Tau Salamo 130:1-8
130 IEHOVA na e, kua ui atu au kia koe mai he tau mena hokulo;
2 Ko e Iki na e, kia fanogonogo mai a koe ke he haku a leo; kia haga mai hāu a na teliga ke he leo he haku a ole atu.
3 Ioha na e, ane mai tokaloto e koe e tau mahani hepehepe, po ko hai, ma Iki na e, ke maeke ke tu atu?
4 Ka e ha ha ia koe ke fakamagalo e tau hala, kia matakutakuina ai a koe.
5 Kua tatali atu au kia Iehova, kua tatali atu haku agaga; kua amaamanaki foki au ke he hana kupu.
6 Kua talifaki fakalahi haku agaga ke he Iki, ka e fakatote e tau leoleo ke aho, ko e tau leoleo kua talifaki ke aho.
7 Kia amaamanaki a Isaraela kia Iehova; ha ko e ha ha ia Iehova e fakaalofa, ha ia ia foki e fakamouiaga lahi.
8 Ko ia ni ke laveaki a Isaraela mai he tau mahani hepehepe oti kana ha lautolu.