Tau Salamo 142:1-7
142 NE kalaga atu kia Iehova ke he haku a leo; ne ole atu au kia Iehova ke he haku a leo.
2 Kua liligi atu e au haku a tagi ki mua hana; kua fakakite atu e au haku a matematekelea ki mua hana;
3 Ka lolelole haku a loto ki loto ia au, ti fioia ai e koe haku a puhala; kua tuku e lautolu e matahele maku ke he puhala ke fano ai au.
4 Kia hagao atu ke he fahi matau, mo e kitekite, nakai fia iloa e taha au; kua nakai fai kolo au, kua nakai kumi e taha kia moui au.
5 Iehova na e, kua tagi atu au kia koe; na pehe atu au, Ko koe ni ko e haku a taue, ti eke foki a koe māku ke he motu he tau tagata momoui.
6 Kia fanogonogo mai a koe ke he haku a tagi atu, ha kua lolelole ni au; kia laveaki e koe au mai ia lautolu kua tutuli au, ha kua mua ha lautolu a malolo ke he haku.
7 Kia uta e koe au mai he fale puipui, kia fakaaue au ke he hāu a higoa; to agaagai mai kia au e tau tagata tututonu, ka mahani mitaki mai a koe kia au.