Tau Salamo 26:1-12
26 IEHOVA na e, kia fakafili mai kia au; ha ko au nai kua faifano au mo e haku a mahani hakohako; kua tua foki au kia Iehova; ti nakai heke au.
2 Iehova na e, kia kumikumi mai a koe kia au, mo e kamatamata au; kia fakamea hoku manatu mo e hoku loto.
3 Ha ko e mena ha i mua ia au hāu a fakaalofa; kua faifano foki au ke he mena moli mai ia koe.
4 Nakai nofo au mo e tau tagata matahavala; ti nakai fano au mo e tau tagata pikopiko.
5 Kua fakavihia e au e fakapotopotoaga he tau tagata mahani kelea: kua nakai nofo foki au mo e tau tagata mahani hepehepe.
6 Kua holoholo haku tau lima ke eke mo fakamailoga kua nakai hala au; ti fano takai au ke he hāu a fatapoa Iehova na e;
7 Kia logona atu e leo he fakahekeaga; kia talahau atu foki hau a tau mana oti kana.
8 Iehova na e, kua fiafia na au ke he mena ne tu ai hāu a fale; ko e mena foki ne haele ai hāu a lilifu.
9 Aua neke tanaki e koe au mo e tau tagata hala, ko e haku a moui foki neke fakalataha ia mo e tau tagata lima toto.
10 Ha he tau lima ha lautolu e mahani kelea, kua puke foki ha lautolu a lima matau ke he mena fakaalofa.
11 Ka ko au nai, to fano au mo e haku a mahani hakohako; kia laveaki e koe au, mo e fakaalofa mai kia au.
12 Kua tu haku hui ke he mena molemole; to fakamonu au kia Iehova ki mua he fakapotopotoaga.