti tane ke eke mo poa ha ko e hala;
35 Ti ua foki e povi, ko e lima e mamoe tane, ko e lima e koti tane, mo e lima e punua mamoe tau taha, ke eke mo poa fakaaue; ko e poa haia a Elisura ko e tama a Seturo.
36 Ko e aho lima ne eke poa ai he iki he fanau a Simeona, ko Salumielu haia ko e tama a Surisatai;
37 Ko e hana poa ko e taha kapiniu lapalapa ario, ko e hana mamafa ne taha e teau ti tolugofulu e sikeli, ko e taha kapiniu ario, ne fitugofulu e sikeli hana mamafa, fakalata ke he sikeli he faituga kua puke e na mena ua ia ke he falaoa mitaki kua laku mo e puke lolo ke eke mo poa mena kai;
38 Ko e taha kapiniu ahu auro, ne hogofulu e sikeli hana mamafa, kua puke ke he mena manogi ke huhunu;
39 Ko e taha punua povi tane, ko e taha mamoe tane, mo e taha punua mamoe tane tau taha, ke eke mo poa huhunu;
40 Ko e taha koti tane, ke eke mo poa ha ko e hala;
41 Ti ua foki e povi, ko e lima e mamoe tane, ko e lima e koti tane, mo e lima e punua mamoe tau taha, ke eke mo poa fakaaue; ko e poa haia a Salumielu ko e tama a Surisatai.
42 Ko e aho ono ne eke poa ai he iki he fanau a Kato, ko Elisafo haia ko e tama a Tuelu;
43 Ko e hana poa ko e taha kapiniu lapalapa ario, ko e hana mamafa ko e taha e teau ti tolugofulu e sikeli, ko e taha kapiniu ario ne fitugofulu e sikeli hana mamafa, fakalata ke he sikeli he faituga; kua puke e na mena ua ia ke he falaoa mitaki kua laku mo e puke lolo ke eke mo poa mena kai;
44 Ko e kapiniu ahu auro, ne hogofulu e sikeli hana mamafa, kua puke ke he mena manogi ke huhunu;
45 Ko e taha punua povi tane, ko e taha e mamoe tane, mo e taha punua mamoe tau taha, ke eke mo poa huhunu;
46 Ko e taha koti, tane, ke eke mo poa ha ko e hala;
47 Ti ua foki e povi, ko e lima e mamoe tane, ko e lima e koti tane, mo e lima e punua mamoe tau taha, ke eke mo poa fakaaue; ko e poa haia a Elisafo ko e tama a Tuelu.
48 Ko e aho fitu ne eke poa ai he iki he fanau a Efaraimo, ko Elisama haia ko e tama a Amihuta;
49 Ko e hana poa ko e taha kapiniu lapalapa ario, ko e hana mamafa ko e taha e teau ti tolugofulu e sikeli, ko e taha kapiniu ario, ne fitugofulu e sikeli hana mamafa, fakalata ke he sikeli he faituga; kua puke e na mena ua ia ke he falaoa mitaki kua laku mo e puke lolo ke eke mo poa mena kai;
50 Ko e taha kapiniu ahu auro, ne hogofulu e sikeli hana mamafa, kua puke ke he mena manogi ke huhunu;
51 Ko e taha punua povi tane, ko e taha mamoe tane, mo e taha punua mamoe tau taha, ke eke mo poa huhunu;
52 Ko e taha koti tane, ke eke mo poa ha ko e hala;
53 Ti ua foki e povi, ko e lima e mamoe tane, ko e lima e koti tane ti lima e punua mamoe tau taha, ke eke mo poa fakaaue; ko e poa haia a Elisama ko e tama a Amihuta.
54 Ko e aho valu ne eke poa ai he iki he fanau a Manase, ko Kamalielu haia ko e tama a Petasuro;
55 Ko e hana poa ko e taha kapiniu lapalapa ario, ko e hana mamafa ne taha e teau ti tolugofulu e sikeli, ko e taha kapiniu ario, ne fitugofulu e sikeli hana mamafa, fakalata ke he sikeli he faituga; kua puke e na mena ua ia ke he falaoa mitaki kua laku mo e puke lolo ke eke mo poa mena kai;
56 Ko e taha kapiniu ahu auro, ne hogofulu e sikeli hana mamafa, kua puke ke he mena manogi ke huhunu;
57 Ko e taha punua povi tane, ko e taha mamoe tane, mo e taha punua mamoe tau taha, ke eke mo poa huhunu;
58 Ko e taha koti tane, ke eke mo poa ha ko e hala;
59 Ti ua foki e povi, ko e lima e mamoe tane, ko e lima e koti tane, mo e lima e punua mamoe tau taha, ke eke mo poa fakaaue; ko e poa haia a Kamalielu ko e tama a Petasuro.
60 Ko e aho hiva ne eke poa ai he iki he fanau a Peniamina, ko Apitano haia ko e tama a Kitione;
61 Ko e hana poa, ko e kapiniu lapalapa ario, ko e hana mamafa ko e taha e teau ti tolugofulu e sikeli, ko e taha kapiniu ario, ne fitugofulu e sikeli hana mamafa, fakalata ke he sikeli he faituga; kua puke e na mena ua ia ke he falaoa mitaki kua laku mo e puke lolo ke eke mo poa mena kai;
62 Ko e taha kapiniu ahu auro, ne hogofulu e sikeli hana mamafa, kua puke ke he mena manogi ke huhunu;
63 Ko e taha punua povi, ko e taha mamoe tane, mo e taha punua mamoe tau taha, ke eke mo poa huhunu;
64 Ko e taha koti tane, ke eke mo poa ha ko e hala;
65 Ti ua foki e povi, ko e lima e mamoe tane, ko e lima e koti tane, mo e lima e punua mamoe tau taha, ke eke mo poa fakaaue; ko e poa haia a Apitano ko e tama a Kitione.
66 Ko e aho hogofulu ne eke poa ai he iki he fanau a Tano, ko Ahieseru ko e tama a Amisatai;
67 Ko e hana poa ko e taha kapiniu lapalapa ario, ne taha teau ti tolugofulu e sikeli hana mamafa, ko e taha kapiniu ario ne fitugofulu e sikeli hana mamafa, fakalata ke he sikeli he faituga; kua puke e na mena ua ia ke he falaoa mitaki kua laku mo e puke lolo ke eke mo poa mena kai;
68 Ko e taha kapiniu ahu auro, ne hogofulu e sikeli hana mamafa, kua puke ke he mena manogi ke huhunu;
69 Ko e taha punua povi tane, ko e taha mamoe tane, mo e taha punua mamoe tau taha, ke eke mo poa huhunu;
70 Ko e taha koti tane, ke eke mo poa ha ko e hala;
71 Ti ua foki e povi, ko e lima e mamoe tane, ko e lima e koti tane, mo e lima e punua mamoe tau taha, ke eke mo poa fakaaue; ko e poa haia a Ahieseru ko e tama a Amisatai.
72 Ko e aho hogofulu ma taha ne eke poa ai he iki he fanau a Asera, ko Pagielu haia ko e tama a Okirano;
73 Ko e hana poa ko e taha kapiniu lapalapa ario, ko e hana mamafa ne taha e teau ti tolugofulu e sikeli, ko e taha kapiniu ario, ne fitugofulu e sikeli hana mamafa, fakalata ke he sikeli he faituga; kua puke e na mena ua ia ke he falaoa mitaki kua laku mo e puke lolo ke eke mo poa mena kai;
74 Ko e taha kapiniu ahu auro, ne hogofulu e sikeli hana mamafa, kua puke ke he mena manogi ke huhunu;
75 Ko e taha punua povi tane, ko e taha mamoe tane, mo e taha punua mamoe tau taha, ke eke mo poa huhunu;
76 Ko e taha koti tane, ke eke mo poa ha ko e hala;
77 Ti ua foki e povi, ko e lima e mamoe tane, ko e lima e koti tane, mo e lima e punua mamoe tau taha, ke eke mo poa fakaaue; ko e poa haia a Pagielu ko e tama a Okirano.
78 Ko e aho hogofulu ma ua ne eke poa ai he iki he fanau a Nafatali, ko Akira haia ko e tama a Enano;
79 Ko e hana poa ko e taha kapiniu lapalapa ario, ko e hana mamafa ne taha teau ti tolugofulu e sikeli, ko e taha kapiniu ario, ne fitugofulu e sikeli hana mamafa, fakalata ke he sikeli he faituga; kua puke ai e na mena ua ia ke he falaoa mitaki kua laku mo e puke lolo ke eke mo poa mena kai;
80 Ko e taha kapiniu ahu auro, ne hogofulu e sikeli hana mamafa, kua puke ke he mena manogi ke huhunu;
81 Ko e taha punua povi tane, ko e taha mamoe tane, mo e taha punua mamoe tau taha; ke eke mo poa huhunu;
82 Ko e taha koti tane, ke eke mo poa ha ko e hala;
83 Ti ua foki e povi, ko e lima e mamoe tane, ko e lima e koti tane, mo e lima e punua mamoe tau taha, ke eke mo poa fakaaue; ko e poa haia a Akira ko e tama a Enano.
84 Ko e fakatapu he fatapoa hanai he tau iki a Isaraela ke he aho ne fakatapu ai a ia; ko e tau kapiniu lapalapa ario ne hogofulu ma ua, ko e tau kapiniu ahu auro ne hogofulu ma ua;
85 Ko e tau kapiniu lapalapa ario ne takitaha e teau ti tolugofulu e sikeli ha lautolu a mamafa, ko e tau kapiniu ario ne taki fitugofulu e sikeli ha lautolu a mamafa, ko e tau mena ario oti ko e ua e afe ti fa e teau e sikeli ia, fakalata ke he sikeli he faituga;
86 Ko e tau kapiniu ahu auro ne hogofulu ma ua ne puke ke he mena manogi ke huhunu, ko e taki hogofulu e sikeli ha lautolu a mamafa, fakalata ke he sikeli he faituga; ko e auro oti he tau kapiniu ahu ne taha e teau ti uafulu e sikeli.
87 Ko e tau povi oti ke eke mo poa huhunu ne hogofulu ma ua e povi, ko e tau mamoe tane ne hogofulu ma ua, mo e tau punua mamoe tau taha ne hogofulu ma ua, mo e ha lautolu a tau poa mena kai; ko e tau koti tane foki ne hogofulu ma ua ke eke mo poa ha ko e hala.
88 Ko e tau povi oti foki ke eke mo poa fakaaue ko e uafulu ma fa e povi tane ia, ko e tau mamoe tane ne onogofulu, ko e tau koti tane ne onogofulu, ko e tau punua mamoe tau taha ne onogofulu. Ko e fakatapu haia he fatapoa ka kua oti hana koukou ai.
89 Kua hu atu ai a Mose ke he fale uta fano he tutuutaga ke vagahau ai mo Iehova, ti logona ai e ia e leo kua vagahau kia ia mai he haeleaga he fakaalofa noa ha ha i luga he puha he fakatufono, mai he vaha loto he tau kerupi ne ua; kua vagahau mai ni kia ia.