Tau Salamo 24:1-10
24 KO e lalolagi mo e tau mena kua puke ai, ha Iehova ia; ko e tau motu oti mo lautolu kua nonofo ai.
2 Ha ko ia ni ne fakave ai ki luga he tahi, mo e fakamau ai ki luga he tau vai lele.
3 Ko hai kia ke hake ke he mouga a Iehova? Ko hai foki ke tu mau ke he hana haeleaga tapu?
4 Ko ia kua lima meā, mo e loto meā, ko ia kua nakai manako lahi hana loto ke he mena fakateaga, mo e nakai omonuo pikopiko.
5 To moua e ia e monuina mai ia Iehova, mo e tututonu mai he Atua he hana fakamouiaga.
6 Ko e hau na kua kumi kia ia, ko lautolu ne kumi kia koe, ko Iakopo haia. Sila.
7 Ati fakatokoluga ā ha mutolu a tau ulu, ko e tau gutuhala na e; kia fakatokoluga ā mutolu ko e tau puhala tukulagi na e, ke hu atu ai e Patuiki lilifu.
8 Ko hai kia e Patuiki lilifu ia? Ko Iehova malolo mo e toa, ko Iehova ko e toa ke tau.
9 Ati fakatokoluga ā ha mutolu a tau ulu, ko e tau gutuhala na e; kia fakatokoluga ā mutolu ko e tau puhala tukulagi na e, ke hu atu ai e Patuiki lilifu.
10 Ko hai kia e Patuiki lilifu ia? Ko Iehova Sapaota ko ia ni ko e Patuiki lilifu. Sila.