Tau Salamo 14:1-7
14 KUA pehe hifo e tagata goagoa ke he hana loto, Nakai fai Atua. Kua kelea ni a lautolu; kua fakalialia ha lautolu a tau mahani; nakai fakai taha ke mahani mitaki;
2 Kua kitekite hifo a Iehova mai he lagi ke he fanau he tau tagata, ke fioia po ke ha i ai taha kua mahani iloilo, taha kua kumi ke he Atua.
3 Kua mafoki kehe a lautolu oti, kua kelea fakalataha a lautolu; nakai fai tagata mahani mitaki, nakai fakai ni taha.
4 Nakai kia iloa e lautolu oti kua mahani hepehepe? Kua kai e lautolu haku motu tuga ne kai e lautolu e mena kai; kua nakai ui a lautolu kia Iehova.
5 Ne matakutaku lahi a lautolu ke he mena ia; ha ko e mena ha i ai e Atua ke he hau he tau tagata tututonu.
6 Kua fakafiu e mutolu e fifiliaga he tagata tututonu; ha ko e hana kolo ko Iehova haia.
7 Ko hai taha ke tamai i Siona e fakamouiaga a Isaraela? Ka liuaki e Iehova e paeaaga he hana motu, ti olioli ai a Iakopo, ti fiafia ai a Isaraela.