Tau Salamo 101:1-8
101 To lologo atu e au e fakaalofa mo e fakafiliaga, Iehova na e, to uhu lologo e au kia koe.
2 To mahani iloilo au ke he puhala hakohako; to haele mai a koe a fe kia au? to mahani au mo e loto hako ki mua he magafaoa haku.
3 Nakai tuku e au ki mua haku ha mena kelea, kua fakavihia e au e mahani ha lautolu ni liliu kehe, nakai pipiki mai ia kia au.
4 To toka kehe e au a ia kua loto hepehepe; ti nakai feoaki au mo e tagata mahani kelea.
5 Ko ia ne ekefakakelea ki tua ke he tagata kua katofia mo ia, to keli e au a ia; ko ia ne mata fakatokoluga mo e loto fakaikaluga, nakai maeke e au e tagata ia.
6 Kua fia kitia e au e tau tagata fakamoli he motu ke nofo mo au; ko ia ne fano ke he puhala hakohako, ko ia ni ke fekafekau mai kia au.
7 Nakai nofo ke he haku magafaoa ha tagata kua eke mena fakavai; nakai nofo ki mua haku taha kua vagahau pikopiko.
8 To kelipopo e au ke he tau mogoho pogipogi a lautolu oti ha he motu kua mahani kelea, kia vevehe kehe mo e maga a Iehova a lautolu oti kana kua eke mena kelea.