Tau Salamo 53:1-6
53 KUA pehe hifo e tagata goagoa ke he hana loto, Kua nakai fai Atua. Kua kelea ni a lautolu, kua fakalialia ha lautolu a matahavala; nakai fakai taha ke mahani mitaki;
2 Kua kitekite hifo e Atua mai he lagi ke he fanau he tau tagata, ke fioia po ke nofo ai taha kua mahani iloilo, taha kua kumi ke he Atua.
3 Kua takitokotaha a lautolu mo e mafoki kehe, kua kelea fakalataha a lautolu; nakai fai tagata mahani mitaki, nakai fakai ni taha.
4 Nakai kia iloa e lautolu kua mahani hepehepe? Kua kai e lautolu haku motu tuga ne kai e lautolu e mena kai; kua nakai ui a lautolu ke he Atua.
5 Ne matakutaku lahi a lautolu ke he mena ia nakai fai mena ke matakutaku ai; ha kua fakatafola he Atua e tau huimotua ha lautolu ne poto takai kia koe; kua fakamā a lautolu, ha kua vihiatia he Atua a lautolu.
6 Ko hai taha ke ta mai i Siona e fakamouiaga a Isaraela? Ka liuaki he Atua e paeaaga he hana motu, ti olioli ai a Iakopo, ti fiafia ai a Isaraela.