Tau Salamo 150:1-6
150 HALELUIA. Kia fakaheke a mutolu ke he Atua ke he hana faituga; kia fakaheke a mutolu kia ia ke he pulagi likoliko ha i ai hana malolo.
2 Kia fakaheke a mutolu kia ia ha ko e hana tau mana; kia fakaheke atu kia ia ke lata mo e hana homo atu.
3 Kia fakaheke atu a mutolu kia ia ke he pu kua fakatagi; kia fakaheke atu kia ia ke he napeli katoa mo e kitara.
4 Kia fakaheke a mutolu kia ia ke he topā mo e koli; kia fakaheke atu kia ia ke he minima mo e kofe fakatagi.
5 Kia fakaheke atu a mutolu kia ia ke he kumepalo fakapakō; kia fakaheke kia ia ke he kumepalo tagi lahi.
6 Kia fakaheke atu kia Ioha e tau mena oti kana kua fafagu. Haleluia.