Tau Salamo 137:1-9
137 NE nonofo a mautolu ke he kauvai he tau vai lele i Papelonia, ne tagi ai a mautolu he manatu e mautolu a Siona.
2 Ne tautau e mautolu ha mautolu a tau kitara ki luga he tau garava ha i ai.
3 Ha ko e mena fekau a mautolu e lautolu ne fakapaea a mautolu ke lologo atu e tau kupu he lologo; ko lautolu ne favale mai kia mautolu kua fekau mai ke fiafia a mautolu, kua pehe mai, Kia lologo mai a mutolu e falu a lologo Siona.
4 To maeke fefe ia mautolu ke lologo e lologo a Iehova ke he motu kehe?
5 Ierusalema na e, kaeke ke nimo ia au a koe, kia nimo haku a lima matau hana a tufuga;
6 Kaeke ke nakai manatu e au a koe, kia piki haku alelo ke he aloalogutu haku, kaeke ke nakai eke e au a Ierusalema mo mataulu he haku a fiafia.
7 Iehova na e, kia manatu e koe e fanau a Etoma ke he aho a Ierusalema; ko lautolu ne pehe age, Ati ulu a ki lalo! ulu ā ki lalo, ato hoko ke he tau fakaveaga.
8 Ko e tama fifine a Papelonia na e, ko koe ke moumou, uhoaki e tagata ke taui kia koe e mahani ne mahani mai ai a koe kia mautolu.
9 Uhoaki a ia ka toto hāu a tau tama mukemuke mo e palu ke he tau patuo.