Tau Salamo 12:1-8
12 IEHOVA na e, fakamoui mai ā; ha kua fakahiku tuai e tau tagata tapu; ha kua mole atu e tau tagata fakamoli mai he fanau he tau tagata.
2 Kua vagahau pikopiko e tau tagata takitokotaha mo e tagata kua katofia mo ia; kua vagavagahau a lautolu ke he tau laugutu molemole mo e loto ua.
3 Kia hehele motu e Iehova e tau laugutu molemole oti kana, mo e alelo kua vagahau fakatokoluga;
4 Ko lautolu ne pehe mai, Ko e ha tautolu a tau alelo ke kautu ai a tautolu, ha tautolu a tau laugutu ko e ha tautolu ni haia; ko hai kia ha tautolu a iki?
5 Ha kua pehia he favale a lautolu kua matematekelea, mo e tauoi a lautolu kua nonofogati, kua pehe mai a Iehova, To tu atu ainei au, mo e tuku atu e au ke he mena ke moui ai, e tagata kua manako ki ai.
6 Ko e tau vagahau a Iehova ko e tau vagahau meā haia; ko e ario kua vevehe kehe mai he kelekele ke he gutuumu, lagafitu ni he fakamea.
7 Ko koe ni, Iehova na e, ke leveki a lautolu; to leoleo e koe a ia mai he hau nai ato hoko ke he fakahikuaga.
8 Kua evaeva takai a lautolu kua mahani kelea, ha kua fakatu hake ai a ia kua mua he matahavala ke he fanau he tau tagata.