Tau Salamo 23:1-6
23 KO Iehova, ko e haku a leveki mamoe haia; nakai fai mena ke nofogati ai au.
2 To uta e ia au ke he tau mena ne toka ai e vao mui ke takoto ai au; to takitaki e ia au ke he tapa he tau vai ke okioki ai.
3 Ti liuaki mai e ia hoku agaga, to takitaki e ia au ke he tau puhala he tututonu ha ko e hana higoa,
4 Ka fano foki au ke he pahua he ata he mate, ti nakai matakutaku au ke he taha mena kelea; ha ko koe ni kua fakalataha mo au; ko e akau hāu, mo e tokotoko hāu ke mafanatia ai au.
5 Kua fakatokatoka mai e koe e tau mena ke he laulau māku ki mua ha lautolu ne fai fi kia au; kua fakauku e koe hoku ulu ke he lolo; kua puā haku a kapiniu.
6 Ko e moli to mumui mai kia au e mahani mitaki mo e fakaalofa ke he tau aho oti he haku a moui; to nofo foki au ke he fale a Iehova ke he tau aho loga.