Tau Salamo 124:1-8
124 AUA he ha i ai a Iehova ia tautolu, kia pehe atu ai a Isaraela;
2 Aua he ha i ai a Iehova ia tautolu, ka kua tutu mai e tau tagata kia tautolu;
3 Po kua folo moui e lautolu a tautolu he tupu lahi ai ha lautolu a ita mai kia tautolu;
4 Po kua mahaikava a tautolu he vai; po kua tanumia a tautolu ke he vailele;
5 Po kua lele mai e vai fakatokoluga ki luga ha tautolu.
6 Kia fakamonu kia Iehova, ko ia kua nakai tuku atu a tautolu ke hēhē he tau nifo ha lautolu.
7 Kua fehola a tautolu tuga ne manu lele mai he matahele he tagata takafaga; kua motu e matahele, ti kua fehola a tautolu.
8 Ha tautolu a lagomatai ha he higoa a Iehova ia, ko ia ne eke e lagi katoa mo e lalolagi.