Tau Salamo 43:1-5
43 KO e Atua na e, kia fakafili mai kia au, mo e eke haku a taufetoko mo e motu nakai fai fakaalofa; kia laveaki e koe au mai he tagata fakavai mo e mahani hepehepe.
2 Ha ko koe ni, ko e Atua, ko e haku a taue; ko e ha kia ne tiaki ai e koe au? ko e ha kia ne faifano ai au mo e pilo ha ko e favale hana kua fai fi mai?
3 Kia fakafano mai hau a maama mo e hau a tonu, to takitaki e laua au, to fakahoko e laua au ke he hāu a mouga tapu, mo e hāu a faituga.
4 Ti fina atu ai au ke he fatapoa he Atua, ko e Atua ne fiafia lahi au ki ai; ko e Atua na e, haku Atua, to fakaheke au kia koe ke he kitara.
5 Haku agaga na e, ko heigoa e mena kua mānu ai a koe? ko e ha foki kua fakaatukehe ai a koe ki loto ia au? kia amaamanaki a koe ke he Atua, ha ko e mena to liu foki fakaheke au kia ia, ko e haku a fakamouiaga ia, mo e haku Atua.