Tau Salamo 46:1-11
46 KO e Atua, ko e ha tautolu a taue ia, mo e ha tautolu a malolo, kua eke a ia mo lagomatai mua ue atu ke he tau mena matematekelea.
2 Ko e mena ia nakai matakutaku ai a tautolu, pete he maliu e lalolagi, mo e luelue e tau mouga ki loto he tahi;
3 Pete he go mo e loka e puke tahi, mo e vivivivi ai e tau mouga he hana fakatokoluga. Sila.
4 Ko e taha vai lele kua fakafiafia hana tau la e maga he Atua, ko e mena tapu ha i ai e haeleaga hana ne Mua ue atu.
5 Ha i loto ia ia e Atua, nakai fagahuatia a ia, to lagomatai e Atua kia ia ke he matafatafaata he aho.
6 Kua go e tau motu kehe, kua gahuahua e tau kautu; kua vagahau mai hana leo, ti faliu puke vai e lalolagi.
7 Ha ha ia tautolu a Iehova Sapaota; ko e Atua a Iakopo ko e ha tautolu a kolo tokoluga haia. Sila.
8 Ati o mai a, kia kitekite ke he tau gahua a Iehova, ko ia kua moumou e tau mena ke he lalolagi,
9 Kua fakahiku e ia e tau ato hoko ke he fakatulakiaga he lalolagi; kua fafati e ia e kaufana, mo e tūtū e tao; kua huhunu foki e ia e tau kariota ke he afi.
10 Kia toka a, mo e iloa e mutolu ko au ni ko e Atua; to fakaheke kia au e tau motu kehe, to fakaheke kia au e lalolagi.
11 Ha ha ia tautolu a Iehova Sapaota; ko e Atua a Iakopo ko e ha tautolu a kolo tokoluga haia. Sila.