Tau Salamo 108:1-13
108 KO e Atua na e, kua mau haku loto, to lologo ni au, to uhu lologo ni haku a lilifu kia koe.
2 Kia ala ā e napeli mo e kitara, to ala au ke he magaaho pogipogi ni.
3 Iehova na e, to fakaheke atu au kia koe ki mua he motu, to uhu lologo foki e au kia koe ki mua he tau tagata.
4 Ha kua homo atu hāu a fakaalofa ke he tokoluga he lagi, ko e hāu a fakamoli foki kua hoko ia ke he tau aolagi.
5 Ko e Atua na e, kia tokoluga a koe ki luga he lagi, kia ha i ai foki ke he lalolagi oti hāu a lilifu.
6 Kia laveaki ai a lautolu ne fakahelehele e koe, kia fakamoui mai e koe ke he hāu a lima matau, mo e fanogonogo mai a koe kia au.
7 Kua vagahau mai e Atua ke he hana faituga, To fiafia ni au, to tufatufa e au a Sikema, ko e pahua a Sukota to fafati ni e au a ia.
8 Ha ha ia au a Kiliata, ha ha ia au a Manase; to eke foki a Efaraimo mo malolo he haku a ulu; ko e haku a tui ko Iuta ia.
9 Ko Moapi ko e haku a kapiniu holoholo ia; to liti atu e au haku a afialoalohui ki Etoma; to kalaga au he haku a kautu kia Filisitia.
10 Ko hai kia ke uta au ke he maga kua puipui? Ko hai kia ke takitaki leva au ki Etoma?
11 Nakai kia ko koe, ko e Atua kua tiaki a mautolu, mo e nakai haele atu a koe, ma Atua na e, fakalataha mo e ha mautolu a kau?
12 Kia lagomatai mai a koe kia mautolu ke he matematekelea, ha kua nakai aoga e fakamouiaga mai he tau tagata.
13 Ko e Atua ni ke eke ai a mautolu mo tau toa, ha ko ia ni ke taholi ki lalo a lautolu kua favale mai kia mautolu.