Tau Salamo 110:1-7
110 KUA pehe mai e kupu a Iehova ke he haku a Iki, Kia nofo a koe ke he haku a lima matau, ato eke e au a lautolu kua fai fi kia koe mo fakatuaga hui hāu.
2 To fakafano atu e Iehova i Siona e tokotoko he hāu a malolo; kia pule a koe ki mua ha lautolu kua fai fi kia koe.
3 To eke poa mo loto hāu a tau tagata ke he aho he hāu a malolo mo e tau mena fulufuluola tapu mai he manava he matafatafa ata he aho; ha i ai ia koe e hahau he hāu a fuata.
4 Kua omonuo e Iehova, nakai tokihala ni a ia, Ko e ekepoa a koe tukulagi ke he kainaga fakalataha mo Mekisateko.
5 Ko e Iki ha he fahi matau hāu, kua keli e ia e tau patuiki ke he aho he hana ita.
6 To fakafili e ia e tau motu kehe, to fakapuke ai e ia ke he tau tino he tau tagata mamate, to ihi e ia e tau ulu he tau motu loga.
7 To inu e ia ke he vai lele ha he puhala, ko e mena ia ke tokoluga ai hana ulu.